24.Pag-ampo

Itugyan ang tanan nimong kabalaka ngadto kang Hesus kay siya nagatagad kanimo

Tan-awa ang mga Pagtulon-an

Basaha Kini sa Imong Bibliya
Lukas 10.38 ngadto sa Lukas 11.28

Ani-a ang Imo’ng Pahinumdum nga Bersikulo
Si Hesus nag-ingon, "Dili ba ang Dios magpanimalus alang sa iyang mga pinili,
nga nagasinggit kaniya sa adlaw ug gabii ug bisan pa siya nagpamailubon kanila
Nagaingon ako kaninyo nga siya magapanimalos kanila sa madali." Lukas 18.7,8

Pagkahuman Hisguti ang Mahitungod Niini
Hisguti kung asa nga ang-ang sa pag-ampo na ang inyong naabot.
Tan-awa kung makahimo kamo paghiusa sa pagplano aron pagabante ngadto sa lalum nga pagpangaliya.

Usa ka Butang Angay Buhaton sa Dili pa ang Musunod
Mga kababayehan kasagaran adunay gamhanan, dinihugang ministeryo sa pag-ampo.
Basin tungod kay mas sensitibo sila kaysa mga lalaki? Sa imong hunahuna makahimo ka ba
pag-aghat ibutang ta duha o tulo ka kaigsuonang kababayehan sa pagkita kada simana aron maga-ampo
alang sa tanang mga estudyante samtang kamo kauban nga nagtuon. Sulayi. Itaho ang inyong kasinatian sa inyong magtutudlo.

Buluhato’ng Pangdiploma
Kaplaga kung giunsa ni Hesus pag-ampo pinaagi sa pagsuta sa ebanghelyo ug sa Hebrohanon 5.7.
Isulat ang imong mga nakaplagan sa usa ka palid nga papel.

Pamalandungi ang Matag Pulong Niini’ng Bersikuloha
Mga Taga-Colosas 4, 2-4

Pag-gahin ug Pipila ka Minuto aron sa Kausaban sa Kalibutan

Pray For Guatemala - Praise God for huge Christian growth

Up to 45% believers in the cities, many rural unreached peoples

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Si Hesus wala kapoyi sa pag-ampo, mga daang pag-ampo diin gibalikbalik sa makadaghan. Namatikdan sa mga disipolo kung unsa ka epektibo, buhi ug tukma ang mga pag-ampo ni Hesus. Ug dugang pa nakita nila ang mga tubag, kanunay diha sa ilang mga mata, diin talagsaon diha sa daang relehiyon sa Hudiyo. Apan kahibulongan nga usa lamang sa mga disipolo ang nangahas pagpangutana diha sa Lukas 11.1 ~

"Tudloi Kami Unsaon Pag-ampo."
Wala ka ba kamatngon nga sa dihang modesisyon ka sa pag-ampo ug laraw-pangdaot sa kalibutan, ang unod ug ang demonyo mohimo sa tanan aron pagdisturbo kanimo? Mobati ka ug kakapoy, o kagutom, o kaduka o usahay mokalit lang ug santop sa imong hunahuna ang daghang mga butang nga angay nimong buhaton.

1. Unsa Man Ang Pag-ampo?

Ang pag-ampo daghang butang ngadto sa daghang tawo. Kini ang tanan gikan sa mga panaghisgut ngadto sa pisikal ug espiritwal nga buluhaton. Diha sa Lukas 11.9 ug 10 adunay tulo ka mga lebel sa pag-ampo ~

1Lebel Sayon Ra Kaayo - Pangayo.
Pangayo- sa imong gusto, bisan nakahibalo na ang imong Amahan sa imong gikinahanglan sa wala ka pa mosulti kaniya. Pakisamaha ang mga bata kinsa hanas kaayo niini! Basaha sa 2 Samuel 5, 17-25 aron pagtan-aw kung giunsa ni David pagkaplag unsay angay buhaton pinaagi sa pagpangayo’g kasayuran sa Dios. Hibaluan ta nga ang hunahuna sa Dios inang’ang nga mohatud ngadto sa dakung kasiguroan sa 1 Juan 3.21. Sa laing bahin basaha ang Josue Kap. 9. hilabina sa bersikulo 14 aron atong makit-an ang pagkamahinungdanon gayud sa pagpangayo sa Dios.

2 Lebel  Nindot  Kaayo - Pangita.
Kini ang yanong pagpangita kang Hesus, sa iyang pagka Kinsa. Malipayon nga magagahin ug daghang panahon uban kaniya, nga nagasulti kaniya sa tanan, nagapaminaw kaniya, bisan sa walay paghatud sa tanan mong mga hangyo ug listahan sa palaliton.

3 Lebel Makausab Sa Kalibutan - Panuktok.
Panuktok – sa pultahan sa ulo niining Simbahan. Imong madunggan si Hesus magasulti, “Sulod”. Siya nangimbitar kanimo ug sa mga magtutuo sa pakig-uban kaniya sa pag-ampo tungod kay  “wala siya mibiya sa pagpangaliya”, naga-ampo alang sa dapit sa mga nangawalang katawhan. Ang pagpakig-uban kaniya diha sa mga pag-ampo mao ang tinuod nga pagpangaliya, sagad ang paghimo niini sa inuras o bisan sa inadlaw. Heb. 7, 24-25

2. Nganong Mag-ampo?

Adunay daghang mga rason, dili lamang panag-istoryahay talisa imong Amahan ug kanimo nga iyang anak samtang ikaw nagtubo. Bisan pa, uban sa talan-awon nga gihatag ni Hesus sa Lukas 11.21 kitang tanan makakaplag ug pipila ka mahinungdanong mga rason alang sa pag-ampo.

• Ang tawong kusgan nagrepresenta kang Satanas.
• Ang iyang panimalay mao ang kalibutan ug ang iyang gibantayan nga kabtangan mao ang mga tawo.
• Ang usa ka tawo nga mas kusgan mao si Hesus.
• Kita anaa kaniya ug nagalingkod uban kaniya. Mga Taga-Efeso. 1.23; 2.6
• Ang mga nangalaglag mao ang tanang katawhan kinsa nangaluwas pinaagi sa pag-ampo. Imong pamilya, ug mga kasilinganan ug bisan ang mga katawhan nga imong gi-ampo sa halayo.

3. Kinsa Ang Angay Mo-ampo?

Sa Lukas 18.1, si Hesus misulti sa iyang mga manununod, kalalakin-an ug kababayehan, mga batan-ong lalaki ug babaye, nga kinahanglan sila mag-ampo ug dili mohunong. Ang pag-ampo usa ka gamhanang pagpangalagad abli sa tanang magtutuo, mabatan-on ug tigulang man.

4. Asa Kita Angay Mag-ampo?

Sa panahon sa Biblia ang mga tawo kinahanglan pa mobiyahe aron mag-ampo didto sa Templo o diha sa gagmay nga mga tigumanan sa Hudiyo. Karon ang Biblia nag-ingon nga ang imong lawas mao ang templo sa Balaang Espiritu mao nga maka-ampo ka bisag-asa, sa bisag unsang oras, ug sa bisag unsang paagi ~ nagluhod, naglakaw, nagtrabaho, nagbisikleta, bisan naghigda.

5. Kanus-a Kita Angay Mag-ampo?

Si Hesus nag-ingon maka-ampo kita sa ‘kanunay’, ug si Pablo nag-ingon, ‘sa tanang higayon’. Adlaw o gabii, sa bisag unsang panahon sumala sa gikinahanglan sa disiplina o sumala sa awhag sa atong kasingkasing, dali kitang maka-ampo. Si Hesus nag-ingon kanato sa paglahutay diha sa pag-ampo, ug si Pablo nag-ingon sa pag-ampo diha sa Espiritu uban sa tanang klase sa pag-ampo ug mga hangyo, gikan sa pinakahilom ngadto sa pinakamakusog.

6. Unsaon Nato Pag-ampo?

Si Hesus nag-ingon diha sa Lukas 11.2-4 nga INGON NIINI ang pag-ampo. Kining mga pulonga dili angay balikbalikon pag-usab sa walay paghunahuna o pagbati sumala diha sa kadaghanan sa mga simbahan, apan kinahanglan sila iampo gikan sa kasingkasing ug sa hunahuna.

Sugdi Pinaagi Sa Pakig-istorya Sa Atong Amahan

Hinumdumi nga ang atong Amahan usa ka hingpit nga mahigugmaon ug manggihunahunaon nga Amahan, dili sama sa kadaghanan sa atong mga kalibutanong amahan.

 

Tahora Ug Dayega Ang Iyang Ngalan

Paggahin ug panahon sa pagsimba ug pagdayeg kaniya, sa dili pa ikaw mosulti ug bisag unsa. Sultihi ang Dios kung unsa mo siya kamahal ug pasalamat kaniya sa iyang gugma kanimo ug sa imong panimalay ug nasud. Juan 4.23.

 

Dapita Sa Pagpakanaog Ang Iyang Gingharian

Ang gingharian mao ang dapit diin magahari ang hari, mao nga dapita ang paghari sa Dios nga moabot kung asa kini gikinahanglan sa imo bang kaugalingong kinabuhi ug hunahuna, sa panimalay ug sa nasud.

 

Pangayoa Nga Ang Iyang Kabubut-on Maoy Matuman

Batok sa mga dili matarong nga panghitabo dinhi sa palibot.

 

Pangayoa Ang Imong Kalan-on Sa Matag-adlaw

Ang Amahan matinguhaon sa pagtagbo kanato.

 

Pangayoa Sa Dios Ang Kapasayloan Sa Imong Mga Sala

Tugoti ang dugo ni Hesus nga mohugas sa tanang sala.

 

Ug Karon Nga Ikaw Gipasaylo Na
Ang pagpasaylo sa uban maoy usa ka kondisyon sa pagdawat sa imong kaugalingong kapasayloan.

 

Ilikay Kami- Apan Tultuli Kami Kung Asa?

Pangayoa ang giya sa Dios sa imong kinabuhi.

 

Pangayoa Sa Dios Nga Luwason Ka Gikan Sa Dautan

Nga nagpahipi diha sulod nimo, diha sa panimalay, diha sa mga butang sama sa mga drugas ug mga gubat.

 

Dayga Siya Sa Iyang Gingharian Ug Himaya.

Usa ka maayong higayon sa dugang pagsimba, pagdayeg ug pulong sa pagtuo. Tan-awa unsaon paglabay sa panahon sa dihang mo-ampo ka sama niini.

Sa katapusan aniay usa ka sekreto sa gamhanang pag-ampo. Si Hesus mitapos sa iyang pagtudlo bahin sa pag-ampo diha sa Lukas 11.13 pinaagi sa pagsulti kanato kung unsa ka matinguhaon ang Amahan sa paghatag kanato sa Balaang Espiritu. Mao nga kanunay imbitaha ang Balaang Espiritu sa pag-una sa tanang panahon sa pag-ampo, inusara o may kauban ug tan-awa unsaon niya pagkuha sa pag-ampo gikan sa imong kasingkasing ug mga ngabil. Ang oras molabay lang daw minutos. Lukas 11.5-8; Mga Taga-Efeso. 6.18.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.