12. Ang Dakung Sugo

Tan-awa ang mga Pagtulon-an

Basaha Kini sa Imong Bibliya
Mga Buhat 1 ngadto sa Mga Buhat 2.4

Ani-a ang Imo’ng Sag-ulohon nga Bersikulo
Kining Hesus nga gibayaw sa langit gikan kaninyo,
mobalik sa maong pagkaagi sumala sa inyong hingkitan. Mga Buhat 1.11

Pagkahuman Hisguti ang Mahitungod Niini
Sa unsang mga paagi kita makasunod kang Hesus pinaagi sa paglibot arong paghimog maayo,
bisan pa sa pagwali, pagpamulong ug pagpanudlo. Tanawa kung pipila ka mga pamaagi
ang imong manganlan. Ug unya na paghimo ug lista sa mga butang angayan buhaton.

Usa ka Butang Angay Buhaton sa Dili pa ang Musunod
Pagtigum aron mag-inampoay sa matag usa aron mabawtismohan diha sa Balaang Espiritu
o mapuno pagusab kaniya, sama sa nangahitabo sa mga magtutuo sa daghang panahon
diha sa Mga Buhat. Si Pablo nagingon diha sa Mga Taga-Efeso 5.18, "mapuno kamo sa Balaang Espiritu."

Sinulat nga Buluhato’ng Pangdiploma
Pagsulat ug dili mukulang sa usa ka pahina, apan dili usab musobra sa duha sa pag-ila sa imong
Herusalem, imong Hudeya ug Samarya ug kung asa alang kanimo ang mga
utlanan sa kalibutan. Isulti kung unsay hulagway sa matag usa.

Pamalandungi ang Matag Pulong Niini’ng Bersikuloha
Mga Buhat 1.8

Pag-gahin ug Pipila ka Minuto aron sa Kausaban sa Kalibutan

Pray for Iran - Operation World page 304

65,000,000 Persian people, 65 ethnic groups, 99% Muslim,

Revolution, bloodshed, dismay, but Church growing in persecution.

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 Diha sa Mga Buhat 1 atong nadiskobre ang unom ka gamhanang mga sugo nga makatabang kanato sa pag-alagad sa Dios, ug pagministeryo ug maayo ngadto sa katawhan sa kalibutan.

1. Pagbuhat ug Maayo

Mga Buhat 1.1 nagsulti nga si Hesus nagsugod pagpamuhat ug pagpanudlo diin nagpasabut nga wala pa siya nahuman. Karon si Hesus, nga mao ang ulo nagapamuhat pinaagi sa iyang lawas, ang simbahan. Kita ang iyang mga kamot, mga tiil, mga mata ug mga ngabil.

Ang ubang mga kasimbahanan gusto lamang mahimong mga ngabil nga nagasulti apan ang Mga Buhat 10.38 nag-ingon nga si Hesus gidihugan aron sa paghimog maayo. Iyang gipakita kanato ang Dios ug ang iyang dakung gugma sa mga lalaki ug mga babaye pinaagi sa iyang gipanghimo. Si Hesus mipasabot sa Dios pinaagi sa iyang gipanulti.

2. Kinahanglang Mapuno Diha Sa Balaang Espiritu

Ngano? Tungod kay ang Mga Buhat 1.2 nag-ingon nga si Hesus nagaministeryo pinaagi sa Balaang Espiritu.

Nganong mahinungdanon kini kaayo?
Sa dihang si Hesus miabot sa kalibutan ingon nga usa ka bata, iyang gibiyaan ang tanan niyang langitnong kagamhanan sa langit, Mga Taga-Filipos 2.7. Sa dihang siya nagasulti o nahimo nga mga milagro siya nagahimo niini ingon nga usa katawo nga nahibalo unsaon pagministeryo diha sa gahum sa Balaang Espiritu. Si Hesus nag-ingon nga ang mga katawhan karon makahimo sama sa iyang nahimo, ug bisan dagku pa gani pinaagi sa samang gahum sa Balaang Espiritu. Tanawa Juan 14,12.

Napuno Ka Ba Sa Balaang Espiritu?
Si Hesus nasayod unsa kini ka mahinungdanon ug diha sa bersikulo 5 siya misaad sa iyang mga disipolo nga sulod sa pipila ka mga adlaw sila usab mabawtismohan, nga nagpasabot sa pagkalunod o pagkahumol diha sa Balaang Espiritu. Tanawa sa Mateo 3.11-17, Mga Buhat 2.39 ug pagtulon-an 23 Ang Balaang Espiritu

Ang Balaang Espiritu mohatag ug gahum kanimo
Diha sa bersikulo 8, si Hesus nag-ingon sila makadawat sa ‘dunamis’ o makusganong gahum sa dihang ang Balaang Espiritu moabot kanila. Gikan sa ‘dunamis’ makakuha kitag mga gamhanag pulong sama sa dinamo ug dinamita. Awtoridad, bisan ang gitugyang awtoridad nga hinatag sa Dios, mahimong walay gahum hangtud kini dili ipatuman. Ang ‘dunamis’ sa Balaang Espiritu mao ang abilidad sa pagpakita sa awtoridad nga ania kanato. Hinumdumi usab kung nganong nanagan ang tanang mga disipolo sa dihang gidakop si Hesus? Tanawa unsay nahitabo kanila, hilabina kang Pedro sa dihang sila napuno sa ‘dunamis’. Mga Buhat 2.14 hangtud sa unahan.

Ang katuyuan sa gahum
Ang Balaang Espiritu miabot sa usa ka hinungdan, aron pagsaksi uban sa gahum nga si Hesus buhi.

3. Mahimong usa ka saksi

Unsa ang usa ka saksi? Pananglit may duha ka trak nga nagbangga ug ang mga dryber nag-away. Ang police moingon, “Kinsa may nakakita?” Mangita silag mga saksi. Ang saksi mosulti lamang sa unsay iyang nakita. Dili siya mohatag ug opinyon sa wala pa ang hitabo, dili magahimog mga hukom, ug dili usab siya responsabli sa unsay sunod mahitabo, apan ang iyang kaugalingong kagustuhan sa pagpamatuod maoy giagad sa umaabot nga kagawasan o pagkabinilanggo sa usa ka tawo. Mao kana ang pagkahimong usa ka saksi, usa ka responsibilidad nga buluhaton diin ang tanan gisangonan sa pagbuhat.

Unsay atong nakita?
Atong nakita si Hesus namuhat dinhi kanato, mipasaylo, miayo ug mipanalangin mao nga daghan kaayo kitag angay isulti. Ang Balaang Espiritu unya magapamuhat pinaagi sa atong mga pulong sa pagpangagnig mga lalaki ug babaye nga ang atong gisulti tinuod. Kung sila mutuo ug modawat kang Hesus mahimo silang gawasnon,  kung dili magpabilin silang binilanggo sa sala ug ngadto kang Satanas. Asa man kita moadto ug mosulti sa atong sugilanon? Kitang tanan may gitaganang parte sa kaparasan sa Dios aron makapamuhat. 2 Mga Taga-Cor. 10.13.

Sa Herusalem
Kadaghanan sa katawhan mosulti sa ilang sugilanon sa Herusalem nga nagpasabot sa ilang kaugalingong lungsod diin sila nagasultig samang pinulongan ug nasinati na ang palibot, Lukas 8.39.

Sa Hudiya ug Samaria
Kadaghanan mahimong tawgon paglakaw ngadto sa Hudeya ug Samarya nga mao ang mga duol nga mga probinsya, diin susama ra ang katawhan apan may kalahian gamay sa pinulongan ug mga pihig.

Bisan ngadto sa utlanan sa kalibutan
May pipila nga gitawag pagadto sa halayo diin ang mga katawhan, klima, pinulongan, kultura ug mga pagkaon lahi kaayo ug sa dihang atoa na didto, sultihan ang mga tawo nga si Hesus buhi.

4. Buhat uban sa pagkamadinasigon

Kinahanglan natong buhaton ang atong trabaho uban sa pagkamadinasigon hangtud nga si Hesus Mobalik pag-usab, sumala sa gisaad sa mga anghel sa nga iyang pagabuhaton diha sa gamhanang mensahe, tanawa ang Mga Buhat 1.11. Ato kanang paghisgutan kung kanus-a unya, apan daghan nang mga ilhanan nga nagsulti kanato nga hapit na siya mobalik. Karon ang panahon sa pag-ampo ug pagkabig sa atong pamilya ug mga higala alang kang Kristo.

Kung siya mobalik sa sunod nga panahon dili na usa ka bata kundili ingon nga Ginoo ug Hari aron paghari sa linibuan ka mga tuig. Si Hesus magabutang sa iyang gingharian uban sa matuod nga hustisya sa dili pa tapuson ang kasaysayan sa tawo pinaagi sa pagmugna ug bagong langit ug bagong yuta.

5. Himoa si Hesus nga Ginoo ug Hari

Kini mahinungdanon tungod kay ang Mga Buhat 1.3 nag-ingon nga si Hesus naggahin ug kwarenta ka adlaw pagtudlo sa iyang mga tinun-an mahitungod sa Gingharian sa Dios.

Gingharian nga ang buot ipasabot ang pagmando o paghari sa usa ka Hari. Mao kung asa si Hesus mahimong Ginoo ang matarong nga paghari sa Dios musulod. Mga kinabuhi, mga panimalay, mga simbahan o bisan pa tibuok baryo mahimong mausab kung si Hesus ang maga Hari ug maoy magabuot kanato.

6. Panaghiusa sa Pag-ampo ug sa walay hunong

Ang unang butang nga gibuhat sa mga magtutuo sa unang adlaw sa pagkunsad ni Hesus mao ang pagbalik sa ilang komunikasyon ngadto kaniya pinaagi sa pag-ampo.

Mga Buhat 1, 12 ngadto sa 15 nagsulti kanato nga ang mga disipolo, ang mga kababayenhan ug ang mga kaigsuonan ni Hesus nagkahiusa, hiusa diha sa mapadayunong mga pag-ampo. Si Maria, nga inahan ni Hesus anaa ingon nga tigpangamuyo, nagasulti sa iyang anak pinaagi sa pag-ampo. Gikan sa Lukas 24.49 nahibalo kita nga ang ilang gi-ampo, “Anhi Balaang Espiritu, hatagi kamig kagahum,” ug sa Mga Buhat 2 ilang nadawat ang gamhanang tubag.

7. Pagpili’g mga bag-ong pangulo

Mga Buhat 1, 15 ngadto sa 26 nagpakita kung giunsa sa mga disipolo paghulip kang Hudas ug lain nga nakahibalo nga si Hesus buhi. Wala bisan usa ka pangulo nga mawala. Ang mga katawhan nagkinahanglan ug direksyon ug ang tanan nilang espirituhanon ug natural nga kabaskog gisangkap na alang sa pag-ebanghelyo. Mao nga kung ang Dios nagahagit kanimo sa pagbarog ug paghupot ug responsibilidad sa buluhaton, sugta siya, karon.

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.