8. Mga Ilhanan Ug Mga Katingalahan

Natandog sa Dios

Tan-awa ang mga Pagtulon-an

 Basaha Kini sa Imong Bibliya
Exodo 33, 12-23; Mga Buhat 8

Ani-a ang Imo’ng Sag-ulohon nga Bersikulo
Ang mga tawo nanaghiusa sa pagpatalinghud sa mga butang nga giingon ni Felipe, sa hinungdan ug hingkit-an nila ang mga ilhanan nga iyang gibuhat. Kay gikan sa daghang may mga espiritu
nga mahugaw, nanggula kini kanila nga nagatuaw sa makusog nga tingog, ug daghang
mga bakol, ug mga piang nanga-ayo. Ug may dakung kalipay niadtong lungsora. Mga Buhat 8, 5-8

Pagkahuman Hisguti ang Mahitungod Niini
Sa pagka tinuod, unsay ipasabot niini, karon, nga si Hesus sama sa gihapon
kahapon, karon ug sa kahangturan?

Usa ka Butang Angay Buhaton sa Dili pa ang Musunod
Karon kinahanglan ikaw molakaw ug mobuhat s aimong nakat-unan.
 Sultihi ang Dios sa pag-giya kanimo diha sa mga sitwasyon diin iyang madayag ang iyang himaya ug Presensya.

Sinulat nga Buluhato’ng Pangdiploma
Pagsulat ug lista sa mga panghitabo nga labaw sa kinaiyahan sa matag kapitulo sa Mga Buhat,
usa ka linya sa matag hitabo.

Pamalandungi ang Matag Pulong Niini’ng Bersikuloha
Juan 14.12

Pag-gahin ug Pipila ka Minuto aron sa Kausaban sa Kalibutan
Pag-ampo alang sa  Morocco - Operation World page 392

30,000,000 mga Arabo ug mga Berbero, 99.8% Muslim, 400 mga Ebanghelyohanon

Lig-on nga Kristohanon sa 500 AD, karon ma-initon ang pagpangdagmal.

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Namatikdan mo ba kung unsa kadali ang pagtubo sa unang simbahan diha sa gidaghanon ug diha sa kalidad?

• Kalidad sa pag-ampo ug mga desisyon, Mga Buhat 1.
• Gidaghanon 3,000 nga magtutuo, Mga Buhat 2.
• Kalidad sa matang sa kinabuhi, Mga Buhat 2.42-47
• Gidaghanon 5,000 ka mga kalalakin-an, ug lagmit 15,000 nga sumatotal sa magtutuo, pinaagi sa Mga Buhat 4.4
• Kalidad sa Komunidad, Mga Buhat 4.23-5.11
• Gidaghanon sa nadugang pinaagi sa Mga Buhat 5.14
• Kalidad sa pagpangulo, Mga Buhat 6, 1-6
• Mga gidaghanon sa pagtubo pinaagi sa Mga Buhat 6.1, 7

Ngano kinahanglan anha man sa dinaogdaog ug mga tawo’ng walay nakat-unan? Usa sa rason mao ang sagad nga mga ilhanan ug mga katingalahan gikan sa Dios. Apan kini alang ba usab karon?

1. Immanuel – Dios Uban Kanato.

Human sa panahon sa daghang mga ilhanan ug katingalahan sa Daang Testamento miabot ang pagkatawo sa atong Manunubos kinsa mibutang sa patukuranan alang sa mga Kristohanong kalihukan nga diin hapit na ipalunsad. Ang pag-abot ni Hesus gi-ubanan sa mga ilhanan, mga katingalahan, mga anghel, mga pagpadayag, mga damgo, pagpanagna ug pagmilagro, Lukas ug Mateo kap. 1 & 2.

Ang Katawhan Sa Dios
Unsa may kalainan sa katawhan sa Dios tali sa uban dinhi sa kalibutan? Si Moises diha sa Exodo 33,15 nag-ingon nga ang presensya sa Dios nga nia uban kanato maoy nagahimo kanato nga labaw kaysa kinaiyahan nga mga tawo. Labaw pa sa atong mga natural nga kinaadman nagkinabuhi usab kita pinaagi sa pinadayag nga kaalam, sa matag pulong nga mogula sa baba sa Dios, labaw sa kinaiyahan nga pagtagbo ug Langitnong pagpataliwala sa kinabuhi, Mateo 4.4,

Si Hesus Atong Panig-ingnan.
Wala lamang gibuhat ni Hesus ang kabubut-on sa Dios ug pagpakita kanato kung gi-unsa paghigugma ug pag-atiman sa Amahanan ang mga katawhan, siya usab misugo ug mihatag sa gahum kanato sa paglakaw ug pagbuhat ug sama’ng mga butang ug bisan labaw pa. Juan 4.34, Hebrohanon 1.3, Juan 14.12, Marcos16-20, Mga Buhat 1.8.

2. Unsay Gibuhat Ni Hesus?

Milagro Sa Kaayuhan
Anak nga lalaki sa halangdo’ng tawo, Juan 4.46; Ugangan nga babaye ni Pedro naayo, Mateo 8.14; paghinlo sa sanglahon, Mateo 8.3; ang paralitiko, Mateo 9.2;

Dugang Milagro Sa Kaayuhan
Ang walay umoy nga tawo namaayo, Juan 5.5; ang kuyos nga kamot, Mateo 12.10; ang suluguon sa Sinturyon, Mateo 8.5; gitalinugo, Mateo 9.20; tawo’ng buta, Mateo 9.27; si Malchus naayo, Lukas 22.51; anak nga babaye sa usa ka Syrophenician, Mateo 15.22; Bungol ug amang nanga-ayo, Marcos 7.33; tawo’ng buta, Mateo 20.30, Marcos 10.46; 8.23; Juan 9.1; napulo ka sanglahon, Lukas 17.12; usa ka babaye nga may espirito sa balatian, Lukas 13.11; usa ka tawo nga naghupong, Lukas 14.2.

Milagro Sa Pagbanhaw Ug Patay
Ang anak nga lalaki sa balo, Lukas 7.11; anak nga babaye ni Jairus, Mateo 9.18; si Lazaru, Juan 11.1-44; iyang kaugalingong pagkabanhaw, Lukas 24.6 Juan 10.18.

Milagro Sa Kagawasan
Ang mga nayawaan, Mat. 12.22; 8.28; 9.32; Marcos 1.26; ang nabuang nga bata, Mat. 17.14;

Milagro Ibabaw Sa Kinaiyahan
Ang unos nga nalinaw, Mateo 8.26; paglakaw ibabaw sa dagat, Mateo 14.25; pagtunglo sa kahoy’ng iguera, Mateo 21.19; pagpakita niya sa iyang mga tinun-an pagkahuman sa iyang kamatayon.

Milagro Sa Pagtagbo
Tubig nga nahimong bino, Juan 2.9; mga kuha nga isda, Lukas 5.6; Juan 21.6; pagpakaon sa 5,000 ug 4,000, Mateo 14.15; 15.32; buhis nga salapi, Mat. 17.24.

Si Hesus sama sa gihapon, kagahapon, karon ug sa kahangturan. Hebrohanon 13.8

3. Mga Buhat Sa Dios.

Ang libro sa Mga Buhat sa mga Apostoles maoy sinulat sa Dios alang sa kasimbahanan aron pagpakita kanato sa normal nga kinabuhi sa Kristohanon. Ang Mga Buhat adunay 28 ka mga kapitulo ug sa matag usa niini may makita ka nga labaw sa kinaiyahan nga mga ilhanan, mga katingalahan ug mga panghitabo nga nagapamuhat.

Adunay makanunayo’ng pagpakita ni Hesus, mga pagpadayag sa Balaang Espiritu ug pagbisita sa mga anghel. Adunay mga madungog nga mga pulong gikan sa Dios, mga pagpanagna, mga bag-ong pinulongan, mga damgo, mga panan-awon, pagkawala sa kaugalingong o panimuot ug mga katawhan nga mipili sa pagtuo. Adunay mga pagpang-ayo, mga kagawasan, mga pagpuno sa Balaang Espiritu, makapahadlok nga Langitnong mga paghukom ug daghang mga ilhanan ug mga katingalahan. Mao kini ang normal nga kinabuhi sa Kristohanon, dili kadtong mga talagsaon, ang tanghagaon o mga kahibulongan nga kadaghanang gihunahuna sa uban karon.

Mga Sulat Nga May Mga Asoy
Si Pablo hilabihan ang pag-agad diha sa mga ilhanan ug mga katingalahan, tan-awa sa Roma 15.17-20, Galatia 3.5 ug 2 Tim 4.17. Hebrohanon 2.4 testimonyo sa laing manunulat, ug silang duha si Pedro ug Santiago nakombinser sa Diosno’ng gahum sa pagpang-ayo, 1 Pedro 2.24, Santiago/Jacobo 5.14-15. Dul’an sa 400 ka tuig, ang amahan sa simbahan nga si Augustine nagsulat sa mga milagro nga nangahitabo diha sa North Africa nga wala mahunong bisan pa ug wala na ang mga orihinal nga mga apostoles.

4. Para Unsa Man Ang Mga Milagro?

Ang mga milagro dili sama sa buhat sa sirko nga mang-aghat ug katingalahn, ug dili usab kini aron pag-tuboy sa tawo sa Dios. Dili usab kini ‘salamangka’ o laing klase sa salabutang pasumbingay.

Hinuon kini sila mga ilhanan ug ebidensya sa pagkaduol sa Dios, ug mga maayong talan-awon sa iyang kalooy niadtong mga nag-antos o gipang-kuptan sa mga demonyo. Ang mga milagro nagtumong ngadto sa Krus ug sa gahum ni Hesus, Mga Buhat, Acts 5.12-14.

5. Unsaon Pagpangandam Ngadto Sa Mga Milagro.

Una, ayaw kalimti ang pagpangamuyo kang Hesus nga iyang buhaton karon ang iyang gibuhat kagahapon, kompirmaha ang iyang pulong uban sa nagsunod nga mga ilhanan nga diha-diha dayon o sa kapanahonan, Santiago/Jacobo 4.2. Hebrohanon 13.8.

Hinumdumi Ang Tulo Ka  ‘P’ Nga Nagdala’g Gahum
Pagdayeg, pagwali ug pag-ampo. Sama sa mga disipolo lakaw bisag asa, pangayo-a sa Dios nga mamuhat uban nimo, Marcos 16, 20.

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk