25. Pulong Sa Dios

Ang Biblia mao ang buhing Pulong sa Dios

Tan-awa ang mga Pagtulon-an

Basaha Kini sa Imong Bibliya
Salmo 119, 9-11 ug bersikulo 105;
Hebrohanon 4.12; Marcos 4, 21-29.

Ani-a ang Imo’ng Pahinumdum nga Bersikulo
Ang tibuok nga Kasulatan ginabugna sa Dios, ug may kapuslanan usab alang sa pagtudlo, sa pagbadlong,
sa pagsaway, sa pagmatuto sa pagkamatarong: Aron ang tawo sa Dios mamahingpit,
nga maandam sa bug-os alang sa tanang maayong buhat. 2 Tim. 3:16,17

Pagkahuman Hisguti ang Mahitungod Niini
Mituo ka ba nga ang pulong sa Dios mao ang katapusang awtoridad sa kinabuhi?

Usa ka Butang Angay Buhaton sa Dili pa ang Musunod
Himoa kutob sa imong mahimo ang paggahin ug espesyal nga oras matag adlaw kung mahimo
sa mahilum ug pamalandung. Ibutang sa buhat ang imong plano sa pagbasa sa Biblia.
Paghimog pito ka timaan sa libro sa imong Biblia diin ka mihunong sa imong pagbasa
aron dali ra nimong makit-an asa na ka dapita sa samang higayon sa sunod simana.

Buluhato’ng Pangdiploma
Gikan sa 2 Mga Hari 22, 8-13; kap. 23, 1-32 isulat ang tanang mga pagbag-o
nga gihimo ni Haring Josias pagkadungog niya sa pulong sa Dios.

Pamalandungi ang Matag Pulong Niini’ng Bersikuloha
Mateo 7, 24-27

Pag-gahin ug Pipila ka Minuto aron sa Kausaban sa Kalibutan

Pray For Germany - 80,000,000 people, 75% Christian

Poor East and rich West now united, traditional churches losing people.

Renewal urgently needed

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

1. Ang Biblia Mao Ang Pulong Sa Dios.

Alang sa tanang magtutuo ang pulong sa Dios talagsaon ug mahal. Sa tinuod daghang mga atwo ang mihatag sa ilang mga kinabuhi sa daghan nang katuigan aron pagtipig sa kamatuoran sa pulong sa Dios aron atong mabasa. Busa sa paglantaw sa mahal nga bili sa pulong sa Dios ako mangutana kanimo gikan sa Marcos 4.21 asa man ang Biblia sa imong kinabuhi?

Kini ba tinagoan?

O kini ba nagabarog pataas, nagadan-ag sa matag kanto sa imong kinabuhi?

2. Ang Mga Panalangin Sa Pulong Sa Dios.

Ang Iyang pulong buhi ug nagalihok, kini makigsulti kanimo ug magapamuhat diha kanimo. Heb. 4,12-13

Ang Iyang pulong maoy usa ka salamin nga mopatan-aw kanimo sa imong kaugalingon sa dihang ikaw magbasa. Ang iyang pulong dili motugot nga malingla ka sa imong kaugalingon, o motago sa kamatuoran. Jacobo/Santiago 1.22-24; Marcos 4.22

Ang iyang pulong maoy mosangkap sa hingpit kanimo aron pagbuhat sa tanan nga pangayuon sa Dios. 1 Tim 5.18

Ang Dios magasangkap kanimo pinaagi sa iyang pulong. 2 Timoteo 3,14-17; Mga Taga-Galacia 3.8

Kini kanunay nga gisulti nga ang Biblia mao ang Anak sa Dios nga nasulat, tungod kay si Hesus parehong gitawag nga ang Pulong ug ang Kamatuoran. Juan 1.1.

Gusto Ka Ba Ug Kalampusan Ug Kalambuan?
Nan buhata kung unsa ang gipahimo kang Josue. Josue 1.8. Ug kung gusto kang molambo sa tanang butang nan paminawa ang Salmo 1.1-3.

3. Sa Dihang Nagbasa Ka Nakadungog Ka Ba?

Wala ba nimo mamatikdi nga sa dihang mobasa ka sa pulong sa Dios usahay ‘makadungog’ ka sa kinasuloran, dili uban sa imong mga dalunggan. Mao kana ang tingog sa Dios. Atong pamalandungan pag-ayo ang atong nadungog tungod kay uban sa sukdanan sa atong paggamit pagasukdon usab dinhi kanato. Marcos 4.24.

4. Unsaon Nimo Paggamit Ang Pulong Sa Dios?

Imong magamit ang pulong aron pagbag-o sa imong kasingkasing, Roma 10.17

Imong magamit ang pulong aron pagbag-o sa imong hunahuna, Roma 12.2.

Imong magamit ang pulong aron pagbag-o sa imong mga pinulongan, Roma 10.10; Mga Proberbyo 18.2

Gamita ang pulong aron pagbag-o sa imong mga binuhatan, Juan 14.15

Gamita ang pulong aron pagpatuman sa kadaugan. Si Satanas walay matubag sa dihang si Hesus mitubag, Nahisulat na! Mateo 4,1-11, hilabina ang mga bersikulo 4, 7 ug 10

Gamita Ang Pulong Aron Pagbag-o Sa Inyong Mga Pag-ampo
Ang mga unang magtutuo sagad mokutlo gikan sa kasulatan aron pagiya sa ilang mga pag-ampo, ug ang Dios motubag dayon. Mga Buhat 4.23-31. Sa dihang ikaw mag-ampo ginamit ang pulong sa Dios, nan mao kini ang mahitabo ~

Unya, ikaw nagapugas ug binhi sa pulong.

Dayun uban sa pagkamalahutayon diha sa pag-ampo sa pulong, ug pagpailob, motubo ang binhi.

Sa dihang ikaw nagpabilin sa imong pagtuo diha sa Dios ug sa iyang pulong, nan kini mamunga.

Dayun ang daghang lugas, ug sa katapusan ang pag-ani.

Marcos 4.14; 4.26-29, Is. 59.11, Gen. 8.22

 

Mahinungdanon Nga Mapasa Ang Maong Pulong
Kay si bisan kinsa nga adunay pulong sa Dios mahimong maluwas ug mahatagan pa ug dugang ~ kaayuhan, kagawasan, paggiya ug kalamboan pinaagi sa pagtuo niini. Apan ang tawo nga walay pulong sa Dios nga iyang tuohan ug buhaton walay maangkon nga mga panalangin ug makuhaan pa gani sa unsay naa niya, mao kana ang iyang kinabuhi ug kalag alang sa kahangturan. Marcos 4.25

5. Giunsa Nimo Pagpamati Ang Pulong?

Gihimo sa Dios nga sayon ang pagpamati sa iyang tingog. Pakig-uban lamang kaniya ug ablihi ang imong Biblia. Angkona nga ikaw huyang ug pag-ampo aron pagtuon uban sa tabang sa Balaang Espiritu. Paggahin ug oras sa pagpamalandong sa imong nabasahan ug paminaw tungod kay pinaagi sa pagpamalandong matingala ka na lang kung unsaon sa Dios pagpakig-istorya kanimo ug pagtubag sa imong mga pangutana.

Ingon nga bag-ong magtutuo wala pa akoy nahibaluan niining mga butanga. Miadto ako sa usa ka panagtigum sa pag-ampo ug sa hilum nag-ampo bahin sa akong trabaho, akong asawa, ug mga anak tungod sa mga problema nga among giatubang. Pagkataudtaod gibati ko ang sugyot sa pagpunit sa akong Biblia ug kini naabli diha sa Salmo 128. sa dihang akong gisugdan pagbasa ang Dios katingalahang mihupay kanako pinaagi sa iyang pulong pinaagi sa pagsulti sa akong kasingkasing ~

“Bulahan ang tanan nga may kahadlok sa Ginoo

Kinsa nagalakaw sa iyang mga dalan.

Ikaw magakaon sa bunga sa imong mga buhat,

Panalangin ug kadagaya maangkon mo.

Ang imong asawa daw sama sa mabungahon nga paras ug

Ang imong mga kaanakan ingon sa mga tanum nga oliba nga naga-alirong sa imong lamesa."

Ako nagatuo sa pulong sa Dios ug karon, sa nanglabay nga katuigan akong nakit-an giunsa sa Dios pagtuman ang iyang mga saad ug pagpanalangin sa akong pamilya ug sa akong trabaho.

6. Unsaon Pagkalipay Diha Sa Pagbasa Sa Biblia

Kadaghanan sa mga katawhan magsugod pagbasa sa Genesis ug dayun mohunong kay duna silay mabasahan nga mga panahon sa Daang Tugon nga dili nila masabtan. Kitang tanan gusto mokaon ug lainlaing matang sa matag adlaw ug sama usab niana ang atong espirituhanong pagkaon. Sulayi kini nga plano ug makakuha ka ug lainlaing putahe kada adlaw. Kada adlaw pagbasa ug mga Salmo alang sa pagsimba ug mga Proberbyo alang sa kaalam.

Sa Lunes

Mga bayanihong sugilanon gika sa kasaysayan sa Biblia. Sugdi sa Genesis ug padayon ngadto sa Ester

 

Sa Martes

Hesus pinaagi sa mga tawo nga nakaila kaniya pag-ayo. Sugdi sa Mateo ug ngadto sa Lukas.

 

Sa Miyerkules

Subay sa mga tuktok ug walog sa balak. Sugdi sa Job, padayonag basa ngadto sa Mga Awit Ni Solomon.

 

Sa Huwebes

Mga sulat sa gugma gikan kang Juan. Iyahang ebanghelyo, iyahang mga sulat, ug sa katapusan ang Pinadayag.

 

Sa Biyernes

Mga pagpanagna sa Biblia. Sugdi sa Isaias ug basaha hangtud sa Malaquias. Di ba matingala ikaw.

 

Sa Sabado

Mga sulat gikan sa mga banggiitang katawhan sa Dios. Sugdi sa Roma, basaha hangtud ngadto sa Pedro ug  Judas.

 

Sa Dominggo

Bisita ug mga buhing kasimbahanan ug mga nanag-unang mga misyon pinaagi sa pagbasa sa libro sa Mga Buhat.

  

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.