19. Hesus, Misyonero Sa Dios

Molakaw ka ba sa halayo alang sa Dios ? Lakaw sama sa pamaagi ni Hesus !

Tan-awa ang mga Pagtulon-an

Basaha Kini sa Imong Bibliya
Genesis 11, 1-9; 1 Mga Taga-Tesalonica 1.1 to 2, 16

Ani-a ang Imo’ng Pahinumdum nga Bersikulo
Miingon ako,"Ania ako – sa basahon nga linukot nasulat kini mahitungod kanako – mianhi ako
aron sa pagbuhat sa imong kabubut-on O Dios. " Hebrohanon 10.7; Salmo 40, 6-8.

Pagkahuman Hisguti ang Mahitungod Niini
Ihulagway sa matag-usa ang inyong kultura, hunahunaa ang mahitungod niini sumala
sa uluhan sa ika-2 seksyon.

Usa ka Butang Angay Buhaton sa Dili pa ang Musunod
Kung taudtaud ka nang magtutuo basig nakalimot ka na kung unsa
ang kinabuhi sa gawas sa panimalay sa Dios. Lakaw ug pamisita sa mga imnanan, mga sayawan,
mga merkado, mga dulaanan. Paminaw sa mga katawhan, tan-aw sa ilang mga dagway, pagkat-on
ug mga butang ug tan-awa kung pipila ka mga panagsulti ang imong matigom.

Sinulat nga Buluhato’ng Pangdiploma
Tan-awa ang 3 ka mga punto mahitungod sa gikinahanglang pagpahiangay. Pagsulat ug 2 ka pahina
nga salaysay nga naghisgut mahitungod sa kung unsay imong hunahuna sa gipasabot sa 5 ka ulohan.
Unsaon nimo pagbuhat ang mahitungod sa pamaagi aron ka masabtan sa mga wala nimo hiilhing mga tawo.

Pamalandungi ang Matag Pulong Niini’ng Bersikuloha
Hebrohanon 10, 5-7

 

Pag-gahin ug Pipila ka Minuto aron sa Kausaban sa Kalibutan

Pray For El Salvador - Operation World page 207

6,000,000 people, 80% poor after war, earthquake and suffering.

Evangelicals grown from 2% to 20%

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

Usa Ka Tinuod Nga Sugilanon

Usa ka grupo sa mga Taga-Kasadpan nga may pana-awon sa misyon miadto sa usa ka layong lugar nga walay imbitasyon, ug sa walay pagpakisayod sa nasyonal nga simbahan. Bisan ang mga lokal nga mga magtutuo natahap, ug ang maong mga misyonero kadugayan nalain gikan sa mga panagtigom. Sa pipila ka tuig nagpabilin sila sa ilang sinultihan, kultura, pagkaon ug mga pamaagi sa pagbuhat ug pagsimba. Hangtud karon ang mga maksulod sa ilang mga panimbahon mobati ug pagkalahi sa makadiyot ug unya mopadayon.

Makasusubo apan dili ikahibulong, ang maong buluhaton wala mitubo kaayo. Ang mga matinudanong mga misyonero mibasol sa mga tawo sa ilang pagka gahig kasingkasing. Apan mao ba kaha kana ang kamatuoran?

1. Hesus, Ang Misyonero sa Dios

Sa dihang ang Anak sa Dios mituman sa tawag sa Amahan diha sa Salmo 2 ug mianhi dinhi sa kalibutan, siya milatas sa kinasukaranang babag sa kultura. Siya mibiya sa pagkaputli ug pagkahingpit sa iyang panimalay sa langit aron pag-anhi sa kalibutan nga nadaot sa sala, balatian, kahakog, mga demonyo ug kapobrehon. Giunsa niya pag-anhi?

Miadto siya sa mga Hudiyo sama sa batang Hudiyo nga may mga Hudiyong ginikanan. Gipili ni Hesus nga matawo sama sa kadaghanang mga tawo – kabus ug dili adunahan, relehiyoso ug dili gamhanan. Nagpuyo siya sa panimalay sa usa ka ordinaryo nga magbubuhat  ug nagkat-on mahitungod sa mga katawhan. Sama sa uban siya nasayod unsay init, tugnaw, kagutom ug Romanhong kadautan.

Sa dihang oras na sa Dios siya nagaministeryo sa mga Hudiyo sama sa Hudiyo diha sa ilang kaugalingong sinultihan, pagrespeto sa kulturang Hudiyo ug mga naandang batasan. Usa siya sa mga katawhan mao nga sa dihang siya gidakop sa mga sundalo, kinahanglan pa silang pakit-on kung kinsa si Hesus. Si Hesus nagpasanay ug nagbansay’g mga ordinaryong mga tawo. Pagkahuman sa iyang pagkabanhaw siya mibiya kanla, misalig sa iyang mga higala sa pagbuhat sa buluhaton.

Nakita Ba Nimo Ang Kalahian?
Ang mga tawo sa unang sugilanon nagdala sa gugma sa Dios apan nagdahum sa katawhan nga mosulod sa ilang kultura. Sa dihang si Hesus nagdala sa gugma sa Dios siya misulod sa atong kultura aron kita iyang madala sa langit.

2. Ang Kultura Ba Babag O Magdadala?

Unsa ang kultura? Kini usa ka hiniusang pamaagi sa kinabuhi gikan sa sinultihan, mga kinaiya, mga naandang batasan ug lungsuranong organisasyon nga nagahatag sa mga tawo ug kaugalingon nga ilhanan.

Ang kultura mahitungod sa pamatasan, pinulongan sa lawas, mga relasyon ug mga pag-abiabi. Kini ang pamaagi sa mga tawo pag-istorya, pagkaon, pagsinina, pagtrabaho, pag-awit, pagdula ug paghimog negosyo.

Makita mo ang kultura diha sa arkitektura, relehiyosong balay ug diha sa mga napiling pamaagi sa gobyerno, balaod ug mga eskwelahan. Makita mo ang kultura sa pagrespeto ug sa pagkakulang niini alang sa pamunoan ug diha sa kinaiya bahin sa paginusara ug oras.

Ang Kultura Ba Maayo O Dautan?
Genesis 11, 1-9 ug tibuok kapitulo 10 nagpakita kanato nga ang kultura nagsugod diha sa Dios nga maoy nagkatag sa katawhan ngadto sa mga nasud, ug sa gatusan ka mga katuigan sukad niadto kini milambo. Karon si Hesus nagapadala kanato aron pagdisipolo sa matag ‘ethnos’, o kultural nga grupo ug sa katapusang mga adlaw ang mga katawhan gikan sa tanang kultura magasimba nga nag-alirong sa trono sa Dios.

Ang kultura usa ka dakung tagadala sa ebanghelyo, ug dili babag. Ngano? Kay sa dihang makadawat ang unang mga taga didto kang Kristo ila usab nga madala ang maayong balita ngadto sa ilang katawhan sa pamaagi nga ilang mas masabtan. Sama ni Hesus, ang mga misyonero makahimo pagbiya ug suporta sa mga lokal.

3. Ang Maayong Misyonero Kanunay Mopahiangay.

Ang paghigugma sa mga tawo nagpasabot ug dakung kausaban aron makaduol ngadto kanila. Pagbantay kung ikaw maghunahuna nga mas nakahibalo ka! Ang mensahe sa ebanghelyo dili mausab, apan ang pagpresenta niini kinahanglan nga maangay kay basin ug walay makasabot kung nganong anaa ka dinha ug kung unsa ang imong buot isulti.

Aron makakita ug mga nangakabig ngadto kang Kristo ug kausaban gikan sa pag-alagad ug mga diosdios kinahagnlan adunay:

 

Panagkauyon, tali sa mga tawo ug kanimo.

Komunikasyon sa imong mensahe.

Pagsabot sa mga katawhan, "Oo, kini sama ra kanako ug kanimo."

Kausaban sa kinabuhi sa bag-ong mga magtutuo aron pagpamatuod sa tinuod nga pagkakabig.

Panagtambayayong diha sa ebanghelyo.

4. Unang Pasukaranan Mao Ang ‘Pagtan-aw Sa Kalibutan’

Ang tinan-awan sa tawo sa kalibutan mao ra sa tinan-awan sa kalalakin-an o kababayehan sa Dios, sa iyang kaugalingon ug sa eternidad. Ang pagkakabig ug pagka-usab kinahanglan mahitabo sa dili pa maghinayhinay ug sugod pagsubay ang kultura diha sa pulong sa Dios. Sa dili ka pa makigsulti sa mga tawo diin ikaw gitawag kinahanglan nga maggahin ka ug panahon aron pagsabot kung unsay ilang tinan-awan sa kinabuhi. Basig ang ilang tinan-awan sa kalibutan relehiyuso ug kanunay naglakip sa Dios o mga diosdios, o basig kini yutan-on sama sa mga grupo ni Marx nga nagalimod sa Dios. Gikan niining mga patukuranan nagagikan ang tanang mga tinuohan, mga batasan, mga sumbanan sa pamatasang moral, maayo o dili.

5. Nakuha Kini Ni Pablo Nga Insakto Ug Kita Usab!

Diha sa 1 Mga Taga-Tes. 1 ug 2 atong mabasa giunsa sa mga pagano pagtalikod gika sa mga diosdios aron pagsimba sa buhi ug tinuod nga Dios. Si Pablo nag-ingon nga ang ebanghelyo miabot ngadto kanila dili lamang sa mga pulong, mao atong tun-an ang 3 ka butang nga nalakip.

Pamaagi Sa Kinabuhi Nga Nagdalag Panagkauyon.

May nakita silang 12 ka hiyas sa kinabuhi ni Pablo, mao nga ila siyang gisunod, midawat bisan sa pag-antos. 2.3-8; 10-12.

 

Komunikasyon Ug Pagsabot

Sila niabiabi ug nakasabot pag-ayo sa mansahe aron pagtalikod gikan sa mga diosdios, 1.9

 

Ang Pamaagi Ni Pablo Sa Pagministeryo

Siya nangitag kapangitaan sama kanila, 2.9

Siya nagaministeryo diha sa gahum sa Balaang Espiritu, 1.5.

Diha sa 1700’s ang mga misyonerong Taga-Morabya misulod sa kolonya sa mga sanglahon aron mamahimong sanglahon aron pagkabig sa mga sanglahon ug nangahimong ulipon aron pagkabig sa mga ulipon. Karon sa Pilipinas, ang mga misyonero mipili pagpuyo taliwala sa mga kabus aron pagkabig kanila diha kang Kristo. Diha sa Sahel ang misyonero nga si Keith Smith nagpuyo sa usa ka ‘Fulani’ nga payag, adunay ‘Fulani’ nga baka, nagkaon ug ‘Fulani’ nga pagkaon, nagsuot ug ‘Fulani’ nga sapotnagauslti ug sinultihan nga ‘Fulani’ ug nagasugod pagkabig sa Fulani ngadto kang Kristo.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana. 

 

 

                                                                                       

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk