13. Ang Katapusang Mando

Kinsay moadto ? Kung dili ikaw – kinsa ? 
Kung dili karon – kanus-a ?

 

Tan-awa ang mga Pagtulon-an

Basaha Kini sa Imong Bibliya
Mateo 28, 11-20; Marcos 16, 15-20; Lukas 24, 45-49; Juan 20, 19 -23.

Ani-a ang Imo’ng Sag-ulohon nga Bersikulo
Si Hesus miingon, “Ang kalinaw ma anaa kaninyo! Ingon nga ang Amahan nagsugo kanako,
sa maong paagi ako nagasugo kaninyo." Juan 20:21

Pagkahuman Hisguti ang Mahitungod Niini
Unsa may inyong nakita nga gihimo ni Hesus sa inyong mga kinabuhi? 
Kung ikaw moadto sa usa ka panaw aduna ka bay mga maayong ikasulti?

Usa ka Butang Angay Buhaton sa Dili pa ang Musunod
Sa kahilum sa imong kasingkasing tan-awa kung unsay imong reaksyon kung ang Dios
mo klaro kanimo karon nga gusto ka niyang mamahimong misyonero.
Unsa nga mga pagduhaduha ug mga kahadlokan ang mo alsa? Ihalad sila diha sa pag-ampo
ngadto sa Ginoo ug pangayoa ang iyang tabang sa pagdaog.

Sinulat nga Buluhato’ng Pangdiploma
Tan-awa sa Pinadayag 7, 9-10. Kinsa sa imong hunahuna ang atua?
Pagngalan ug pipila ka mga ngalan. Sa imong hunahuna giunsa nila pag-abot didto.
Unsa may gisulti sa katigulangan mahitungod kanila diha sa mga bersikulo 15-17.

Pamalandungi ang Matag Pulong Niini’ng Bersikuloha

Genesis 12, 1-3

Pag-gahin ug Pipila ka Minuto aron sa Kausaban sa Kalibutan

Pray For Nicaragua - Operation World page 416

5,000,000 suffering people, history of earthquake and war

Many have turned to God for help, many wounds need to be healed

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Alang Ba Kanimo Ang Dakung Sugo?

Kini alang sa mga lalaki ug mga babaye sa tanang kolor, kabus, adunahan, batanon o tigulang. Ang mga bayani sa misyon kasagaran kadtong mga tawo nga naghunahuna nga sila tigulang na kaayo o bata pa kaayo, walay mahimo, dili maong kolor o dili maong sekso! Apan atong pangutanon ang ubang katawhan nga nakaila kaayo kang Hesus.

1. Maminaw Una Kita Kang Mateo.

Siya nagsugyot nga sa dili pa ikaw molakaw aduna pay misyon si Hesus nga pagabuhaton sa sulod nimo. Si Mateo nagaingon sa kapitulo 28, bersikulo 11-20 nga alang kaniya ang Dakung Sugo mahitungod sa ~

Pagka Masinugtanong Sa Tanang Isulti Ni Hesus
Si Hesus miingon sa mga disipolo sa pag-adto sa Galilea, diin sila magkita, ug sila miadto. Kini usa ka pagsulay sa pagtuman kay ug wala pa sila mituman basin ug dili sila makapadayon sa unahan. Si Hesus magasulay kanato makagatos matag adlaw sa gagmayng mga butang sa kinabuhi aron pagtuman kaniya. Mateo 28, 10,16

Pagtan-aw Kang Hesus Sa Imong Kaugalingon
Ang misyon una sa tanan mahitungod sa pagtan-aw kang Hesus sa atong mga kaugalingon, dayun makabaton kita ug butang nga makapadasig kanato sa pagsulti ngadto sa uban, Mat. 28.17. Adunay panahon nga si Hesus mogawas gikan sa teyolohiya ug mahimo natong matuod nga Manluluwas, Ginoo ug Hari hangtud sa kahangturan. Sa dihang atong makita ang nabanhaw nga si Ginoong Hesus nga misulod sa atong mga kinabuhi, ug makita ta ang iyang gibuhat dinhi kanato, nan aduna kitay maayong ikasulti ngadto sa uban.

Pagsimba Kang Hesus
Bersikulo 17 usab nagaingon, “Sa dihang siya ilang nakita, sila misimba kaniya.” Ang tanan natong tinuod nga pag-alagad nagagikan s atong gugma ngadto sa Dios ug sa atong pagsimba kaniya. Tan-awa Mga Taga-Rom. 12.1.

Pagbuntog Sa Imong Mga Pagduhaduha
Sa Mateo 28.17 may uban nga nagduhaduha kaniya. Basin ikaw dili, apan misalig kaba sa iyang mga saad alang sa imong umaabot. Diha sa Mateo 26.32 si Hesus miingon, “ Mo una ako kaninyo didto sa Galilea.” Aron pagtuman sa saad ngadto sa mga disipolo aron si Hesus molatas ngadto sa Krus, sa kamatayon, sa impyerno ug ang pagkabanhaw! Nahimo niya, pagkahuman magduhaduha pa gayud kita sa iyang pulong?

Pagpaminaw Sa Iyang Mando Sa Paglakaw
Daghang katawhan nga naminaw sa mga matandugong sermon gikan sa Mateo 28, 19-20 mahitungod sa kinahanglang pag-abot niadtong mga katawhan nga wala pa maabti sa pulong sa mga utlanan sa kalibutan apan nadungog ba gyud nato ang buot isulti sa Dios, ug mutuman. Kung dili ikaw – kinsa ang moadto?

2. Karon, Atong Paminawon Si Marcos.

Si Marcos mao ang manunulat ni Pedro ug matud niya ang Dakung Sugo mahitungod usab sa  ~

May Kalabutan Sa Pagkawalay Pagtuo
Diha sa Marcos 16, 14 diin nag-abli ug laing agianan mahitungod sa Dakung Sugo diin gisugdan ni Hesus pag-ingon kanila sa paghunong sa ilang pagkakulang ug pagtuo ug pagdumili sa pagtuo.

Paggamit sa Labaw Sa Kinaiyahang Mga Kasangkapan
Diha sa mga bersikulo 17-20 atong makaplagan ang sudlanan sa labaw sa kinaiyahan nga galamiton sa Dios alang sa mission nga labaw sa kinaiyahan. Ang bersikulo 20 nag-ingon nga ang Ginoo gamhanang namuhat uban kanila, mipamatuod sa ilang mga pulong uban sa mga labaw sa kinaiyahan nga mga ilhanan ug mga katingalahan nga iyang gihisgutan.

3. Si Lukas Nahawiran Pinaagi Sa Sugo.

Gikan sa Lukas, kapitulo 24, 45-49. alang kang Doktor Lukas ang Dakung Sugo daku kaayog kahulugan nga sa wala madugay nahimo siyang misyonero ~

Si Hesus Maga-abli Sa Atong Mga Salabutan Ngadto Sa Balaang Kasulatan

Ang pagsabot nga ang Daan ug Bago tanan kauban nga nahiangay diha sa hingpit nga panaguyon diha kang Kristo.

 

Kinahanglan Makabig Sa Iyang Plano

Sumala sa nasulat sa Balaang Kasulatan.

 

Pagdalag Kapasayloan Ngadto Sa Tanang Kanasuran

Diha sa ngalan ni Hesus, pinaagi sa paghinulsul ug pagsugod sa panimalay.

 

Ang Pagsabot Sa Iyang Tukmang Panahon

Adunay panahon sa pagpuyo ug panahon sa paglakaw.

 

Kinahanglan Masul-oban Uban Sa Gahum

Sa dili pa mugawas ngadto sa magdumili pagtuo o usahay sa mabatukong kalibutan.

4. Sa Katapusan, Himamata Ang Apostoles Sa Gugma.

Alang kang Juan, ang suod nga higala ni Hesus, diha sa 20, 19-23 ang Dakung Sugo ang tanan naghulugan sa  ~

Ang Gahum Sa Nabanhaw Nga Ginoo
Sa dihang ang mga disipolo anaa likod sa mga trinangkahang pultahan, si Hesus mipakita sa iyang gahum pinaagi sa paglapus sa pultahan o bongbong aron pagtungha sa ilang taliwala.

Ang Taas Nga Bili Sa Kaluwasan Sa Tawo.
Si Hesus mipakita kanila sa iyang mga kamot ug kilid ug ilang nakita ang mga labod sa Krus nga gisakit ug kamatayon. Mao kini ang bayad sa kaluwasan sa tawo diha sa walay buling, walay salang putling anak sa Dios sa walay katarungan gisilotan dili tungod sa iyang kaugalingong sala apan tungod sa atong mga dautang kasalanan batok sa Dios. Walay laing taas nga bayad ang makaangkon o makabayad.

Pagdawat Sa Tawag Sa Dios
Si Hesus sa iyang kabubuton mibiya sa katahom sa langit aron pag-anhi sa atong makasasalang kalibutan aron pagbuhat sa kabubuton sa Dios diha sa misyonaryong pag-alagad, paghatag sa iyang kinabuhi aron ang uban mabuhi. Ug karon siya nagaingon “.. Mao nga ako magapadala kaninyo,” Ug, “ Ako nagapakita kaninyo ug sumbanan aron inyong buhaton sama sa akong gibuhat diha kaninyo.” Juan 13.15, Hebrohanon 10, 5-7

Pagdawat Sa Gahum Sa Balaang Espiritu.
Si Hesus miginhawa diha kanila, ug sa wala madugay pinaagi nianang balaanong  ginghawa nahimong usa ka kusgang, hagurus sa hangin nga mipuno niining mga nanaghulat nga katawhan.

Pakahibalo Sa Atong Trabaho, Pagpasaylo Sa Mga Kasalanan
Mga Kristohanong katawhan nag-abli ug mga eskwelahan ug mga ospital sa tibuok kalibutan ug kana usa ka maayong pagpamatuod sa kaluoy ug gugma sa Ginoo.

Bisan pa man kini napamatud-an na nga hangtud ang tawo mapasig-uli ngadto sa iyang Magbubuhat, matuod nga kalamboan dili gayud moabot. Gipangusog ni Hesus, “Kinahanglan ikaw matawo pag-usab.” Si Hesus mihatag importansya sa gikinahanglan nga paghatod sa tawo ngadto sa dapit sa kapasayloan gikan sa Dios ug pagpakig-uli ngadto kaniya. Aron ang Dios makasulod ngadto sa mga kalalakin-an o mga kababayehan ug muosab sa ilang kinabuhi gikan sa kinasuloran. Aron kining tawhana magamit sa Dios aron pagpanalangin sa tibuok komunidad. Juan 3.3,7 Ug anaa kita – ang Dakung Sugo sumala niadtong mga suod ni Hesus. Nag-ingon, “Oo, Ginoo, ikaw ang matuman dinhi kanako alang sa kaayuhan sa katawhan sa kalibutan nga imong gipakamatyan.”

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana. 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk