15. Ang Saad Sa Dios Sa Misyon
Kung ikaw musunod sa mga lakang ni Abraham
magkinahanglan ka ug pasaporte

Tan-awa ang mga Pagtulon-an

Basaha Kini sa Imong Bibliya
Genesis 11, 26 ngadto sa 12.5, Mga Taga-Galacia 3, 6-29

Ani-a ang Imo’ng Sag-uluhon nga Bersikulo
Walay Judio ni Gresyahanon, Ulipon ni gawasnon, lalaki ni babaye,
kay kamong tanan usa diha kang Hesus. Kung kamo iya na ni Kristo,
nan kaliwat kamo ni Abraham, ug mga manununod sumala
sa saad. Mga Taga-Gal. 3,28-29

Pagkahuman Hisguti ang Mahitungod Niini
Unsa sa imong hunahuna ang mahimong kahulugan sa imong kinabuhi niining pito ka pilo nga mga saad
kung ikaw motuo ug molihok ibabaw kanila?

Usa ka Butang Angay Buhaton sa Dili pa ang Musunod
Isulat ang pito ka pilo nga mga saad sa daku nga letra sa usa ka kard,
ug ipapilit kini bisag asa nga dapit sa imong panimalay diin kanunay nimong makita.
sa dihang imo nang nahimo, hunahunaa ang mahitungod sa mga saad, pamalandungi kini, ibalikbalik kini,
isugid kini pinaagi sa pagtuo dawata ang panalangin.

Sinulat nga Buluhato’ng Pangdiploma
Tan-awa unsa ang gisulti ni Pedro diha sa 1 Pedro 2.9 ug isulat diha sa 1 nagdto sa 2 ka pahina
ang unsay ipasabot niana alang sa katawhan sa Dios karon.

Pamalandungi ang Matag Pulong Niini’ng Bersikuloha
Hebrohanon 11, 8-10

 

Pag-gahin ug Pipila ka Minuto aron sa Kausaban sa Kalibutan

Pray For Botswana - Operation World page 126

1,500,000 southern Africa people in a fast developing nation

Many Christians and also many unreached

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 Sa milabay nga panahon, ang batan-ong si Abram nagpuyo diha sa karaang siyudad, sa Ur, diha sa panimalay nga nagasimbag diosdios. Mga Buhat 7,2-3, Genesis 11.31, Josue 24.2. Us aka adlaw alang sa iyang kaugalingong mga rason, ang usa ka tinuod nga Buhing Dios tungod sa usa ka hinungdan nakigsulti ngadto kang Abram nga nag-ingon,

" Lakaw palayo sa imong kaugalingon, alang sa imong kaugalingong mga rason, gikan sa imong nasud ug gikan sa imong kabanayan. Paghimog imong kaugalingon nga hunahuna lahi sa imong kaliwatan. Sila magpabilin ra – ikaw molakaw! Sila manimuyo, ang ilang relihiyosong palakaw mangahanaw.. dili uban kanimo Abram. Molangyaw ikaw. Pagsige ug panaw. Palayo aron magsugod ug imong kaugalingong kinabuhi diha sa pagsalig sa Gamhanang Dios."

Genesis 12 .1, hinubad gikan sa Hebro ni David Newington.

Ang Dios namuhat ug ang tibuok panimalay mipadayon ngadto sa Canaan, ang yuta nga gitudlo sa Buhing Dios. Nagpahimutang sila sa kampo sa Haran, tungatunga lamang padulong sa yutang saad. Dili pa dugay pagkahuman sa kamatayon sa iyang amahan nga si Terah, ang Buhing Dios mibisita pag-usab kang Abram ug mipahinumdum kaniya sa iyang gisulti didto sa Ur.

Niining Panahona Ang Dios Midugang Sa Pito Ka Mga Saad -

Ako magahimo kanimo nga usa ka bantugang nasud,

Ako magapanalangin kanimo,

Ako magahimo sa imong ngalan nga bantugan,

Ikaw mamahimong usa ka panalangin

Ako magapanalangin niadtong nagapanalangin kanimo

Ako magatunglo niadtong nagatunglo kanimo

Ug ang tananag katawhan sa kalibutan mapanalanginan pinaagi kanimo.

Unya ang Dios mipasabot nga ang mga kaliwat ni Abram mamahimong “ sama sa abog sa kalibutan, “ ug “ sama sa mga bitoon sa kalangitan.” Giusab sa Dios ang ngalan ni Abram ngadto Abraham diin nagkahulugan ug amahan sa daghang mga nasud, mao nga kanunay niyang madunggan ang saad nga ipamulong diha kaniya. Apan bisan ug gipanalanginan si Abraham sa tanang paagi sa tinud-anay dili kita makasulti nga kining tibuok saad natuman diha sa kinabuhi ni Abraham. Unsa man diay nahitabo niini? Tan-awa sa Genesis 13.14;15.5; 17.1-7; 24.1.

Karon Ang Saad Niabot Kang Isaac

Si Isaac usa ka tawo nga gusto magpuyo sa balay, dili sama sa iyang tigpasiugdang amahan nga si Abraham. Ang Dios mipakita kaniya ug nagadala sa samang saad ngadto kaniya, apan sa pagtapos sa madagayaong kinabuhi ni Isaac ang saad wala pa gihapon natuman tanan. Tan-awa sa Genesis 26.4

Busa Karon Ila-ilaha Si Jacob, Ang Apo.

