6. Sa Bisag Unsang Paagi

Ang pagkabig sa atong pamilya ug mga higala
nagkinahanglag epektibong pag-ebanghelyo

Tan-awa ang mga Pagtulon-an

 Basaha Kini sa Imong Bibliya
Proberbyo 24

Ani-a ang Imo’ng Sag-ulohon nga Bersikulo
Dili ko igakaulaw ang maayong balita kay kini ang gahum sa Dios alang sa kaluwasan sa tagsatagsa
nga mutuo, una sa mga Judiyo ug ingon man sa mga hentil. Mga Taga-Roma 1.16

Pagkahuman Hisguti ang Mahitungod Niini
Ang pasiunang han-ay tinuod ba? Kung tinuod mituo ba kita sa
unsay gisulti sa manunulat ug ato ba kining buhaton?

Usa ka Butang Angay Buhaton sa Dili pa ang Musunod
Pagsulat ug han-ay sa tanan nimong pamilya- ginikanan, apohan, mga anak, mga iyaan/uyoan, mga ig-agaw,
matag usa nga buhi pa. Pamisita ug bisag lima lang, sultihi kung unsa ang imong gibuhat.
Paminaw ug Tan-awa. May usa bang naguyod ang Amahan?

Sinulat nga Buluhato’ng Pangdiploma
Tan-awa ang lista sa ika2 nga han-ay. Unsa nga matang sa tawo nga musultig sama niini,
"Kristiyanismo? Wala pa ako kadungog niana." Basi’g ilayano’ng tagabaryo sa ilaya’ng Tsina
usa ka tawo nga wala pa matandog sa ebanghelyo o mga misyonero.
Pagsulat og paragrapo nga naglarawan kaniya ug kung nganong makasulti siya niana.
Dayon pag-gamit sa imong imahinasyon pagsulat ug han-ay nga naglarawan kung si kinsa ang musulti
sa laing napulo ka tubag, ug isulti kung ngano.

Pamalandungi ang Matag Pulong Niini’ng Bersikuloha
Mga Taga-Roma 10, 14-15

Pag-gahin ug Pipila ka Minuto aron sa Kausaban sa Kalibutan
Pag-ampo alang sa Ehipto - Operation World page 204
60,000,000 ang musulti ug Arabik
86% Muslim, 13% Orthodox
Ang Simbahan ginalutos

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 Kita mibahin sa tawo sa daghang klase, puti ug may kolor, adunahan ug kabus, may edukasyon ug wala, Amerikano ug lumad nga Amerikano, mga Taga-sidlakan ug mga Taga-kasadpan. Apan si Hesus mibadlis ug usa ka linya ubos niining  tanang mga kalainan ug mibahin sa katawhan sa duha lamang ka klase, ang wala makabig ug ang nakabig, ang kausa natawo ug ang kaduha natawo. Tanang katawhan nagpuyo sa usa ka panig o ang uban sa pikas linya. Mao kini ang pagbahin nga nagdagan sa tanang panahon ug hangtud sa walay katapusan. Si Stanley Jones, sa India.

1. Unsa Ang Kasingkasing Sa Dios?

Ang Dios mapailubon, dili niya buot nga adunay malaglag, apan ang tanan moadto sa paghinulsol. Ang paagi sa Dios paghimo niini mao ang pag-gamit kanato isip iyang kauban sa trabaho. Kita ang lawas ni Kristo, ang mga kamot, mga tiil ug mga ngabil ni Hesus dinhi sa kalibutan. 2 Pedro 3.9

2. Asa Man Ang Tawo ?

Ang tawo mahimong mga kanhi lumulupyo sa baryo sa usa ka lasang o usa ka kalibutanong lumulupyo sa siyudad, apan ayaw pag-ingon nga kadtong tagabaryo maoy ignorante sa Dios. Ang tanang tawo anaa sa nagkalainlaing natad sa pagtuo sa ebanghelyo maong importante nga masuta kung asa sila’ng ang-anga aron pagmaniho sa pinakamaayong angay isulti ngadto kanila.

1.      Kristiyanismo? Wala pako kadungog niana.

2.      Kristiyanismo? Oo, apan unsa man kana?

3.      Kadungog na ko sa ebanghelyo.

4.      Kasabot man ko sa ebanghelyo.

5.      Ang ebanghelyo importante alang kanako.

6.      Nagkinahanglan ako sa kapasayloan ug gugma sa Dios.

7.      Hagita ako pagdawat kang Kristo.

8.      Pag-ampo uban kanako aron pagdawat kang Kristo.

9.      Naghunahuna pa ako sumala sa akong desisyon.

10.  Oo, gusto ko mo-apil ug simbahan.

11.  Oo, gusto ko musulti sa uban.

3. Unsay Angay Natong Buhaton?

Si Pablo ang maayong ehemplo nga angay sundon. Ngadto sa mga Hudiyo nahimo siyang sama sa mga Hudiyo, ngadto sa mga hentil nahimo siyang sama sa mga Hentil, ngadto sa luyahon nahimo usab siyang luya aron nga sa bisag unsang posibling paagi makaluwas siya ug daghan. Mao kana ang pag-ebanghelyo. 1 Mga Taga-Corinto 9, 19-23. Kung ang simbahan magsige ug puyo sa ila lamang kaugalingon kaysa ubang tawo sa gawas, nan mao kini ang sinugdanan sa hinayhinay nga kamatayon. Ang pag-ebanghelyo maoy pinaka kulbahinam ug dugokan sa kinabuhi sa simbahan. Ang matag miyembro kinahanglan mosaksi, matag adlaw.

4. Unsaon Paghimo Ug Personal Nga Pag-ebanghelyo

Kasagaran sa mga magtutuo labaw pang matinguhaon apan wala mahibalo asa magsugod?

1. Si Hesus miingon nga manglakaw pinaagi sa tagtinagurha, dili mag-inusara, pakig-uban ug higala nga pariha ug sekso.
2. Ang Pag-ebanghelyo mas maayong makat-unan pinaagi sa paghimo niini, mao nga lakaw ug tabang una sa uban.
3. Pokus una sa imong pamilya ug mga higala, ang mga tawo nga kanunay nimong makit-an ug nailhan mo una sa tanan. Basig nakamatikod na sila ug kausaban diha kanimo ug nahibulong kung ngano.
4. Pagbaton ug pagtuo alang sa imong pamilya ug mga higala kay ingon nga mga dili magtutuo wala pa silay kaugalingong pagtuo. Pahulma usa sila sa imong pagtuo, tuo alang kanila.
5. Pag-ampo sa Balaang Espiritu nga maoy magadumala.
6. Paghisgut kanunay mahitungod kang Hesus. Isugid nga siya naga-ayo, nagapanalangin ug nagapasaylo karon, ug nga siya ania kauban ninyo karon, aron pagtabang. Tanyag ug pag-ampo alang sa katawhan ug tan-awa unsay buhaton sa Ginoo.
7. Pakita ug gugma sa Dios pinaagi sa pagtanyag ug tabang sa praktikal nga paagi kung kini angayan. 1 Juan 3.18.
8. Pag-ampo alang sa mga pamilya kay mao kana ang kasingkasing sa Dios. Kanunay tuguti nga ang tawo may oras sa paghisgut sa pagsunod kang Hesus uban sa ilang pamilya. Kini basin maka-aghat kanilang tanan, ug kung dili ang pagsupak magsilbi gihapon ngadto sa pagmugna ug tinuod nga pagpanugyan. Mga Buhat 16.31

6. Unsaon Mo Pagkahibalo Kung Kang Kinsa Makigsulti?

Ang sekreto mao ang pagtan-aw kung unsay gibuhat sa Dios ug unya apil. Unsaon mo paghimo niana? Mga Taga-Roma 3:10 nagsulti kanato nga walay usa nga nangita sa Dios, “Walay makaduol kanako gawas kung ang Amahan ang modala kaniya.” Juan 6.44.

May Nakita Ka Bang Ilhanan Nga Ang Dios Namuhat?
Masabtan ta kini nga kung may usa nga magpakita ug interes diha kang Hesus kini tungod kay ang Amahan nagpahiduol kaniya. Mao nga kung may mamatngunan kang gamay’ng ilhanan, ibutang ang tanan ug Kuyog uban sa Dios. Dinhi nimo mahibaluan kung unsay ginabuhat sa Amahan. Dili kinahanglan mugukod sa mga tawo nga wala pa motubag, itugyan sila sa mga kamot ug panahon sa Dios. Mateo 10.14

7. Unsaon Pag-ebanghelyo Sa Simbahan?

Aniay tulo ka kadaghanang pamaagi, apan pag-ampo kanunay ug salig sa Dios nga mogiya.

Pag-ebanghelyo Pinaagi Sa Pagbuhat
Mao kini ang pagsaksi pinaagi sa kausaban sa kinabuhi ug kalidad sa kinabuhi nga gihatag ni Kristo. Apan siguroha nga ang mga miyembro mga tinuod nga Kristohanon tungod kay ang mga tawo mobantay sa mga dili maayong binuhatan ug unya mopalayo na sa ebanghelyo. Ang atong mga kinabuhi mahimong bugtong Biblia nga nabasa sa ubang mga tawo. Ang buluhatong sosyal aron pagtabang sa mga kabus, sa mga gigutom, masakiton ug mga piniriso usa usab ka lig-on nga pagsaksi.

Pag-ebanghelyo Pinaagi Sa Pagsangyaw
Ang pag-ebanghelyo pinaagi sa buhat kinahanglan paluyuhan pinaagi sa mahagitong pagsangyaw sa ebanghelyo aron paghatud sa mga tawo diha sa desisyon. Dinhi magamit nato ang pagwali, pagpamuhat diha sa kadalanan, pagpangompanya, mga basahon ug mga salida.

Pag-ebanghelyo Pinaagi Sa Pagdani
Diha sa  2 Cor 5.11 si Pablo mihisgot mahitungod sa pagdani ug katawhan. Ang ubang mga kasimbahanan mihimo niini pinaagi sa pag himog pagtuon sa biblia o panaghisgot diha sa mga unibersidad o panimalay. Migamit sila ug mga radyo ug telebisyon, o balay balay nga pagpamisita aron pagpadayon ug pagpa-ila kang Hesus ug pagdani sa mga tawo aron pagdawat kang Kristo. Ubang kasimbahanan mibansay sa ilang mga miyembro ug mipadala kanila sa gawas aron pag-ebanghelyo sama sa gibuhat ni Pablo diha sa Mga Buhat 19.8

Labaw sa tanan, bisag unsang pag-ebanghelyo epektibo lamang sama sa kinabuhi sa pag-ampo nga nagpaluyo niini. Sultihi ang Dios mahitungod niining mga tawhana una nimo sultihan ang mga tawo mahitungod sa Dios.

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana. 

 

.

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk