23. Ang Balaang Espiritu

Dayun sa akong panimalay, pun-a ko, pun-a ang matag lawak

Tan-awa ang mga Pagtulon-an

Basaha Kini sa Imong Bibliya
Mga Buhat 2

Ani-a ang Imo’ng Pahinumdum nga Bersikulo
Kay kitang tanan gibautismohan diha sa usa ka Espiritu, aron mausa ka lawas 
bisan mga Hudeyo, kun mga Gresyahanon, bisan mga ulipon, kun mga dili ulipon, kitang tanan
gipainum sa usa ka Espiritu. 1 Mga Taga-Corinto 12.13

Pagkahuman Hisguti ang Mahitungod Niini
Nadawat ba nimo ang Balaang Espiritu sa una nimong pagtuo?
O pagkahuman na? Napuno ka ba kaniya sukad niadto?

Usa ka Butang Angay Buhaton sa Dili pa ang Musunod
Pagtigom kamo alang sa pag-ampo ug padulong ngadto sa mga lakang sa pag-abiabi
ug pagdawat sa Balaang Espiritu, pag-ampo alang sa matag-usa hangtud mapuno kamo.

Sinulat nga Buluhato’ng Pangdiploma
Tan-awa kining mga pulong nga ‘pletho’ ug ‘pleres’.
Isulat sa usa ka papel aron paglarawan kung unsay ipasabot niana karon.

Pamalandungi ang Matag Pulong Niini’ng Bersikuloha
Mga Taga-Galacia 5.5.

Pag-gahin ug Pipila ka Minuto aron sa Kausaban sa Kalibutan

Pray For Latvia - 3,000,000 Baltic & Slav peoples

In Northern Europe, former USSR, Ethnic tension, economic problems

20% Protestant, 20% RC, 15% Orthodox

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 Aron nga magmalampuson sa pagtubag sa tawag sa Dios ang tanan nagkinahanglan sa gahum sa Espiritu sa Dios sa sulod ug bisan ang mga Kristohanon adunay nagkalainlaing opinyon kung kanus-a ug unsaon pagdawat sa Balaang Espiritu walay si bisan kinsa nga nagduhaduha nga gikinahanglan gyud nato siya. Sa pagkamatinahuron paminaw sa mga kapilian nga mga pagtan-aw ug pagkat-on ug pakigbahin sa walay paglalis o pagpakitag pagkalabaw sa tanan nga kinaiya. Aniay usa ka iladong pagsabot.

1. Ang Saad Sa Laing Bautismo.

Diha sa Mga Buhat 1, 4-8, ang pulong bautismo mao ang ‘baptizo’, diin nagpasabot ug paglusbog o pagtuslob. Dili kini ‘baptisma’ sa Mga Taga-Efeso 4.5, diin nagpasabot ug ang pagbuhat sa bautismo, ug dili usab kini ‘baptismos’ sa Hebrohanon 6.2, diin nagpasabot ug paghugas.

2. Ang Saad Ginatagna Na

• Basaha sa Isaias 32.15 ug tan-awa ang resulta.
• Tan-awa sa Ezequiel 36.27 ug pangitaa ang lima ka mga sangputanan.
• Tan-awa sa Joel 2.28 ug tinguhaa ang mga sangputanan.
• Basaha ang mga pulong ni Juan diha sa Lukas 3.16, ug ang testimonyo sa iyang pagkatawo. Lukas 1.15
• Si Elizabet napuno ug maingon man si Zacarias, si Hesus, ug ang mga disipolo. Lukas 1.41;1.67; 4.1; Mga Buhat 2.4.

Usa ka pulong sa ‘napuno’ mao ang pletho diin nagpasabut sa pagkahisama sa espongha, nagatuhop ug nagaagas ang dinagayday sa tubig bisag-asa. Laing pulong sa Biblia mao ang ‘pleres’ diin nagpasabot sa usa ka panudlanan sa tinapay, nga napuno hangtud sa ibabaw, nagaawas ug nagapanghulog ug pagkaon bisag-asa.

3. Ang Balaang Espiritu Mao Ang Saad Sa Amahan.

Diha sa panahon sa Daang Tugon ang Espiritu kasagaran naa ra ‘sa ibabaw’ apan wala sa sulod sa katawhan sa Dios, Num. 11.25. Gawas sa uban sama kang Bezalel ug Josue. Tan-awa ang mga sangputanan diha sa Exodu 31.3, Deut. 34.9.

4. Ang Balaang Espiritu Mao Ang Saad Ni Hesus.

Si Hesus nagaingon nga ang Balaang Espiritu moabot, Juan 7.37-39, 14.16, 16.7

Siya magapuyo uban kaninyo ug magasulod diha kaninyo, Juan 14,17

Siya magasul-ob kaninyo sa gahum. Lukas 24.49

Si Hesus nimando sa iyang mga disipolo sa pagdawat sa Balaang Espiritu, sa laing pagkasulti abiabihon siya. Juan 20.22, Mga Buhat 1.5-7.

5. Si Hesus Nagsaad Kanato’g Gahum.

Diha sa Mga Buhat 1.8 ang pulong mao ang dunamis-gahum, ang abilidad sa paghimog bisag unsang butang, o paghimog mga milagro, Mat. 25.15, Mga Taga-Gal. 3.5, Mga Buhat 8.13, Marcos 6.5. laing pulong sa Biblia alang sa gahum mao ang exousia, nga ang gipasabot awtoridad. Lukas 10.19.

