9. Pag-ayo Sa Masakiton

Duol kang Hesus sa panahon nga gikinahagnlan mo kaayo siya.

Tan-awa ang mga Pagtulon-an

 Basaha Kini sa Imong Bibliya
 Salmo 103 ug Mateo 8, 1-17

Ani-a ang Imo’ng Sag-ulohon nga Bersikulo
Siya sa iyang kaugalingon mao ang nagdala sa atong mga sala sa iyang lawas ibabaw sa kahoy,
aron kita, nga sa nangamatay ngadto sa sala, mabuhi kita ngadto sa pagkamatarong,
tungod sa mga samad niya nanga-ayo kamo. 1 Pedro 2.24

Pagkahuman Hisguti ang Mahitungod Niini
Tan-awa ang listahan kung si kinsa ang makapamuhat sa pagpangayo. Asa nimo makita
ang imong kaugalingon sa listahan? Unsa may nakapahunong kanimo karon?

Usa ka Butang Angay Buhaton sa Dili pa ang Musunod
Pangayoa sa Dios  nga giyahan ka sa pagduol ngadto sa masakiton nga mga tawo ug siguroha nga ikaw
motubag ug motuman sa dihang siya magagiya kanimo aron pagtagbo, pagtan-aw o pagpaminaw mahitungod sa usa ka tawo, bisan siya langyaw. Adtoa sila, bisan ug dili sila motuo,
ministeryo ka mahitungod sa kaayuhan sa Ngalan ni Hesus.

Sinulat nga Buluhato’ng Pangdiploma
Gikan sa ebanghelyo isulat ang mga panahon nga si Hesus nagaministeryo ug kaayuhan
ug tan-awa ang nagkalain-lain nga mga tawo, panghitabo ug mga pamaagi nga Iyang gigamit.

Pamalandungi ang Matag Pulong Niini’ng Bersikuloha
Mga Buhat 14, 8-10

Pag-gahin ug Pipila ka Minuto aron sa Kausaban sa Kalibutan

Pray For Russia - Operation World page 466

 154,000,000 peoples, 11 time zones from Europe to Japan

After spectacular fall of communism, considerable hardship and crime

Massive revivals are reported

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

1. Ako Ang Ginoo Nga Naga-ayo Kanimo.

Mateo 9.35 naghisgut kanato nga si Hesus milakaw aron sa pagwali, pagtudlo ug pagpangayo sa masakiton. Juan 14.12 nagsulti nga si Hesus nag-ekspektar nga si bisan kinsa nga may pagtuo diha kaniya makabuhat sama sa iyang gibuhat ug labaw pa gani! Si Pablo nagsulat diha sa Roma 15.19 nga giwali niya ang tibuok ebanghelyo pinaagi sa “pagsulti, pagbuhat ug pinaagi sa mga ilhanan ug mga katingalahan.”

Si Hesus misugo sa iyang mga tinun-an sa “pag-ayo sa masakiton,” dili lang pag-ampo alang nila. Daghang magtutuo sa tibuok kalibutan nagsulti giunsa pagpangayo sa Ginoo karon sa espirituhanon, pisikal, emosyonal, bisan diha sa kaminyuon ug sa salapianong bahin tungod kay ang iyang katuyuan alang kanato mao ang kahingpitan sa atong lawas, kalag ug espiritu.

2. Ang Kaayuhan Tanan Nag-agi Sa Biblia.

Kung ikaw motusok ug usa ka pukpuk sa halos tanang pahina sa Biblia ang pulong mo-agas uban sa gugma ug kaayuhan sa Dios.

Ang balatian usa sa resulta sa pagkalaglag, apan sa sinugdan ang Dios nagsaad na sa iyang kaluwasan ug grasya. Genesis 3.15; 21.

Diha sa Exodo 3.7atong makita nga ang Dios nakakita sa tanang luha ug pagantos. Siya hilabihan ka interesado sa paghimo’g usa ka butang pinaagi sa pagpamuhat pinaagi usab sa usa  ka masinugtanon ug matinguhaon nga tawo.

Pinaagi sa Exodo 15.22-26 ang Ginoo nagpadayag sa iyang kaugalingon sa unang higayon ingon nga Dios nga naga-ayo. Iyang gipakita kang Moises ang usa ka buok kahoy isip larawan sa maong Krus. Kinahanglan natong i-itsa ang maong kahoy didto sa atong kaugalingong pait nga tubig aron makita nato nga kini mahimong tam-is.

Diha sa Numeros 21.4-9 ang katawhan sa dios gipamaak ug mga bitin tungod sa ilang kasalanan. Bisan pa niana ang Ginoo nag-ingon kanila sa dili pagtan-aw sa samad ug hinuon muhangad aron sila mabuhi. Kini maoy gilarawan sa Hebrohanon 12.2 diin nagsulti kanato sa dili pagtan-aw sa balatian ug hinuon tan-aw lamang kang Hesus. Dili sama sa tinggalong dili kita makakita ug duha ka dapit sa makausang higayon mao nga mopili gayud kita kung unsang dapita ang atong tutukan pag-ayo, ang balatian o ang saad sa Dios.

Si Job kinahanglan molahutay sa usa ka mangilngig nga dili masabot nga pagantos hangtud sa katapusan siya naayo ug gipanalanginan sa doble. Job 42

Si David nag-ingon nga dili kita kalimtan nga usa sa mga daghang benepisyo gikan sa Ginoo mao nga siya magayo sa tanan natong mga balatian. Salmo 103, 1-5

Si Malaquias nag-ingon nga may kaayuhan diha sa mga pako sa Ginoo. Malaquias 4.2

Si Jesus Mianhi Aron Pagbuhat Sa Kabubut-on Sa Iyang Amahan
Hebrohanon 10.9. Adunay 26 ka nagkalainlaing panig-ingnan nga si Hesus naga-ayo sa mga tawong nagkinahanglan ug nagpakita kanato sa kabubut-on sa Amahan. Tan-awa ang ika-8 nga pagtulon-an Mga Ilhanan ug Mga Katingalahan sa listahan.

Tulo ka hilabihan nga kasaligan nga mga saksi’ng nagpamatuod nga si Hesus naga-ayo sa mga masakiton.

1.      Si Isaias nga propeta nagpunting kang Hesus gatusan ka tuig sa wala pa siya moabot. Kinahanglan mabasa mo ang Isaias 53, 4-6

2.      Ang saksi nga si Mateo nagsulti nga ang propesiya ni Isaias alang dinhi ug karon diha kang Hesus. Kinahanglan mabasa mo ang Mateo 8.17

3.      Ang saksi nga si Pedro nahinumdum ngadto kang Hesus ug nag-ingon nga ang propesiya natuman. Tan-awa 1 Pedro 2.24

3. Asa Ang Akong Kaayuhan?

"Ang atong ebanghelyo yano, labaw sa kinaiyahan, sentro diha kang Kristo ug nahaluna na sa kahangturan."

Nakita mo ba nga ang pulong sa Dios nagsulti kanato nga ang atong kaayuhan natapos na ni Hesus didto sa Krus, 2000 anyos ang milabay. Diha kita molingi aron pagpangita sa atong kaayuhan, dili diha sa umaabot. Nakita ta si Hesus, mituo ug midawat, mipasalamat uban sa pagtuo, ug mipahulay, gitugutan ang Ginoo sa paghimo sa mga butang.

4. Gasa Alang Sa usa O Gasa Alang Sa Tanan?

1 Corinto 12.9 nagtudlo kanato nga ang Espiritu naghatag “gasa” sa kaayuhan alang sa katawhan. Mga gasa sa mga kaayuhan dinaghan nga pulong. Dili kini gasa sa kaayuhan nga gamiton sa usa lang ka tawo, bisan tuod dunay uban nga mga lalaki ug babaye nga may dugang pagtuo ug dihug sa pagministeryo diha sa pagpangayo kaysa sa uban.

Makapangayo Kita Sa Tanang Masakiton
Tingale makaingon ka nga gamay ra ang imong pagtuo apan kahibalo ba ikaw nga kitang tanan makahimo sa pagministeryo diha sa pagpangayo uban sa grasya sa Dios nga naa kanato sulod sa atong tawag ug katungdanan, dili kinahanglan nga magsalig kita sa atong personal nga lebel sa pagtuo.

5. Kinsa Man Ang Makaministeryo Sa Pagpang-ayo?

• Mga banggiitang apostoles, tan-awa 2 Cor. 12.12
• Mga manggihunahunaong pastor, tan-awa Ezequiel 34.4
• Mga mainitong ebanghelista, tan-awa Mga Buhat 8.7
• Mga maligdong magtutudlo, tan-awa Marcos 16.20
• Mga propeta sa Dios, tan-awa 1 Mga Hari 17.21
• Mga katigulangan sa Simbahan, tan-awa Jacobo/Santiago 5.14
• Mga diyakono sa Simbahan, tan-awa Mga Buhat 6.5
• Mga ordinaryong magtutuo, tan-awa Marcos 16.17

6. Unsaon Pagministeryo Diha Sa Pagpang-ayo

Uban sa Diosnong paggiya, kaalisto ug tabang makahimo ikaw sa pagministeryo sa masakiton bisag-asa, sa bisag unsang orasa, dili lang sa mga serbiryo sa panimbahon o ebanghelyohanong mga panagtigom.

1. Determinado nga nasilag sa balatian.
2. Determinar sa paghatag’ igo’ng paghigugma sa katawhan aron sa kanunay makatanyag ka sa pagministeryo kanila sa kaayuhan.
3. Kung posible tudloi ang mga tawo sa pagbaton ug pagtuo sa ilang kaugalingon ug pag-ampo alang sa ilang kaugalingon, kung dili man pahulama sila sa imong pagtuo.
4. Makanunayong pagpanugyan ngadto sa Balaang Espirito, Mga Buhat 3.6
5. Pangayoa sa Ginoo nga tudloan ka unsaon pag-ampo, eg. Kini ba balatian o kini ba demonyo nga midaot sa tawo?
6. Kanunay bugkosi ang tanag masamuko’ng yawano’ng gahum sa balatian diha sa ngalan ni Hesus.
7. Ayaw kahadlok sa pag-ampo batok sa pinakagamot sa balatian ug sugoa kini sa paglayas sa ngalan ni Hesus, tungod siya magatigbas niini gikan sa gamot.
8. Buhii ang gahum sa Dios pinaagi sa pag-ampo, ug pagtapion sa mga kamot, bisan pagdihog uban sa lana. Marcos 6.13
9. Padayon ug lahutay lahos ngadto sa kadaugan. Kay bisan si Hesus kinahanglan mo-ampo alang sa usa ka tawo sa makadaghan.

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.