16. Ang Pagtapos Sa Tahas

Ang makusganong panaghiusa sa simbahan makapahimo
sa pagpamuhat sa gahum sa Dios

 

Tan-awa ang mga Pagtulon-an

Basaha Kini sa Imong Bibliya
Mga Buhat 16, 6-15, 1 Mga Taga-Tesalonica 1, 4-10

Ani-a ang Imo’ng Pahinumdum nga Bersikulo
Ang among paglaum mao nga, samtang ang inyong pagtuo nagapadayon sa pagtubo, ang among dapit pagpamuhat taliwala kaninyo magadaku, aron kami makawali sa ebanghelyo
sa mga dapit sa unahan pa kaninyo. 2 Mga Taga-Corinto 10.15-16.

Pagkahuman Hisguti ang Mahitungod Niini
Mahimo ba kini dinha sa imong simbahan o sa mga simbahan nga imong nailhan?
Kung dili, ngano man?

Usa ka Butang Angay Buhaton sa Dili pa ang Musunod
Paghunahuna ug nagkalainlaing mga panaghiusa aron makit-an kung kinsa sa imong nailhan ang mahimong
  angayan sa matag dapit. Makahunahuna ka ba ug mga katawhan kinsa ginahimong tumong
sa mga panaghiusa diha sa ilang mga pag-ampo ug ministeryo. Kinsa ug asa man sila?

Sinulat nga Buluhato’ng Pangdiploma
Tan-aw pag-usab sa nalista nga mga panaghiusa ug pagsulat pa ug lain,
basin kon may mas maayong ideya alang sa mga grupo diin may kalabutan sa imong
nasud, kahimtang ug kultura.

Pamalandungi ang Matag Pulong Niini’ng Bersikuloha
Mga Buhat 6, 3-4

Pag-gahin ug Pipila ka Minuto aron sa Kausaban sa Kalibutan

Pray For Peru - Operation World page 444

25, 000,000 Andean people, 89% Roman Catholics in crisis

Evangelicals growing fast, economic and legacy of terrorism problems

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 1. Balik Pagdali, Ginoong Hesus.

Ang mga katawhan nangandoy sa pagbalik ni Hesus, ug siya mobalik sa dihang ang ebanghelyo sa Gingharian mawali na sa tanang katawhan sa kalibutan. Nagkaduol na kita kaysa kaniadto, ug karon ang pinakasayon nga panahon sa tanang kasaysayan sa imong simbahan aron sa pagkab-ot sa lokal niini nga mga utlanan.

2. Ang Pagtapos Sa Tahas.

Mga eksperto sa misyon nagalista ug 12 ka importanteng mga pamaagi nga mahimong sagupon sa simbahan aron makatabang sa pagtapos sa Dakung Sugo. Mao kini – sugod sa kinasayunan ug tapus sa kinalisuran.

1. Pangaliya ug espirituhanong pagpakiggubat.
2. Pagpakiglambigit uban sa kinatibuk-ang simbahan sa kalibutan.
3. Bukas sa paggamit sa mga gasa sa Espiritu diha sa kinatibukang kahulugan sa misyon.
4. Pagbawi sa kinatibuk-ang tinguha sa simbahan.
5. Pagpadaku sa ebanghelyo sa simbahan ngadto sa paglabang sa mga babag nga hiyograpiyanhon o sa kultura.
6. Pagpakigminyo ug nagtrabaho sa laing nasud uban sa pagwali sa ebanghelyo.
7. Pagpamuhat ngadto sa mga kabataan sa kalibutan.
8. Pagpamuhat ngadto sa mga kabayehan sa kalibutan kinsa gitipigan lamang sulod sa purtahan tungod sa mga relihiyosong tradisyon.
9. Pagpamuhat ngadto sa mga dagkung siyudad sa kalibutan.
10. Bisita sa mga pobreng lumad nga pangulo sa simbahan aron pagtabang, pagpalihok ug pagsangkap kanila.
11. Pagpamuhat ngadto sa mga katawhan nga wala pa naebanghelyoan.
12. Balika pagebanghelyo ang Daang Kalibutan.

Ang Pastor maghunahuna nga kini nagpasabut ug dugang daghang trabaho alang kaniya, unya gamay na lang siyag ginahin nga oras. Ang tresyurero mabalaka usab tungod kay ang pagministeryo sa kalibutan dagkug gasto ug wala nay nagahin nga salapi. Sa laing bahin daghang katawhan ang maghinamhinam sa ideya sa pagkab-ot sa ubang katawhan didto sa lagyo, apan wala sila mahibalo unsay buhaton. Unsa may tubag?

3. Ang Mga Grupo Mopagawas Sa Gahum Sa Katawhan.

Hinugpong nga ministeryo mahimong makatabang sa simbahan ngadto sa pag-abante sa pagministeryo sa kalibutan sa walay dugang alantuson sa pastor o paghatag kabug-aton sa tresyurero.

Unsa Man Kining Grupo Nga Ministeryo?
Ang hugpong o grupo nga ministeryo mahitabo kung may 5 ngadto sa 15 ka mga  miyembro sa simbahan magkahiusa aron paghimog misyon nga nakapainteres kanila. Ang pastor maoy mo bansay kanila kung unsaon pagpakig-asoy ngadto kaniya ug ngadto sa usag usa. Iyang butangan ug pangulo matag grupo, ug pangulo sa simbahan ingon nga maoy superintendente sa grupo. Ang Hugpong maga-ampo, managhiusa sa paghisgut ug mopakita sa Pastor sa ilang mga tinguha ug mga plano.

Kinsa May Mogasto Alang Niini?
Ang matag Hugpong mangita sa ilang kaugalingong kwarta pinaagi sa pagtuo ug pagtrabaho. Ang buhaton lamang sa Pastor mao ang pagbuhi kanila. Wala nay laing ipabuhat kaniya, ang angay niyang buhaton mao ang pagdasig, pagpaminaw ug pagsubli sa progreso sa matag Hugpong kada unom ka bulan. Ang pagbuhi sa kusog  mahimong usa ka talagsaon nga tumong sa simbahan lang sa pag-ampo sa misyon, paghatag sa misyon, pagadto ug pagpadala taliwala sa dakung pasundayag sa pagtubo.

4. Unsa Nga Klase Sa Mga Hugpong?

Maghunahuna kitag dinagku ug isugyot kining mga musunod nga mga ideya. Atong kuhaon ang taktikanhong lista ug sugod diha sa mga butang sayon buhaton diin ang tanan may iyahang dapit, ug magapadulong ngadto sa pinakalisod ug pinakagikinahanglan.

Basig sa sinugdanan usa o duha pa lamang ka mga Hugpong ang mag-abot pero moabot ang panahon nga ang Dios mohatag pagtubo samtang ang mga katawhan makasalo sa panan-awon ug gusto nang mosalmot.

1. Tugoti nga kadtong gusto mo-ampo alang sa mga kanasuran, alang sa mga misyonero, alang sa mga kasimbahanan sa kalibutan, hilabina sa mga nag-antos nga mga kasimbahanan, magtagbo sa kadasimana.
2. Tugoti nga kadtong gusto mosulat molambigit sa inyong simbahan uban sa mga kasimbahanan sa kalibutan. Moabot ang panahon nga ikaw madawat ug mga pagbisita ug basin ang Dios magahimog posibilidad nga ikaw makaadto ug makabisita kanila aron pagkat-on mahitungod sa ilang paqgtuo.
3. Tugoti nga kadtong nagapanagna o makakitag mga panan-awon, magahulat diha sa ilang ministeryo aron pagkuhag mga  pulong sa direksyon alang sa mga misyon,mga misyonero ug sa mga panaw.
4. Tugoti nga kadtong nagapangulo sa simbahan adunay iyang kaugalingong hugpong nga pangulohan pinaagi sa sumbanan diha sa Isaias 54, 2-5.
5. Tugoti nga kadtong naga-awit o nagahimog pasundayag mag-andam ug mga bahin aron paghimo sa tibuok simabahan nga masayod sa halapad nga kalibutan sa Dios ug sa tawag sa misyon.
6. Tugoti nga kadtong gusto mokab-ot sa laing mga kultura makahimamat ug mga lokal nga langyaw aron pagdiskobre sa mga kasayuran ug pagkat-on kung unsay ilang tubag ngadto sa ebanghelyo.
7. Tugoti nga kadtong nahigugma sa pagpamuhat sa kadalanan magplano sa pagbisita ug duol nga dakung siyudad diin minilyon ang nabitik diha sa krimin, drugas ug prostitusyon. Kinahanglan nga masayod sila mahitungod sa mga siyudad sa kalibutan ug makiglambigit uban sa mga magtutuo didto nga malipayong motabang.
8. Tugoti nga kadtong nahigugma sa kabus maghimog mga plano aron pagkab-ot ngadto sa kalibutang gigutom, nagkagidlay ug nagmasakiton nga katawhan, ilabina sa mga kababayehan ug mga ilo. Pangita ug makatabang kanila tungod kay ang dagkung butang sama niini mas may kahimuan kung may panagtambayayong.
9. Tugoti nga kadtong mga sinalikway sa kalibutan nga mga kabataan magahimog ilang mga plano, bisan yano, aron pagkab-ot kanila diha sa gugma uban sa mga pagkaon, proteksyon ug eskwelahan.
10. Tugoti nga kadtong gibati nga sila gitawag aron pagkab-ot sa mga wala pa nawalihan nga katawhan haduol man o halayo sa pagplano ug mga lakang aron pagpaadto ug mga grupo. Hunahunaa ang mga lokasyon, mga gastohon, mga sinultihan, pagbansay ug pagbiyahe. Ayaw kalimti nga ang Oropa, ang pinakamangitngit sa espirituhanong bahin, ang pinakakalibutanong kontinente sa kalibutan. Tugoti nga kadtong may kahibalo sa mga pinulongan magagamit kanila aron pagtabang sa mga misyonerong grupo.
11. Tugoti nga kadtong may kakayahan sa pagpangitag kwarta pinaagi sa gasa ug grasya sa Dios mangitag mga paagi aron paghimog mga pundo sa mga misyon sa simbahan ug mga misyonero.
12. Tugoti nga kadtong may kahibalo sa Biblia magaplano pagbisita sa mga magtutuo kinsa sa tinudanay may kagutom sa pagtuon sa Balaang Kasulatan apan walay mga Biblia o mga pastor aron pagtudlo kanila. Aduna pay linibuan ka mga pastor sa kalibutan kinsa halos wala kahibalo sa Biblia.

Labaw sa tanan imong makaplagan nga ang Dios magauban kanimo diha sa bagong pamaagi. Ayaw kahadlok sa pagpangayo kaniyag tabang, o pagsulod nagdto sa pakiglambigit sa laing mga simbahan ug mga misyon kinsa makatabang kanimo aron pagsalmot diha sa kalibutanong ministeryo.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana. 

 

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk