14. Unsa Ang Misyon ?

Ayaw ko’g sultihi – nga komportable ra kaayo sa panimalay !

 

Tan-awa ang mga Pagtulon-an

Basaha Kini sa Imong Bibliya
2 Mga Taga-Corinto 5, 11 ngadto sa 6,10

Ani-a ang Imo’ng Sag-uluhon nga Bersikulo
Kay ang gugma ni Kristo nagapugong kanamo, kay nagahukom kami sa ingon niini nga ang
usa namatay alang sa tanan, busa ang tanan nangamatay. Ug siya namatay alang sa tanan, aron sila
nga mga buhi dili na magkinabuhi alang sa ilang kaugalingon kondili alang niadtong namatay
ug nabanhaw alang kanila. 2 Mga Taga-Corinto 5:14-15

Pagkahuman Hisguti ang Mahitungod Niini
Ang lokal nga pagpang-ebanghelyo tataw kaayo, apan asa man magsugod ang mga misyon
alang kanimo, ug unsaon mo man pagatubang niana? Imo kahang hunahunaon ang pagadto?

Usa ka Butang Angay Buhaton sa Dili pa ang Musunod
Pamanlandungi ang matag linya saSalmo 116 ug tan-awa kung unsa ang gipamuhat sa Ginoo
alang kanimo. Siguroa paghimo sa imong tubag sa pagpanugyan ngadto kaniya ug sa pag-ampo.

Sinulat nga Buluhato’ng Pangdiploma
Tan-awa ang mga lakang sa pagkab-ot  sa mga nangawala diha sa Mga Taga-Roma 10, 14-15.
Ipa-ila ug ipasabut sila sulod sa dili musobra sa duha ka mga pahina.

Pamalandungi ang Matag Pulong Niini’ng Bersikuloha
Juan 1, 40-41

Pag-gahin ug Pipila ka Minuto aron sa Kausaban sa Kalibutan

Pray for Greece - Operation World Page 245
10,000,000 southern Europeans, ancient civilisation,

Orthodox religion but only 0.2% Protestants

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

1. Unsa Ang Mga Misyon?

Ang matag magtutuo nasayod nga ang tanan iyang utang ngadto sa Dios, ang kinabuhi niining kalibutana ug ang sa kahangturan. Sa dihang kita makasasala pa ug salawayon diha sa mga mata sa balaang Dios, iya kitang nakaplagan, iya kitang gipalit pagbalik gikan kang Satanas sa dugo sa iyang bugtong anak, ug karon iya kitang gisagup sulod sa iyang pamilya, mibuhong kanato sa matag panalangin. Juan 1.16.

Ang Salmista Nangutana Alang Kanatong Tanan
"Unsaon nato pagbalos sa Ginoo sa tanan niyang kaayo?" Salmo 116.12. Ang tubag karon sama ra sa iyaha kaniadto liniboan ka tuig ang milabay, “Akong ibayaw ang kopa sa kaluwasan ug ako magatawag sa ngalan sa Ginoo. "

Ang Misyon Maoy Yano Nga Sunod Nga Lakang
Uban sa gugma ug pagpasalamat diha sa kasingkasing ngadto kang Hesus motikang kita sa lokal nga pag-ebanghelyo didto sa unahan aron pagbayaw sa Diosnong kopa sa kaluwasan sa taas nga aron ang mga kalalakin-an ug mga kababayehan, ug mga batan-ong lalaki ug babaye bisan ang atua sa utlanan ning kalibutan makakita niini ug mohangyo sa pag-inom niining samamng tubig sa kinabuhi.

Ang Biblia nag-ingon nga kita managsaksi sa Herusalem diin ang atong kaugalingong lungsod, sa Hudeya ug Samarya diin ang mga duol nga mga rehiyon, ug ngadto sa utlanan sa kalibutan. 

Sa dihang si Pablo misulat sa iyang mga higala sa simbahan sa Corinto, Gresya siya nagahatag kanilag pipila ka mga maayong rason alang sa misyon.

2. Ang Pagkahadlok Sa Ginoo Mohatag Kanato Ug Hinungdan.

Ang kahadlok niining higayona mao ang ‘phobos’ diin mao ang hingpit nga kahadlok sa dili paghimaya sa Ginoo pinaagi sa dili pagtuman sa iyang mga sugo, inubanan usab sa balaanong pagtahod o gugma sa Dios nga maoy nnagahimo kanato sa pagdali ug tuman kaniya. 2 Mga Taga-Corinto 5. 11

3. Ang Mga Pagkinahanglan Sa Katawhan Mohatag Kanato Ug Hinungdan.

Sa dihang atong nakita ang dautan nga nagakupot sa mga kalalakin-an ug mga kababayehan ug nagahawid kanila diha sa sala, balatian, pagkawalay hustisya, kapubrihon, pagka dili matinuohon ug kahakog uban sa tanang kasakit, pagkaalaot ug pagantos nga maoy nagahimo sa atong mga kasingkasing pagbuhat ug mga butang tungod kay nasayod kita sa Dios ug tanan nga gibuhat ni Hesus kanato. Si Pablo nag-ingon nga ato gyung sulayan sa pag-agni o pagdaog ibabaw sa mga kalalakin-an ug kababayehan bisag asa, paningkamutan nga makit-an silang nag-usab sa ilang mga hunahuna mahitungod sa pagsunod kang Hesus.   2 Mga Taga-Corinto 5. 11

4. Gugma Ang Nagapugos Kanato.

Ang gugma alang sa tanang katawhan ug kahingawa alang sa ilang walay katapusang padulngan nagahatod kang Hesus ngadto sa Krus ug ang samang gugma mao karon ang nagapuno sa kasing kasing ni Pablo ug nagatulod kaniya aron pag-apil sa dakung misyon sa kaluwasan diha sa Dios.

Ang Gugma Mao Gayud Ang Magapugos Kanato.
Sa dihang ato nang nasabtan nga si Kristo nagpakamatay alang sa tanan, ato usab nga gipili ang pagpakamatay pinaagi sa pagtugyan sa atong mga kinabuhi ug mga plano diha sa pagpasalamat kaniya, ug pagsugod ngadto sa pagkinabuhi alang sa Dios ug alang sa uban kung asa man sila. 2 Mga Taga-Corinto 5. 14

5. Ang Kahangturan Kinahanglan Mohatag Kanato Ug Hinungdan.

Si Pablo nag-ingon nga dili kita motan-aw sa tawo sama sa kalibutanong tinan-awan nga madani lamang sa titulo, katigayunan o katungdanan. Hinoon atong tan-awon ang mga katawhan gikan sa matunhayon nga pagtan-aw nga nag-atubang sa makahahadlok nga kamatuoran sa lubnganan. Ang pagpili kinahanglan himuon karon alang sa duha ka walay katapusan nga langit ug impyerno.

Tinuod Ba Nga Nangawala Ang Mga Katawhan ?
Ang unang tawo, si Adan, sa tinuyoan misupak sa Dios pagpili sa mga bakak ni Satanas. Ang Dios kinahanglan nga mobiya kaniya ug sa espiritu ni Adan diin iyang nahibaluan nga ang Dios sulod kaniya namatay usab. Nahibilin siya uban lamang sa iyang lawas ug kalag nga nagasunod sa madagmalon nga agalon padulong ngadto sa kamatayon ug sa kalayo sa impyerno nga giandam dili alang sa tawo kundili alang sa mga demonyo ug sa iyang mga manulonda. Mateo 25.41.

Ang Tawo Nagpabilin Nga Ginapos
Nianang walay hinungdan nga desisyon sa atong representante ug naga martsa padulong sa nahisalaag nga walay katapusan nga makahahadlok kaayong palandungon diin walay katapusan o kalingkawasan. Mao nga si Pablo sa matuod nagasulti nga hangtud nga ang Dios magaluwas pinaagi kang Hesus kita namatay na sa atong mga kalapasan ug mga sala, nagasunod kang Satanas ug naga-atubang lamang sa Diosnong kasuko. Efeso 2.1-3, 5.

Aron Maluwas Gikan Sa Impyerno
Ang pulong sa Dios nag-ingon nga ang mga katawhan kinahanglan nga mahimong bagong mga binuhat, mao kanang pagkatawo sa makaduha, kausa sa natural ug kausa sa espiritwal pinaagi sa tabang sa Balaang Espiritu. Juan 3, 3-6

6. Ang Ebanghelyo Mohatag Kanato Ug Hinungdan.

Sa makausa nagatan-aw kita kang Hesus sa kalibutanong paagi, naghunahuna nga siya dili lamang molabaw sa usa ka tawo o sugilanon gikan sa kasaysayan, sama sa ubang inila nga karakter sa nangagi. Karon atong nadiskobrihan nga sa pagkatinuod ang Dios mismo ang ana sa Krus ug diha kang Hesus iyang gipasig-uli ang katawhan sa kalibutan balik ngadto kaniya, wala gani nagkwenta sa atong mga kasalanan batok kanato.

Mao kini ang pinakabantugang sugilanon nga nasugilon ug nagkinahanglag pagdawat ug pagtubag. Aduna kitay maanindot nga mensahe diin siya nga walay sala nahimong sala ug nagbayad sa silot nga pag-antos ug kamatayon, aron kita nga angayan untang silotan mamahimong matarong ug magpuyo diha sa presensya sa Dios karon ug sa walay kahangturan. 2 Mga Taga-Corinto 5, 18-19, 21. Mga Buhat 4.12 nagasulti kanato nga walay laing ngalan nga gihatag aron kita maluwas, walay lain kundili ang ngalan ni Hesus.

7. Ang Tawag Mohatg Kanato Ug Hinungdan.

Si Pablo nag-ingon nga kita mga embahador sa langit, nagrepresenta sa Dios mismo kinsa nagapamulong pinaagi kanato ngadto sa katawhan nga walay pagpakigdait uban kaniya. Ug sama sa mga kalibutanong embahador diha sa dapit sa panggubatan ang atong kinabuhi isip opisyal sa Dios diha sa teritoryo ni Satanas mahimong makuyaw ug masuknaon. Tan-awa sa 2 Mga Taga-Corinto 6, 3-10. Pinaagi kanato ang Dios naga-awhag ug nagapangamuyo sa mga kalalakin-an ug mga kababayehan aron mapasig-uli ug balik ngadto sa ilang mahigugmaon nga Langitnong Amahan.

Karon Mao Kanunay Ang Pinakamaayong Adlaw
Karon dayon ang tukmang panahon.

Kung dili ikaw - kinsa?

Kung dili karon – kanus-a

2 Mga Taga-Corinto 5, 20 - 6.2

Mao nga nakita na ninyo nga ang pagkahadlok sa Dios, mga kinahanglanon sa katawhan, gugma sa Dios, ug ang mga kamatuoran sa kahangturan, ang bantugang sugilanon nga kinahanglan natong isulti ug ang tawag sa Dios naghatag kanato ug mga rason aron atong ihatag ang atong pinakamaayohan diha sa misyon, maduol ug malayo, bisan kon moadto kita pinaagi sa pag-ampo, paghatag, pagbiyahe o pagpadala ug lain kung dili gyud kita makabiya.

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk