7. Pagsangkap

Pulong sa Dios, Espiritu sa Dios ug katawhan sa Dios
anaa ang tanan aron pagtabang kanimo

Tan-awa ang mga Pagtulon-an

 Basaha Kini sa Imong Bibliya
2 Timoteo 3, 14-17, Lukas 4.18, Hebrohanon 12, 1-3.

Ani-a ang Imo’ng Sag-ulohon nga Bersikulo
Gisulti ta kini uban sa kasiguroan, nga ang Dios mao ang akong katabang,
Dili ako mahadlok, unsa ang pagabuhaton sa tawo kanako? Hebrohanon 13.6

Pagkahuman Hisguti ang Mahitungod Niini
Karon nga nahibalo ikaw gi-unsa pagplano sa Dios pagsuportar kanimo,
unsa may mahimong kalahian niana kung ikaw maghisgut mahitungod kang Hesus?

Usa ka Butang Angay Buhaton sa Dili pa ang Musunod
Pag-andam aron pagpakigsulti ngadto sa usa ka tawo, usa ka gamay’ng grupo,
o usa ka simbahan mahitungod kang Hesus ug plano sa pagtanum ug mga binhi nga pulong sa Dios,
pangita’g oportunidad sa pagtugot sa Espiritu sa Dios sa pagpamuhat, ug sultihi sila
mahitungod sa mga tawo’ng takus diha sa Diosno’ng pamilya kani-adto man o karon.

Sinulat nga Buluhato’ng Pangdiploma
Isulat ang latid sa imong mensahe sulod sa dili musobra sa duha ka bahin
sa papel ug ihatag aron mamarkahan.

Pamalandungi ang Matag Pulong Niini’ng Bersikuloha
1 Corinto 9, 15-18

Pag-gahin ug Pipila ka Minuto aron sa Kausaban sa Kalibutan
Pag-ampo alang sa India - Operation World page 273
900,000,000 mga Hindu/Muslim ang mga tawo
Paspas nga pagtubo sa dyutay’ng mga Kristohanon, dagha’ng kabus nga wala pa nawalihan, katawhan

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

Magahisgut kita ug tulo ka pamaagi diin ang Dios magasuporta kanimo sa dihang maghisgut ikaw mahitungod kang Hesus sa pribado man o publiko. Magapaluyo siya kanimo pinaagi sa gahum sa iyang Pulong, pinaagi sa gahum sa iyang Espiritu ug sa gamhanang testimonya sa iyang mga katawhan.

1. Ang Gahum Sa Pulong

Ang talagsaon nga kinaiyahan sa Pulong sa Dios tungod kay kini lahi sa tawhanong pulong kini ~

Buhi, Buhi sa Tinuod, Heb. 4.12, 1 Pedro 1.23, Mga Buhat 7.38

 

Magasangkap kanimo sa hingpit, 2 Tim. 3.16

Magalampos sa tahas, Isaias 55.11

Kini sama sa martilyo nga magasiak, magabuak ug magalumpag sa mga bato , Jer. 23.29

Nagapamuhat sa katawhan, 1 Thess. 2.13

Mao kini ang espada nga gigamit sa Dios Espiritu , Mga Taga-Efeso. 6.17

 

Kini Sama Sa Usa Ka Binhi Nga Imong Gipugas.

Tan-awa sa Marcos 4.13-20

 

Si Satanas nagasakmit sa ubang mga binhi.

Ang uban wala mitugot niini sa paggamot.

Ang uban mitugot sa mga kagul-anan sa kinabuhi paglubong niini.

Apan daghang mga tawo nga nakadungog niini nga sama sa maayong yuta, ug ang pulong nagahatud kanila didto sa 30, 60 o 100 ka pilo sa ani. Kahibalo ikaw nga kasagaran sa umahan maayo ug yuta, mga bato ug mga sagbot ang naa sa isigkadaplin, mao nga paabota nga daghang tawo ang magtubo diha sa kamatuoran. Si Hesus nag-ingon nga ang mga binhi mutubo lang sa ilang kaugalingon, sa hinayhinay, dili makit-an, sa anam-anam, hangtud sa oras sa ting-ani. Mao nga ang maayong mag-uuma nagatanum ug nagahulat uban sa pagpasensya ug pagdahum. Marcos 4.26-29

2. Ang Gahum Sa Dios Espiritu

Siya magapaluyo sa imong testimonyo uban sa mga gamhanang ilhanan gikan sa Dios sa dihang ikaw mag-ampo alang sa mga tawong nagkinahanglan. Ang mga ilhanan magatudlo ug direksyon, ug niining bahina kini nagatudlo sa dalan paingon sa Gingharian sa Dios ug didto sa iyang gugma ug pagbantay.

Unsang Mga Ilhanan Nga Atong Paabuton Nga Makit-an?
Kinutlo sa Isaias 61, 1-2, si Hesus nag-ingon diha sa Lukas 4.18 nga sa dihang mawali ang ebanghelyo ngadto sa mga kabus ~

Ang kasingkasing nga buak matambalan.

Mga piniriso makakaplag ug kagawasan.

Ang buta makakita.

Ang gipangbug-atan makalingkawas.

Ang pabor makaplagan diha sa Dios.

 

Usa ka adlaw si juan nga Bautista, nga atoa sa prisohan ug nawad-a’g kadasig, wala gani nakakita sa Diosnong gahum bisan pa sa iyang pagwali sa kamatuoran, nangutana kang Hesus kung siya ba gayud ang Mesiyas. Si Hesus misulti niining mga ilhanan ug gitudlo ngadto kaniya ~

 

Ang masakiton nanga-ayo.

Mga dautang espiritu nangahinginlan.

Ang bakul nakalakaw.

Mga sanglahon ug mga sinalikway nangahinluan.

Mga tawo’ng bungol nakadungog sa unang higayon.

Mga tawo’ng nangamatay napasig-uli.

(Tan-awa sa Juan 10.41, Lukas 7, 20-23)

Ang mga Kristohanon nakakita na niining mga timailhan karon sa tibuok kalibutan. Si Hesus mohimo ug sama nga butang diha kanimo kun ikaw mag-ampo alang sa katawhan diha sa iyang ngalan. Dayon atong madugang ang mga ilhanan nga gisaad ni Hesus diha sa Marcos 16, 17-20.

Mga dila. (Usa sa gasa sa Espiritu)

Proteksyon batok sa mga katalagman.

Mga ilhanan nga nagkumpirma sa pulong.

 

Unsa Man Dayon Ang Atong Buhaton?

Sunod sa panig-ingnan ni Hesus diha sa Mga Buhat 10.38

 

Tuo sa gisaad ni Hesus alang sa atong mga kaugalingon. (Mga Buhat 1.8, Juan 14.12)

Sunod sa panig-ingnan sa nag-unang simbahan, nga nagawali sa Pulong ug nagalihok diha sa gahum sa Dios Espiritu sa tanang mga higayon. Tan-awa ang mga kasaysayan sa Mga Buhat.

3. Ang Testimonyo Sa Katawhan Sa Dios

Bisan pa sa pagpakaaron-ingnon diin maoy gi-akusar sa mga magtutuo diha sa simbahan, (kini usahay tinuod, mao nga mangayo usab kamo ug pasaylo niana), imong mapa-ila ang dili malalis nga ebidensya sa kinabuhing nausab, hilabina ang imoha.

Imo usab maila ang tinud-anay nga gugma taliwala sa mga katawhan sa Dios, ug imo usab maila ngadto sa mga kinabuhi sa bantugang lalaki ug babaye sa Dios sa kaniadto ug karon. Imong makita nga ang publiko mirespeto sa mga bantugang tawo sa Dios o bantugang kriminal apan ang mga init-bugnaw ilang gisalikway uban sa pagkawalay pagtagad o pagbugalbugal.

Hisgutan Ta Ang Mga Bantugang Kristohanon Tigreporma,

Mahimo namong itudlo ang mga kinabuhi sa mga bantugang Kristohanong kalalakin-an sama ni   William Wilberforce, kinsa mipahunong sa pagpangulipon,

Shaftesbury, kinsa nangusog alang sa mga kabus, Dr. Barnardo, kinsa mitabang sa mga ilo,

Booth, kinsa misugod sa Sundalo Sa Kaluwasan,

Bishop Tutu, kinsa misukol sa diskriminasyon sa kaliwatan tali sa mga puti ug itom.

 

Hisgutan Ta Ang Mga Bantugang Tigpaugmad,

Sama sa misyonerong manunuhid nga si Livingstone, Studd, kinsa nanimuyo ug nagpakamatay alang sa  Aprika,

Taylor, kinsa nanimuyo ug nagpakamatay alang sa Tsina,

Carey, kinsa nanimuyo ug nagpakamatay alang sa India,

Judson, kinsa nanimuyo ug nagpakamatay alang sa Burma,

Billy Graham, kinsa nagwali ngadto sa minilyon nga mga katawhan.

 

Hisgutan Ta Ang ‘Mga Maayong Samariahanon.’

Kung mahitungod sa pagtabang sa gipang-gutom, sa gi-uhaw, sa mga walay atiman, masakiton, walay panimalay, ug mga piniriso, ang katawhan sa Dios anaa kanunay. Ang mga Kristohanon sa tibuok kalibutan naningkamot pagpamuhat aron ipakita ang gugma sa Dios, usahay gamay o walay bayad.

 

ACET mi-atiman sa mga biktima sa AIDS,

Remar, Teen Challenge ug Jackie Pullinger nakigbisog batok sa mga ginadili’ng drugas,

Mother Teresa sa Calcutta nagatabang sa masakiton ug himalatyon,

Ang Kasimbahanan sa South Africa, Romania, Poland, ug Latin America makusganong nakigbisog batok sa pagkawalay hustisya.

Mga Kristohanon sa kasadpan nakigbisog aron mahunong sa pagpanglaglag ug uban pang mga lungsuranong kadautan.

Bisan sa mga kapakyasan ug mga pagkahulog ang mga Kristohanon nakahimo sa paghangad sa ilang ulo ubos sa bisag unsang mga pagsulay, bisag asa, ug bisag kanus-a. Pagkatapos sa duha ka libo ka mga katu-igan sa mga dautang pag-atake ug mga pagdagmal, ang mga katawhan sa Dios buhi ug nagtubo diha sa bag-ong lakaw sa tibuok kalibutan. Uban sa pagsuporta sa buhing pulong sa Dios, sa gahum sa Dios Espiritu ug sa gugma ug tinguha sa mga katawhan sa Dios kita moabot didto sa pagpadayon ug tubo hangtud si Hesus mobalik.

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana. 

 

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk