17. Mga Katawhan Nga Wala Maabti
Sa Pagsangyaw Sa Maayong Balita

Diha sa gitawag ug bintana nga ‘10/40’ ang kabus mao ang nangawala
ug ang nangawala mao kadtong pinakakabus

Tan-awa ang mga Pagtulon-an

Basaha Kini sa Imong Bibliya
Jonas. (Ang tibuok libro)

Ani-a ang Imo’ng Pahinumdum nga Bersikulo
Ug giwali kining Maayong Balita sa gingharian sa tibuok kalibutan,
aron sa pagmatuod sa tanang mag nasud (ethnos),
ug unya magaabot ang katapusan. Mateo 24.14

Pagkahuman Hisguti ang Mahitungod Niini
Asa ka nagpuyo? Asa niining tulo ka mga kalibutan A, B o K?
Nganong kana man imong hunahuna? Paghunahuna pa ug laing mga nasud sa imong kontinente.
Sa asa sila nga kalibutan?

Usa ka Butang Angay Buhaton sa Dili pa ang Musunod
Pagkuha ug usa ka dakung karton, pwede usab ang sulod sa kahon. Pagguhit ug porma
sa kalibutan, unya idugang ang bintan nga 10/40 ug isulat ang mga nasud niini.
Ibitay ang maong karton sa dapit nga pirmi nimo makit-an ug markahi ang mga nasud pagkahuma
nimo ug ampo sa ilang mga katawhan.

Sinulat nga Buluhato’ng Pangdiploma
Gikan sa mga basahon sa mapa pagsulat ug lista sa daghang mga nasud kutob sa imong makit-an diha sa
bintana nga 10/40. tapad sa ilang ngalan isulat ang ilang naglabi nga relihiyon ug mga pangagamhanan.

Pamalandungi ang Matag Pulong Niini’ng Bersikuloha
Isaias 54, 2-5

Pag-gahin ug Pipila ka Minuto aron sa Kausaban sa Kalibutan

Pray For The Ethnos - Operation World page 26-28

Nearly 1,000,000,000 people mainly Chinese or Muslim

who have never heard the gospel once.

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Mateo 28.19 nag-ingon nga kita magapanglakaw ug magapangdisipolo sa tanang kanasuran o ‘ethnos’, nga ang gipasabot mga grupo sa katawhan hiniusang ginapos sa samang kasaysayan, sinultihan ug kultura. Sumala sa Mga Buhat 1.8 aduna kitay tulo ka yuta ang atong adtoan ug trabahoan.

Herusalem, nagpasabot sa atong kaugalingong dapit diin ang mga katawhan sama kanato, nagasulti sa atong sinultihan ug diin suhito na kita sa dapit.

Hudeya ug Samarya ang mga naa sa duol, diin ang mga katawhan sama usab kanato, apan ang kultura ug sinultihan may gamayng kalahianug adunay gamayng pihig sa palibot.

Ang Utlanan sa Kalibutan diin ang mga katawhan lahi ra kaayo diha sa kultura, klima, pamaagi sa kinabuhi, relihiyon ug sinultihan.

Ang ideya mao nga magapamuhat kita diha sa tulo ka bahin sa samang panahon. Sa walay duhaduha mas daghan kitag mahimo diha sa atong ‘ Herusalem’ tungod kay diha lig-on ang atong mga tawo, mga materyales ug panalapi. Gamay-gamay ra kitag mahimo diha sa atong Hudeya ug Samarya ug sa mga utlanan sa kalibutan atong makita ang atong kaugalingon nga limitado.

Ang uban naghunahuna nga kinahanglan pa natong himoong Kristohanon ang atong Herusalem sa dili pa kita manggawas. Kung mao na, ang simbahan nagpabilin Pa unta sa siyudad sa Herusalem tungod kay hangtud karon mao pa gihapon na ang pinakamadumilion sa ebanghelyo dinhi sa kalibutan.

1. Atong Tagaan Ug Bag-ong Pagtan-aw Ang Atong Kalibutan.

Atong pagabahinon ang kalibutan ngadto sa 3:

Kalibutan A – adunay Abundansya sa mga katawhan nga wala pa maebanghelyoan!
Kalibutan B – diin ang mga katawhan nagpuyo aBay sa mga Kristohanon nga asin ug suga.
Kalibutan K – ang Kristohanong kalibutan, puno sa mga saksi sa ebanghelyo, kapangitaan ug mga mamumuhat.

2. Ang Kalibutan A Mao Ang Wala Pa Naebanghelyoan Nga Kalibutan.

Nga may 0 - 0.05% nga Kristohanon, may dul-an sa 66% sa kalibutan, 3000 milyon ka katawhan, diha sa 55 ka mga nasud nga dyutay pag naebanghelyoan, mga nasud sama sa Afghanistan, Syria. the Maldives, Western Sahara, North Korea, Djibouti, Uzbekistan.

Ang Bintana Nga 10/40
Ang mga katawhan usahay motawag sa Kalibutan A, ‘ang bintana nga 10/40,’ tungod kay kung tan-awon diha sa heyograpiya kini naglukop gikan sa 10o norte ngadto 40o norte sa ekwador, ug gikan sa Kasadpang Aprika ngadto sa Hapon. Imo kining makit-an sa ibabaw sa mapa. Sulod sa bintana mao ang kadaghanan sa mga nangawala sa kalibutan ug mga kinapobrehan nga mga tawo.

Ang Dalan Sa Sida
Ang bintana nga 10/40 kaniadto maoy nagahawid sa kaniadtong Dalan Sa Sida diin sulod sa 1000 Una ni Kristo milambigit sa Oropa ug sa Halayong Sidlakan. Uban usab niining tanan ang mga dapit sa nahitabuan sa mga panghitabo sa Biblia, ang pagbarog sa kinadaanang sibilisasyon, ang mga dagkung relihiyon sama sa Hinduwismo, Budhismo ug Kristiyanismo nagabiyahe uban sa mga negosyante. Ang katapusan mao ang mapugsanong Islam diin maoy nagahimo niining mga dapita karon nga madumilion sa ebanghelyo. Kasagaran usab sa mga kinapobrehan nanagpuyo subay sa Dalan sa Sida diin dili sulagma. Daghan ang nagtuo nga ang Dalan sa Sida mahimo usab nga agianan diin daghang bag-ong mga misyonerong Intsik ang mobiyahe aron pagdala sa ebanghelyo balik ngadto sa Galilea.

3. Unsaon Mo Pagkab-ot Sa Kalibutan ‘A’?

Bisan halayo sa kasadpang kasimbahanan, ang Dios nagabutang ug daghang mga bag-ong kasimbahan sa nag-uswag nga kalibutan duol sa mga wala pa maebanghelyoan nga mga katawhan. Alang sa usa ka kasadpanon, ang misyon sa mga wala pa naebanghelyoan nga katwhan nagkinahanglan ug mga tuig sa pagbansay, eskwelahan sa pinulongan ug pagpaangay. Apan alang sa mga Indio, Intsik o Aprikanhon nga mga magtutuo kining mga nahibilin nga mga wala pa nawalihan nga mga katawhan silingan lamang ug basig susama rag kultura ug sinultihan.

Usa sa pinakamaayong butang nga buhaton sa kasadpanong simbahan mao ang pagtabang sa simabahan sa nagauswag nga kalibutan ug ang pinakamaayong butang nga buhatong sa simbahan sa nagauswag nga kalibutan mao ang pagbaton ug panan-awon sa misyon, ang pakigtambayayong sa simbahan sa kasadpanong simbahan o misyon, ug pagpadala sa ilang mga kaugalingong mga misyonero.

4. Kalibutan B Mao Ang Naebanghelyoan Apan Wala Pa Na Kristohanon Nga Kalibutan.

May dul-an sa 41% sa kalibutan diin ang Kristohanong pagsaksi na establisar pag-ayo sa daghang katuigan. Diha sa mga nasud sama sa India, Cuba, Myanmar, Syria, Indonesia, Chad, Nigeria, mga wala pa naluwas nga katawhan nagpuyo duol sa mga Kristohanong mga magtuto ug sila mahimong makab-ot pinaagi sa pagpangebanghelyo sa simbahan.

5. Kalibutan C Mao Ang Atong Kristohanong Kalibutan.

Nagpuyo kita sa dul-an sa 33% sa kalibutan ug ang atong mga nasud nanag-iya sa kadaghanan sa maong bahandi. Ang kalibutan C mao ang mga nasud sama sa Britain, Guatemala, Brazil, Australia, Kenya, Norway, USA ug Canada. Ang problema mao nga ang mga Kristohanon sa Kalibutan C wala nagseryoso sa ilang responsibilidad sa pagkab-ot sa mga katawhan bisan sa Kalibutan B gipasagdan nga wala nawalihan nga katawhan sa Kalibutan A.

Gawas Sa Matag Napulo Ka Tawo Nga Buhi Karon -
Upat ang wala pa nawalihan sa kalibutan A

Tulo ang nagpuyo duol sa mga Kristohanon sa kalibutan B

Laing tulo ang Kristohanon sa kalibutan C

Kinsa sa kalibutan C ang gusto mo-ampo, mohatag o moadto ngadto sa kalibutan B o nagadto sa 1,700 nga kasagaran wala pa nawalihan nga mga katawhan sa kalibutan A? Ang tanang 1,700 adunay 10,000 o dugang pa nga katawhan ug duna pay dugang ‘ethnos’ nga may gamay  nga populasyon. Ang pagpanaw gikan sa kalibutan C ngadto sa Kalibutan A o bisan sa kalibutan B diha sa pag-ampo o diha sa eroplano mao ray usa ka paagi aron pagkabig sa mga ‘ethnos.’ Aduna bay koneksyon tali sa mga ethnos ug ang pagbalik ni Hesus? Tan-awa unsay gisulti sa imong bersikulo.

6. Ang Pagkab-ot Sa Wala Pa Maabti Sa Pagsangyaw

Ang mga simbahan sa nag-uswag nga kalibutan sa kanunay may kakayahan ug kagustuhan nga moadto sa mga wala pa nawalihan nga katawhan apan kulang sa pagbansay ug labaw na sa pinansyal. Aniay mga pamaagi alang sa mga magtutuo sa nag-uswag nga kalibutan aron mahimong misyonero nga dili na kinahanglan mangit ug daghang kwarta:

Daghang mga gobyerno, sama sa Tsina o Libya ang nangako ug mga langyaw aron pagadto

ug pagtuon diha sa ilang mga unibersidad.

Mga nangano sa Tungang Sidlakan mamahimong mga misyonero sa samang panahon.

Ang mga negosyante makahimo pagpatigayon sa kalibutan.

Ang mga linalin makahimo pagdala sa ebanghelyo sa halapad ug halayo. Kung kini mahitabo kanimo – lakaw !

Pagkuha ug mga pagbansay sa Inglis o Kompyuter  ug ang kalibutan inablihan. Nagapanawag sila ug mga eksperto, apan modawat ug misyonero.

 

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk