11. Plano Sa Dios Alang Sa Kalibutan 

Tan-awa ang mga Pagtulon-an

Basaha Kini sa Imong Bibliya
Isaias 66; Salmo 67.

Ani-a ang Imo’ng Sag-ulohon nga Bersikulo
Ikaw nga akong gikuptan gikan sa kinatumyan sa yuta, ug gitawag gikan sa mga suok niini
ug miingon kanimo: Ikaw mao ang akong alagad, gipili ko ikaw
ug wala ikaw isalikway. Ayaw kahadlok kay ania ako uban kanimo, ayaw
pagtalaw, kay ako ang imong Dios, palig-onon  ko ikaw, buligan ko ikaw,
ituboy ko ikaw sa tuong kamot sa akong pagkamatarong. Isaias 41:9-10

Pagkahuman Hisguti ang Mahitungod Niini
Sultihi ang usag usa kung unsay kahulugan sa Krus kaninyo mahitungod sa kung asa
ka paadtuon sa Dios, o kung unsa ang iyang ipabuhat kanimo,
o ipahatag, o pabiyaan.

Usa ka Butang Angay Buhaton sa Dili pa ang Musunod
Sa pagtan-aw sa pagkadinalian sa oras ug sa nagsingabot nga katapusang adlaw,
paghimo ug laing pagsulay sa pag-ampo ug unya ipa-ila si Hesus ngadto sa
duha ka wala pa naluwas nga sakop sa pamilya o higala.

Sinulat nga Buluhato’ng Pangdiploma
Nabati mo ba ang kamot sa Dios diha sa imong kinabuhi nga nagapili kanimo sa pag-alagad kang Hesus.
Ihulagway sa usa ka pahina kung unsay imong hunahuna kung unsay tawag sa Dios kanimo o ipahimo?

Pamalandungi ang Matag Pulong Niini’ng Bersikuloha
Isaias 43, 4-7

Pag-gahin ug Pipila ka Minuto aron sa Kausaban sa Kalibutan

Pray for Emirates - Operation World page 554

2,200,000 Muslims in 7 States, poverty to huge wealth in 20 years

No Christian outreach permitted, no national church at all

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Kasagaran atong gi-usa ang Dakung Sugo sa mga katapusang pulong ni Hesus sa tanang ebanghelyo, labina diha sa Mateo 28, 16-20, ug sa Mga Buhat.

Sa Genesis ang napakyas, gibudhian nga Dios Amahan misuroy sa tanaman diha sa kabugnaw sa kagabhion nga nangita sa iyang mahal nga lalaki ug babaye, ang paborito niya nga mga binuhat, si kinsa bag-o pang mibali sa ilang pagsalig, mipili sa pagtuman kang Satanas ug midala sa wala igsulting kadaut sa umaabot nga kalibutan. Ang mga pulong sa Amahan mipadayag sa iyang kasingkasing, “Adan, hain ka man,” ug wala siya nagpasabot kung asa nagtago si Adan! Ang Biblia nag-ingon kanato nga ang Dios nagsugod ug pahiluna sa mga butang uban sa saad. Genesis 3.9

Usab sa Genesis ang sugilanon ni Jose, usa ka tawo nga gipadala sa Dios aron pagluwas ug usa ka nasud. Genesis 37 ngadto sa 50.

 

Ang Exodo nagpadayag sa abilidad sa Dios pagluwas ug tibuok nasud gikan sa pagkupot sa pagkaulipon. Gusto siyang mopanalangin kanila pinaagi sa paghimo kanilang misyonerong nasud nga nagadala sa iyang pulong ug sa iyang kinabuhi ngadto sa tibuok kalibutan. Exodo 3, 7 ngadto sa 19,6

 

Diha sa Salmo ang kasingkasing sa Dios alang sa kalibutan molagbas matag karon ug unya, sama diha sa Salmo 67; Salmo 2; Salmo 72.17.

 

Ang mga propeta ug mga ubos nga propeta sama ni Jonas puno sa balaanong kasingkasing nga madasigong nag-aninaw  sa kalibutan. eg. Isaias 6, 1-8; Isaias 54,1-5, Hab. 2.14,.

Ang plano sa dios alang sa kalibutan nadayag pinaagi kang Isaias kinsa nagsulti nga adunay upat ka butang nga gusto buhaton sa Dios ug duha ka butang nga gusto niya atong buhaton. Tan-awa sa Isaias 66, 18-21.

1. Ang Dios Nag-ingon, "Ako Hapit Na Moabot"

Dinhi sa 66,18 usa ka pagpanagna nagpadayag sa Ikaduhang Pag-abot ni Kristo. Niining panahona Iyang tigumon ang tanang nasud tungod sa ilang mga buhat ug mga imahinasyon. Wala kini Niya buhata sa una niyang pagabot. Ato kining pagahisgutan ug maayo nga atong tanawon ang mga ilhanan dinhi sa kalibutan, ug diha sa Gingharian, nga nagatudlo sa haduol nga pagbalik ni Hesus.

Kini nagpasabot nga may katapusang adlaw. Kini maayong balita alang sa magtutuo apan nagpasabot usab nga adunay tagal sa matag usa aron pagkabig sa kaugalingong pamilya, higala ug nasud alang kang Kristo.

2. Ako Magabutang Ug Ilhanan Taliwala Kanila

Ang ilhanan diha sa 66,19 mao ang Krus, nga nasayran na sa tanan. Alang sa mga dili magtutuo ang Krus mao ang tataw nga pahayag sa dakung gugma sa Dios sa kalibutan, Juan 3.16. Apan alang sa mga magtutuo ang Krus adunay halawum nga kahulugan sa hingpit. Ang kalbaryo nagsugod didto sa Hetsemani ug alang kang Hesus sa iayng pagkatawhanon ang Krus nagpasabut ug pagpanglimbasog ngadto sa -

Pagadto sa dili niya gusto adtuon,

Pagbuhat sa dili niya gusto buhaton,

Paghatag sa dili niya gusto ihatag.

Mateo 26,39, Lukas 9.23

Apan wala nay laing paagi, ug sa kalipay nga gitanyag kaniya, kalipay sa pagtanaw kanimo nga luwas diha sa langit, si Hesus miantos sa Krus, ug mao usab kita, alang sa uban. Hebrohanon 12.2

3. Magapadala Akog Pipila Niadtong Mga Molahutay Ngadto Sa Kanasuran

Layo sa Espanya, Libya, Asya, Gresya, ug mga isla sa kadagatan nga nahisgutan sa 66.19. Karon ang mga tawo sa nagalambong kalibutan nga simbahan maoy duol sa mga wala pa nawalihan nga katawhan sa kalibutan ug sigurado nga si Hesus motawag ug mopadalag pipila aron paglakaw sa halayo isip mga misyonero.

Unsa may imong lahutayon?

Imong lahutayon ang Krus ug ang pag-antos nga gikinahanglan aron mamatay diha sa kaugalingon ug mubuhat sa kabubuton sa Dios sa tanang bili. Lukas 9.23

 

Unsaon mo paglahutay?

Sa katingalahan, molahutay ka lamang ug maluwas ang imong kinabuhi, pinaagi sa kinabubuton nga pagsalikway sa imong kaugalingon alang kang Hesus ug sa kabubuton sa Dios. Lukas 9.24

Karon atong sutaon ang mahitungod sa duha ka mga butang nga atong buhaton arong pagtubag sa tawag sa Dios ug sa iyang pagpadala. Dili kaayo ni sila lisod.

4. Sila Magaproklama Sa Akong Himaya

Unsa ang himaya sa Dios? Kini mao ang Buhing Dios mismo. Atong iproklama ang iyang presensya, iyang gugma, iyang kusog, iyang gahum, iyang kaluoy, grasya ug kapuangod. Atong iproklama ang iyang Anak, iyang kinabuhi, iyang kamatayon, iyang pagkabanhaw, ug nga siya buhi aron pagluwas, aron pagpasaylo, pag-ayo, pagpahigawas ug pagpuno sa mga katawhan sa iyang Espirito karon. Unya ang himaya sa Dios mahimong makita diha sa mga kinabuhing nanga-usab. Isaias 66.19; Mga Buhat 1.8.

5. Sila Magadala sa Tanan Nimong Kaigsuonan

Ang ebanghelyo mamuhat kanunay sa unsay mga saad sa ebanghelyo ug ang mga katawhan motubag ug musunod kang Hesus. 66,20; Juan 12.32. Kita magadala kanila sa iyang balaan nga bukid- diin nagpasabut sa pagdisipolo diha sa tiilan ni Hesus, eg. Mateo 5.1.

Asa magagikan ang mga bagong magtutuo?
Sila magaabot ibabaw sa mga kabayo diin naghisgut sa mga wala pa nawalihan sa Sentrong Asya, diin orihinal nga nagagikan ang mga kabayo.
Ug sulod sa mga karuwahe, diin naghisgut sa mga mibalik sa naandan, materyalistikong taga Kasadpan diha sa ilahang mga mahalon nga sakyanan.
Ug ibabaw sa mga mula – diin naghisgut sa mga kabus nga katawhan sa nauuswag nga kalibutan.
Ug ibabaw sa mga camello, diin naghisgut sa mga Arabong Muslim nga magadawat kang Hesus.

6. Ako Magapili Sa Pipila Nga Mahimong Mga Pari

Ang katapusang lakang sa pinadayag ni Isaias anaa sa bersikulo 21. Mao kini ang insaktong propesiya sa ginahimo sa Dios karon, tibuook kalibutan. Siya nagatawag ug mga lalaki ug babaye gikan sa tanang kultura ug mga kagikan nga mipili sa pagsunod sa Ginoo, pagbiya sa tanan ug pagsunod kang Hesus. Tingali makakita kita ug usa ka bagis nga bagong nakabig nga nagapanglimbasog aron mahimong gawasnon sa sala apan nakita ni Hesus nga siya makahimo ngadto sa pagkahimong tawo sa Dios, ug mopili kaniya aron pag-alagad. Marcos 1.17.

Sa dihang ang dili iladong probinsyanong ebanghelista nga si Mordecai Ham nagwali sa ebanghelyo sa usa ka lungsod sa nanglabayng katuigan wala niya damha nga taas nga batanong lalaki nga mihatag sa iyang kinabuhi kang Kristo nianang gabhiuna sa kadugayan magawali sa minilyon ka mga katawhan sa tibuok kalibutan sa taas taas nga pahon. Kinsa kining batan-on nga lalaki? Siya si Billy Graham ug nianang gabhiuna gipili siya sa Dios alang sa iyang balaang katuyuan.

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.