Si Jacob nagkasaagsaag, dili sama ni Isaac o sa iayang apohan nga si Abraham. Usa ka adlaw siya mikalagiw aron pagluwas sa iyang kaugalingon sa dihang ang Dios nakigkita kaniya ug iyang nadiskobre nga siya usab nakapanunod sa saad. Tan-awa sa Genesis 28.14. Sulod sa panahon ug uban sa daghang pag-antos ang Dios naga-usab kang Jacob ug nag-ngalan kaniya ug Israel.

Gikan Kang Jacob Ngadto Kang Jose

Ang mga anak ni Jacob adunay pagdumtanay ug si Jose gibaligya ngadto sa pagkaulipon sa Ehipto. Nanglabay ang mga katuigan bisan ug siya nagbarog diha sa kagamhanan ug miluwas sa tibuok niyang pamilya. Ang saad mikuyog uban kanila ngadto sa Ehipto. Genesis 42 ngadto 47. Apan ibabaw sa mga katuigan si Jose namatay ug ang panimalay ni Jacob sa kadugayan nabalhin ngadto sa kaalaot ug pagkaulipon.

Unsa Na Man Ang Mahitungod Sa Saad?
400 ka mga katuigan ang milabay sila nanagtuaw ngadto sa Dios ug sugilanon nagapadayon ngadto sa Exodo kapitulo 1 ngadto sa 12, uban sa mga katawhan sa Dios nga mibiya sa Ehipto uban sa gamhanang kagawasan taliwala sa Pulang Dagat. Ang Dios wala makalimot sa iyang saad sa makadiyot, ug didto sa Sinai iya kining gibag-o ug hinuon gipadak-an pa alang sa panimalay ni Jacob, nga nag-ingon ~

 

Kamo mamahimong akong pinalangga nga katigayunan.

Kamo mamahimong gingharian sa mga pari.

Kamo mamahimong balaanong nasud.

 

Sa dihang ang panimalay ni Jacob mipatalinghug sa ilang buluhaton sa pagdala sa panalangin sa Dios sa tanang kanasuran mitando sila, apan sa dihang ilang nadunggan ang pamaagi sa kinabuhi nga maoy gidahuman gikan sa balaang nasud -

 

Sila mitalikod palayo,

Sila nagdumili sa paghalad,

Sila misalikway sa Dios,

Sila mibalik sa Ehipto diha sa ilang mga kasingkasing.

 

Ang resulta mao nga 1,500 ka mga katuigan nga nabakante sa relihiyon hangtud nga si Hesus miabot. 
Exodo 19.4-19, Mga Hebrohanon 12.19, Mga Buhat 7. 39,42

3. Unsay Mahitabo Sa Pulong Sa Ginoo Kung Kini Dili Matuman?

Sa dihang gibungkag ni Josue ang Jerico, ang Dios nagpabutang kaniyag tunglo sa kang kinsa nga mobalik pagtukod sa maong siyudad. Sa nanglabay nga katuigan usa ka tawo ang mihimo sa pagbalik ug tukod sa Jerico apan mihimo niini sa bili sa iyang mga anak nga lalaki, tukma sumala sa pulong sa Ginoo nga gisulti ibabaw nianang siyudara. Ang pulong sa Ginoo dili gayud mobalik kaniya hangtud kini dili makataposa sa katuyuan niinii, hinuon maghulat kini sa tawo kang kinsa kini matuman. Josue 6.26,1 Mga Haqri 16.34. Isaias 55.11

4. Unsa May Nahitabo Sa Saad?

Si Pablo mipasabot sa tanan diha sa Mga Taga-Galacia 3, 8-29. Diha sa bersikulo 8 ug 9 atong makit-an nga ang saad sa tinuod usa ka propesiya sa ebanghelyo sa kaluwasan pinaagi sa pagtuo tungod kay ang tanang kanasuran mamahimong mapanalanginan pinaagi kang Abraham nga maoy amahan sa atong pagtuo.

Diha sa bersikulo 16 atong makit-an nga ang saad nagahulat sa matuod nga binhi o tawo.

Ang Saad Sa Pagkatinuod Alang Kang Hesus,
Mao nga karon atong balikon pagbasa sa makusog ang pito ka mga saad 
ug niining panahona ibutang ang ngalan ni Hesus sa atubangan, isulti,

Hesus, ako magahimo kanimo nga…...

Ang Saad Alang Usab Sa Simbahan
tungod kay ang bersikulo 29 nag-ingon, kamo iya na ni Kristo, mao nga kamo isip ang lawas ni Kristo mga manununod sa tanang pito ka mga saad. Karon basaha ang pito ka mga saad sa makusog pag-usab ug niining higayona ibutang ang ngalan sa imong simbahan o misyon sa atubangan ug pamatia ang Dios nga nakig-istorya kanimo.

Simbahan, ako magahimo kanimo nga……….. 

Ibalikbalik hangtud ang kamatuoran musubang sa imong kalag.

4. Unsa May Ipasabot Niini Kanato?

Kini nagpasabot nga karon makaadto ikaw uban sa pagtuo sa bisag asang dapita nga ipakita sa Dios kanimo sa pagkahibalo nga adunay daan nga saad gikan sa Dios ibabaw kanimo nga naghulat nga mapanunod pinaagi sa imong pagtuman. Ang Balaang Kasulatan nag-ingon nga ikaw usa ka manununod sa kalibutan ug ang saad gipasalig pinaagi sa pagtuo ug pinaagi sa grasya. Ang Dios magahimo usab sa tanan kanimo sa alang unta sa Israel nga ilang gidumilian. Roma 4.13, 16, 1 Pedro 2.9-10.

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana. 

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk