21. Unang Mga Lakang

Tan-awa ang mga Pagtulon-an

Basaha Kini sa Imong Bibliya
Mga Buhat 2, 22-47

Ani-a ang Imo’ng Pahinumdum nga Bersikulo
"Maghinulsul kamo ug magpabautismo ang tagsatagsa kaninyo sa ngalan ni Hesu Kristo
alang sa pagpasaylo sa mga sala, ug managdawat kamo sa hatag
sa Balaang Espiritu. Mga Buhat 2:38

Pagkahuman Hisguti ang Mahitungod Niini
Ang tanan ba kaninyo nakahinulsul, nabautismohan, nakadawat sa Balaang Espiritu
ug iya na sa panimalay sa Dios. Kung wala pa himoa ang imong mga plano karon.

Usa ka Butang Angay Buhaton sa Dili pa ang Musunod
Paglista ug mga libro sa pagtuon ug Biblia nga inyong makit-an diha sa kaubanan,
o sa panimalay sa ubang mga magtutuo, bisan gani diha sa librarya.
Pangita ug mga ‘concordance’, mga diksyonaryong pangbiblia, mga paghubit ug mga diksyonaryo.
 Kini makatabang kanimo aron makahibalo ka dihang magtuon ka.

Sinulat nga Buluhato’ng Pangdiploma
Tan-awa kung pili ka mga pagbautismo sa tubig ang imong makita sa Bagong Testamento,
ug isulat kini sila sulod sa duha ka papel.

Pamalandungi ang Matag Pulong Niini’ng Bersikuloha
Mga Taga-Colosas 3, 1-10

Pag-gahin ug Pipila ka Minuto aron sa Kausaban sa Kalibutan

Pray For Saudi Arabia - The death penalty is the price

for following Jesus in Saudi Arabia, nearly all 17,000,000 follow Islam

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Sa atong pagbasa sa Biblia atong nahibaluan giunsa ni Pedro pagwali mahitungod kang Hesus sa katawhan kinsa nanagan aron pagsusi unsay nahitabo sa dihang ang mga unang magtutuo napuno sa Balaang Espiritu. Sa dihang nadungog sa mga katawhan ang pagbalik ni Hesus, ang Anak sa Dios ug sa iyang kinabuhi, sa iyang kamatayon diha sa mga kamot sa ilang mga pangulo, ug sa iyang pagkabanhaw ug Pagkaginoo sa tuong kamot sa Dios, nangutana kang Pedro sa usa ka importanting pangutana ~

1. Unsa May Among Buhaton?

Ang tubag ni Pedro diha sa Mga Buhat 2.38 nagsulti kanato sa tulo ka butang nga maoy agianan padulong sa panimalay sa Dios. Unsa man kini sila?

Paghinulsol
Makahinulsol lamang kita sa dihang ang Balaang Espiritu makigsulti sa atong mga kasingkasing ug makamatngon kita sa kaseryoso sa atong mga sala atubangan sa balaang Dios. Mahimo kitang magbasol sa tinudanay ug magasugid kaniya, ug unya maghinulsol kita. Ang paghinulsol  usa ka pulong nga nagpasabot ug pagtalikod ug paglakaw sa pikas direksyon. Nagahinulsol kita sa dihang mohunong kita paglakaw diha sa mga makasasalang pamaagi sa kalibutan ug mopili sa paglakaw sa pamaagi sa Dios, ug nagapangayo sa iyang tabang aron atong mahimo.

Kinahanglan Mabautismo
Si Pedro nag-ingon nga human sa paghinulsol, ang matag usa kinahanglan nga mabautismohan diha sa ngalan ni Hesu Kristo aron pagpakita nga ilang nadawat ang kapasayloan sa ilang mga sala. Ang bautismo usa ka karaang tradisyon nga maagain sa mga tawo sa dihang mosulod sila sa tinuhoan sa mga Hudeyo mao nga nasabtan sa mga tawo ang bahin sa gisulti ni Pedro. Apan alang sa mga manununod ni Hesus ang bautismo labaw pa kaysa usa ka ritwal o seremonyas. Kini ang pagsunod sa Agalon, ug ang agianan padulong sa bagong kinabuhi ug bagong pamilya.

Dawata Ang Gasa Sa Balaang Espiritu
Dili gayud kita makapuyo sa madaugong Kristohanon nga kinabuhi kung wala ang iyang gahum ug iyang presensya sulod nato. Ang Balaang Espiritu maoy mohimo sa patay’ng relehiyon nga mahimong buhi nga relasyon diha sa Dios. Gikinahanglan nato siya aron pagpuno sa atong personal nga mga kinabuhi ug sa atong kinabuhi kauban sa ubang mga magtutuo. Pagdawat kaniya ug pag-abiabi kaniya dinhi sa atong mga kinabuhi importanti kaayo gani miingon si Pedro usa kini sa mga unang butang nga angay natong buhaton. Human kita mabautismohan kitang tana hatagan sa Balaang Espiritu aron atong imnon. Tan-awa sa 1 Mga Taga-Corinto 12-13.

2. Si Hesus Mismo Nagpabautismo

Diha sa Mateo 3, 13-17 atong mabasahan ang mahitungod sa pagka maayong panig-ingnan ni Hesus kinsa pinakasumbanan alang sa pagkinabuhi. Siya nagapamuhat sa ministeryo human sa bautismo.

Ang Bautismo Nagpakita Ug Pagtuman Ngadto Kang Hesus
Diha sa Mateo 28.19 si Hesus mimando nga ang tanang katawhan kinahanglan nga mabautismohan, ug siya miingon sa Juan 15.14 kita iyang mga higala kung kita motuman sa iyang mga mando. Mao usab ang gisulti sa Mga Buhat  5.32.

Kinsa Man Ang Kinahanglan Mabautismohan?
Diha sa Biblia aton makaplagan nga ang mga magtutuo ra ang nabautismohan. Ang pagsunod kang Hesus usa ka seryoso nga desisyon apan bisan ang usa ka bata matinudanon nga motuo, mao nga walay limit sa edad diha sa Biblia. Sa ubang simbahan ang mga bata nga bag-o pang natawo ilang pabautismohan apan kini usa lamang ka pagbuhat sa mga ginikanan sa ilang pagtuo sa pagtugyan sa ilang mga anak ngadto sa Dios. Dili pagbulot-an sa Biblia nga mutuo gikan sa mga gagmay nga bata, diin may pagka-imposibli.

Giunsa Man Ikaw Pagbautismo?
Ang pulong sa Biblia nagpasabot  sa paghumol o pagtunlob, mao nga  sa atong hunahuna diha sa Biblia nga ang pagbautismo nagpasabot nga moadto sa ka sa ilalum sa tubig sa pipila ka gutlo, bisan sa laing simbahan karon ang mga tawo gibautismohan pinaagi sa pagbisibis ug tubig ngadto kanila.

Unsa May Mahitabo Diha Sa Pagbautismo?

1.       Ang bautismo usa ka dayag nga pag-angkon sa imong pagtuo diha sa Dios pinaagi kang Hesus, ug pagpamatuod ngadto sa Dios, ngadto sa mga anghel, ngadto sa mga demonyo ug ngadto sa mga kaatwhan nga imong kagustuhan ang pagsunod kaniya. Marcos 8.38

2.       Ang bautismo usa kapagpaila nga sa dihang si Hesus namatay sa Krus, ang imong karaang kinabuhi namatay uban kaniya. Imong gihugasan ang imong mga kasalanan ug gilubong ang imong daang kinabuhi sama nga si Hesus namatay ug gilubong. Sa imong paghaw-as gikan sa tubig imong gipaila, ug uban sa pagtuo, nakadawat ug bagong kinabuhi nahiusa uban kaniya diha sa gahum sa pagkabanhaw. Roma 6, 3-6

3.       Ang bautismo mao ang imong pagmantala nga ikaw mosulod sa pamilya sa katawhan sa Dios, ang Simbahan. 1 Mga Taga-Cor .12.12-13

Kanus-a Ka Angay Magpabautismo?
Sa madaling panahon kung mahimo. Diha sa Mga Buhat 2.38 ang mga tawo nabautismohan sa samang adlaw nga sila mipili sa pagsunod kang Hesus. Ang bautismo usa ka paagi sa pagdawat sa grasya sa Dios, ug ang bagong nakabig nagkinahanglan ug dugang grasya sa pagsugod aron makatabang kaniya sa pagbarog.

3. Dayon Sa Panimalay Sa Dios

Sa dihang mihukom ka sa pagsunod kang Hesus misulod usab ikaw sa usa ka dakung panimalay. Dili ka makasunod kang Hesus kung maghimo ka sa imong kaugalingong butang. Impotanti kaayo nga mahimo kang kabahin sa panimalay sa Dios, ang simbahan. Imong makaplagan nga ang imong pagkabahin magadala ug dakung kasiguroan ug kalig-on sa kinabuhi.

Asa Ka Nga Simbahan Angay Mosulod?
Karong mga panahona daghang mga tigum sa mga magtutuo, ang uabn sama sa naandan, uban moderno apan ang maayong simbahan sa kanunay adunay samang  mga maayong panagsagulsagol nga makit-an diha sa Bagong Testamento nga mga kasimbahanan. Tan-awa sa Mga Buhat 2.42-47.

·         Dibosyon ngadto sa mga pagtudlo sa mga apostoles, diin karon atong makita diha sa Biblia. Ang mga unang butang angay natong makat-unan mao ang paghinulsol, pagtuo diha sa Dios, bautismo, ang pagtapion sa mga kamot, pagbanhaw sa patay, ug ang katapusang hukom. Hebrohanon 6, 1-2

·         Dibosyon ngadto sa matuod nga panaghigala.

·         Dibosyon sa pagdawat sa grasya sa Dios pinaagi sa pagpikaspikas sa tinapay.

·         Dibosyon sa pag-ampo.

·         Aduna pagkahadlok diha sa Dios, mga milagro ug ang pagdugang sa mga katawhan. Mga tawo nagsaluhay sa ilang mga kabtangan, nagatabang sa mga kabus, ug ang pagtigum aron pagsimba sa Dios diha sa panimalay ug diha sa templo.

Apan hinumdumi kanunay ang paghinulsol, pagkabautismo, pagdawat sa Balaang Esspiritu ug ang pagsulod sa panimalay sa Dios usa lamang ka pagsugod. Aduna pay daghang angay kaplagon.

  

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.