Exousia-awtoridad nagahatag kanato ug katungod, apan gikinahanglan ta ang ‘dunamis’ nga gahum aron pagpatuman sa exousia. Aduna siguroy awtoridad ang usa ka opisyal pagbawig umahan sa usa ka mag-uuma apan nagkinahanglan siyag gahum pag-abog sa mga toro nga nagpuyo sulod niini! Aduna kay awtoridad ibabaw sa mga demonyo apan gikinahanglan mo ang gahum sa Dios aron pag-abog kanila.

6. Ang Saad Nagsugod.

Diha sa Mga Buhat 2.1-11, ang Balaang Espiritu miabot uban sa gahum ug 120 ka mga magtutuo nagasultig pinulongan nga wala pa nila hibalui. Tan-awa sa 1 Mga Taga-Cor 14.5,18. Mga katawhan sa nagkalailaing nasud nagaduol ug nakadungog sa mga katingalahan sa Dios diha sa ilang kaugalingong sinultihan. Mao pa gihapon kana ang katuyuan sa Dios kanato hangtud karon. Si Pedro nag-ingon nga ang pag-abot sa Espiritu nagpakita nga ang katapusang mga adlaw nagsugod na, Joel 2.28-32, Mga Buhat 2.16-21.

7. Ang Saad Nagalihok Sa Gawas.

Ang mga magtutuong Hudiyo nakakaplag nga ang Balaang Espiritu mipuno kanila sa makadaghan. Unya ang naa sa duol nga mga Samaritanhon midesisyon sa pagsunod kang Hesus ug nakadawat usab sila sa Balaang Espiritu. Mga Buhat 8.4-8, 14-17.

Mibisita si Pedro kang Cornelius, kinsa usa ka Romano, usa ka taga-Oropa ug usa ka sundalo ug sa dihang siya naghisgut mahitungod kang Hesus, ang Balaang Espiritu mikunsad ngadto sa iyang panimalay ug mga higala. Mga Buhat 10. 44-46.

Unya atong nakaplagan nga ang mga katawhan sa Turkey nangapuno usab. Mga Buhat 13.52, 19,1-7.

Si Pablo nagsulat nga kitang tanan kinahanglan "mapuno – sa mapadayunon" uban sa Espiritu. Tan-awa sa Mga Buhat 4.31, Mga Taga-Efeso 5.18

8. Ang Maong Saad Alang Kanimo Karon.

Mga Buhat 2.38-39 walay kinutuban sa panahon bisan kanato kinsa ania sa layo. Imong makita ang usa ka hulagway unsaon pagdawat sa saad nga naagian ni Maria diha sa Lukas 1.35. Ang Balaang Espiritu makahimo pagkunsad kanimo ug ang gahum sa Dios makahimo paglandong kanimo, aron pagtugot ug laing balaang anak sa Dios nga matawo.

Nadawat mo ba ang Balaang Espiritu sa dihang una kang mituo? Mga Buhat 19.2

Puno ka ba sa Balaang Espiritu karon?

Imo bang gipaagas ang panalangin sa Dios sama sa espongha, o gipaawas uban sa tinapay sa kinabuhi sama sa basket?

Gusto ka ba ug 'dunamis' sa imong kinabuhi?

Gusto mo ba gayud ang Balaang Espiritu nganha kanimo? Siya usa ka tawo kinsa mo kombiktar sa sala, tigpasiugda sa balaang kinabuhi ug makahimo gani pagtawag kanimo bisan ngadto sa mga utlanan ning kalibutan.

9. Giabiabi Ka Balaang Espiritu Karon.

1. Kinahanglan nga uhaw ka sa Dios Juan 7.37
2. Hinloi ang imong ‘templo’ pinaagi sa pagpangayo ug pasaylo sa Ginoo. 1 Mga Taga-Cor. 6.19, 2 Mga Taga-Cor 6.14 to 7.1, 1 Juan 1.9
3. Biyai ang laing espiritu nga anaa kanimo, diha sa ngalan ni Hesus.
4. Pangayoa sa Amahan ang iyang mga gasa sa Balaang Espiritu alang kanimo, Lukas 11.9-13.
5. Abiabiha siya pinaagi sa pag-ampo sa pagtuo.
6. Hatagi siyag kagawasan sa pag-anha bisag asa sa imong lawas, kalag, hunahuna ug sa inyong kaniadto ug sa umaabot.
7. Karon pahulay ug dawata ang gasa, imna siya pag-ayo. Juan 7.37, 1 Mga Taga-Cor 12.13.

Buntoga ang tanang pagkamahadlukon ug garbo, pasalamati siya sa iyang pag-anhi, tugyan ngadto kaniya ug damha ang bisag unsa kalinaw, kalipay, pagkatawa o paghilak o ang tanan upat. Basig makasulti ka sa laing dila o mobuto diha sa pagdayeg, simba ug panagna dayon o unya na ba kaha. Imo na lang makaplagan ang iyang presensya sa tanang parte sa imong kinabuhi. Mga Buhat 2.4,10.46, 19.6.

  

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk