20. Pagpangita’g Mga Suporta

Ikaw ba mangita’g salapianong suporta o mangita’g mga higala?

Tan-awa ang mga Pagtulon-an

Basaha Kini sa Imong Bibliya
Mga Taga-Filipos 1

Ani-a ang Imo’ng Pahinumdum nga Bersikulo
Kay hingbaluan ko nga kini mosangpot sa akong kaluwasan pinaagi
sa inyong pagpangaliyupo, ug sa paghatag sa Espiritu
ni Hesu Kristo. Mga Taga-Filipos 1.19

Pagkahuman Hisguti ang Mahitungod Niini
Ang bili sa panaghigala ug unsay kahulugan niini diha kanimo. Aduna ka bay
mga suod nga higala? Kung wala pangayoa sila diha sa pag-ampo ug sulod sa panahon
imong makit-an ang pagabuhaton sa Dios diha kanimo.

Usa ka Butang Angay Buhaton sa Dili pa ang Musunod
Nganong dili man mo magpreparar ug panagtigom sa inyong balay aron pag-imbitar ug mga higala
ug ipasabot kanila samtang nagkaonkaon kung unsay gisulti sa Dios kanimo ug
kung unsay imong gilauman nga imong buhaton sa imong kinabuhi.
Pangita’g mga higala ug dili mga pundo nga salapi, ayaw gali paghisgut ug salapi.

Sinulat nga Buluhato’ng Pangdiploma
Pagpraktis ug sulat sa usa ka papel ug sulat balita aron pagpahibalo sa imong mga higala ug sa imong
simbahan kong unsay imong gipanghimo. Isulti kung unsa kini ug kung ngano. Sultihi sila asa ka
mopadulong, kanus-a ug kinsay imong kauban. Sultihi kung unsaon nimo pagkab-ot ang imong
tumong ug unsay mga magasto niini.

Pamalandungi ang Matag Pulong Niini’ng Bersikuloha
Job 16, 20-21

Pag-gahin ug Pipila ka Minuto aron sa Kausaban sa Kalibutan

Pray For The Pacific - 28,000,000 pop’n, 1,533 peoples

75% Christian, in decline, a few remaining unreached tribes

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Aron pagtubag sa tawag sa Dios ug pagsulod sa Dakung Sugo kinahanglan mangita ka ug pamaagi nga kapanginabuhian, makatrabaho o masuportahan  ka diha sa imong ministeryo sa misyon. Uban sa mga taga-Kasadpan nga mga misyonero gisuportahan sa ilahang kaugalingong simbahan, apan mahimong dili na sila maapil karong mga panahona kay kadaghanan sa misyonerong magbubuhat gikuha gikan sa mga pobreng dapit sa Oropa ug gikan sa mga nasud sa nagauswag nga kalibutan sa Habagatang Amerika, Aprika ug Asya diin lisod pangitaon ang salapianong suporta.

Tan-awa Ang Dapit Sa Gingharian Sa Ekonomiya

Kini makatabang sa matag-usa diha sa kasimbahanan sa naga-uswag nga kalibutan sa pagpangitag pagtuo bahin sa salapianon ug mga ideya kong unsaon pag-abante diha sa Dakung Sugo.

 

Unsa May Mahitabo Kung Ang Imong Simbahan Dili Makasuporta Kanimo?

Dili na kini ikatingala bisan sa Kasadpang dapit diin ang panan-awon sa misyon naga us-os sa dugaydugay’ng panahon. Ayaw kabalaka kung ang mga pangulo mobalibad kanimo. Aduna pay laing mga paagi, diin mas epektibo ug mas dakug panalangin kaysa modawat lang ug tseke kada buwan gikan sa panudlanan sa simbahan.

Ang Mga Tawo Nagkinahanglan Ug Mga Tawo.

Kung magsige lang ka ug pangitag pundo nga kwarta ang imong makuha kwarta ra nga magasto. Apan kung ikaw mangitag mga higala, imong makuha ang ilang gugma, ilang mga pag-ampo, ilang tambag ug kaalam ug ilang pakighigala sa umaabot nga katuigan. Adunay daghang panahon nga ang kwarta gamay ra ug bili. Basaha ang mahitungod sa mga bililhong katambayayong ni Pablo diha sa Mga Taga-Filipos 1.

Mga Pagtulon-an Gikan Sa Ginoo Diha Sa Kinaiyahan
Pananglit, hunahunaa ang usa ka kahoy nga nagtubong kusgan ug barog kaayo. Wala ka ba kahibalo nga ilalum sa yuta kini gipasukad sa usa ka tibuok nga baling sa mga lagyong ugat nga maoy nagahatag kalig-on ug sustansya alang niini. Tugoti nga ang Amihan nga hangin  mohuyop, o kun mobunok ang bagyo, ang maong kahoy magabarog gihapon.

Eksperto Sa Pagbaling Sa Kinaiyahan
Karon tan-awa ang kaka. Tan-awa lamang ang iyang makutihon nga lawalawa diin kini makahatag ug tumang atensyon. Ang kaka nagpuyo sa tungatunga sa daghan, ininat nga makugihong gilala nga rayos diin galig-on sa iyang balay ug nagadakop sa iyang pagkaon. Bisan mo huyop ang hangin ugma anaa lang gihapon ang kaka, sa hamugaway nagahilis sa katapusang pagkaon nga iyang nadakop!

Mangita’g Mga Higala Dili Lang Mga Salapianong Pundo.

Ang buluhaton sa misyonero kinahanglan may duha ka agianang trapiko diin  anaa ka sa duha ka agianang magtagbo. Ang pagministeryo sa mga wala pa nawalihan importante apan ayaw kalimot sa pagministeryo pagbalik sa mga tawo nga mihimo sa imong ministeryo nga posible. Kasagaran sa mga tawo kinsa nagasuportag mga buluhaton sa misyon gusto nga moadto apan dili makahigayon tungod sa mga atubangon sa panimalay, sa edad o balatian. Ikaw ang ilang mga kamot, mga tiil ug mga ngabil ug gusto sila makakita sa imong nakita, makadungog sa imong nadungog ug mobati sa imong nabati. Siguroha nga mahimo usab nila.

Ang Mga Nagasuporta Nagkinahanglan Usab Ug Mga Pagsuporta
Dili tanan nga nagsuporta kanimo adunay buhi, nga simbahan ug pastor nga nagalihok sa pag-alima. Basig ang bugtong tawo nga nag-ampo ug naghunahuna mahitungod kanila mao ikaw. Busa siguroha pagtuman sumala sa imong responsibilidad diha sa Dios.

Buhata Sa Uban Sumala Sa Gusto Nimong Buhaton Nila Diha Kanimo
Kung ikaw magapugas ug binhi sa kalooy, kahingawa ug paghatag nan mao usab kana ang imong anihon. Gagmay’ng mga gasa ug mga ‘postcard’ makahimog kausaban, ilabina sa mga tawo nga anaa ra sa balay.

May Usa Ka Tawo, Sa Usa Ka Dapit Nga Nagahulat Nga Makabalita Gikan Kanimo
Dili siguro ka mahatag ug dakung panahon sa pakigkomunikasyon. Karong panahona ang matag usa daw sa kanunay nagdali ug wala nay panahon sa pagpadala o pagdawat ug mga balita. Dili ka magpahisama niana. Padala ug mga ‘postcard’ nga anaay mga larawan ug mga ginagmayng mensahe. Padala kanunay ug mga sulat balita ug ayaw kalimot sa Pasko ug mga adlaw’ng natawhan. Gamita ang pagpadala, ang telepono nga usahay barato ilabina’g kada katapusan sa simana ug sa gabii, gamit sa ‘fax’, mga sulat pinaagi sa kompyuter, mga mensahero ug sa bisag unsang paagi diin makaistorya ug makapasalamat ka sa imong mga higala nga nagasuporta kanimo.

Itutok Ang Imong Mga Mata Kang Hesus
Imposible ang pagpadaku sa kaimportansya sa imong mga higala. Ang grupo nga may unom o basin usa ka dosena mas bilihon pa alang kanimo kana nga tibuok kongregasyon kinsa nakalimot sa imong ngalan sa sunod adlaw. Apan luyo nianag tanan mao ang grasya sa Dios, ug diha lamang kaniya ka kinahanglan mosalig uban sa disiplinadong balaanong kinabuhi sa pag-ampo, pagtuo ug pagsalig diha sa iyang mga saad.

Asa Ka Magsugod?

Una, paghimo ug pagsugod, hinumdumi nga ang mga ilhanan magasunod kanimo apan panagsa ra moabot sa dili ka pa mo buhat diha sa pagtuo. Marcos 16.17.

Pahibaloa Ang Mga Tawo
Hinumdumi ang pagbanhaw kang Lazaru? Si Hesus mihimo sa milagro apan daghang mga tawo ang naapil nianang adlawa. Personal nga pagbisita sa pamilya, ug sa mga higala nga gibutang sa Dios diha sa imong agianan aron imong mapasabot sa imong panan-awon ug pangayoa ang ilang pagtuo ug mga pag-ampo. Ang Dios ra maoy moaghat kanila sa pagpangutana kanimo mahitungod sa suporta o sa dili ba kaha madugay apan kinahanglan nga ikaw ilang higala ug pangayoa gayud ang ilang pakighigala sa dili ka pa molakip ug salapi. Sa dihang mohatag na sila kanimo kinahanglan nga mapasalamaton ka  gayud. Sila ang grasya sa Dios diha kanimo.

Hibalui Ang Imong Mga Buluhaton, Paghimo Ug Badyet
Bahina ang imong mga gikinahanglan aron mahimong mas madumala ang imong mga tuyo. Sama pananglit 10,000 pesos sa kada bulan sama ra sa 10 ka mga tawo mohatag ug tag 1,000 pesos kada usa sa kada bulan. Mas dali man mohisgut mahitungod sa 1,000 pesos kay basig maikog sa 10,000.

Pagbantay Sa Imong Liog !
Ang kaaway ganahan mutuok kanimo sa salapianong bahin tungod kay nasayod siya nga kung matuok ka niya mohinay ang dagan sa kinabuhi. Pagbantay sa iyang mga pag-atake ayaw, ayaw gayud ug sunod sa iyang mga pagtintal aron pagdalag mga istorya o maga tawo, sa pagka walay pagpakabana sa imong kaugalingong paghatag. Mohimo siya pagtintal kanimo sa pagpahiuyon sa imong tawag o integridad aron lang makasapi, pag-abusar ug mga tawo tungod kay sapian sila. Paduol kanunay sa Dios, pasayloa ang wala magahatag kanimo, ug kanunay himoang mga importanti’ng mga tawo ang imong mga higala.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.