5. Ang Kinabuhi Sa Ebanghelista

Unsa man ang makahimo sa mga tawo pagpaminaw?

Tan-awa ang mga Pagtulon-an

 Basaha Kini sa Imong Bibliya  
Marcos kapitulo 1

Ani-a ang Imo’ng Sag-ulohon nga Bersikulo
Si Hesus Miingon, " Ang panahon natuman na. Ang gingharian sa Dios haduol na.
Paghinulsol ug tumuo kamo sa maayong balita." Marcos 1.15

Pagkahuman Hisguti ang Mahitungod Niini
Hagita ang matag-usa sa mga pangutana pagkatapos niini nga pagtulon-an.

Usa ka Butang Angay Buhaton sa Dili pa ang Musunod
Kini ang panahon sa pagbuhat sa mga buhat ni Hesus ngadto sa baryo nga wala pa nimo sukad maadtoi,
ug pagwali didto. Paghuman ug ampo, panglakaw sa tagtinagurha o usa ba ka grupo.

Sinulat nga Buluhato’ng Pangdiploma
Tan-awa ang mga ebanghelyo ug diha sa Hebrohanon 5.7
ug pagsulat ug pahina nga naghulagway sa kinabuhi sa pag-ampo ni Hesus.

Pamalandungi ang Matag Pulong Niini’ng Bersikuloha
Hebrohanon 2, 3-4

Pag-gahin ug Pipila ka Minuto aron sa Kausaban sa Kalibutan
Pag-ampo alang sa Mongolia - Operation World page 389
3,000,000 Mogolianhon
Tradisyonal nga Tinuhu-an, Buddhista, o malimdanon sa Dios
Basin may 1,000 ka bag-o’ng magtutuo
Dagha’g pag-antos, pagpahimulos

 

Siguroha nga matudlo mo kini nga pagtulon-an sa uban.
Pag-ampo kanunay ug pangandam pag-ayo uban sa pagdugang sa imong kaugalingo’ng mga bersikulo ug mga asoy aron paghatag  ug dugang kinabuhi.

 

Marcos 1.45 nagsulti nga ang mga katawhan nga miduol kang Hesus gikan sa nagkalainlaing dapit. Dili sila gikan ug mga kasimbahan, mga krusada, mga misyon o lungsoranong serbisyo. Sila miduol kang Hesus. Kung atong masuta nganong nanuol sila, ug buhaton ang sama, ang mga katawhan manuol gihapon kang Hesus gikan sa lainlaing dapit.

1. Si Hesus Mi-abiabi Sa Balaang Espiritu.

Si Hesus maminaw ngadto sa Balaang Espiritu, 1. 9-12, mituman ug mihatag pagtugyan sa iyang kinabuhi ngadto sa Espiritu, magalakaw ug magabuhat sumala sa tudlo sa Espiritu.

Nganong Mahinungdanon Kini?
Si Hesus ug ang Dios mao ra, apan sa dihang siya nagpakatawo gituyuan niya pagbiya ang tanan niyang langitnong gahum. Mga Taga-Fil 2.6-7. gipili niya nga mahimong kasagaran nga bata, dili isip magmamando sa militar, adunahang negosyante o politikong magbabalaud. Si Hesus mipuyo isip ordinaryong nga tawo, sama kanato mobati ug tugnaw, gutom, uhaw, kalipay ug kaguol. Namuhat usab siya isip ordinaryo nga tawo, apan tawo nga gigamhan sa Balaang Espiritu nga mahimo usab nato ug angay gayud buhaton. Lukas 4.18

2. Si Hesus Midaug Sa Mga Pagtintal Ni Satanas.

Didto sa kamingawan, Marcos 1.13, Mateo 4. 1-11, si Hesus luya ug gigutom sa dihang gitintal siya ni Satanas aron pag-sulay sa iyang gahum ug paghimo’g tinapay sa mga bato. Sunod si Satanas mitintal kaniya sa pagsibog sa alantuson ngadto sa krus ug unya si Satanas mitintal kang Hesus sa pagtuboy sa iyang kaugalingon apan si Hesus midumili ngadto kang Satanas sa matag higayon ug mipili sa pagkamatinudanon ngadto sa Dios ug sa iyang mga katuyuan. Si Satanas mibiya nga pildiro.

3. Si Hesus Mibutang sa Pagwali Una sa Iyang Listahan.

1. Siya miingon nga ang iyang mensahe mao ang maayong balita.
2. Siya miingon nga ang Gingharian sa Dios haduol na.
3. Siya miingon nga ang panahon duol na.
4. Iyang giingnan ang katawhan sa paghinulsol ug pagtuo, Marcos 1.14

Kita usahay mosaksi kang Hesus sa hilum ug mahigugmaong paagi pinaagi sa atong kinabuhi apan sa katapusan ang katawhan kinahanglang mahagit sa paghinulsol, ngadto sa pagbalik kang Hesus ug pagtuo, o dili. Ayaw itugot nga adunay moingon nga ang pagwali dili na popular. Si Miguel Diez adunay 3,000 ka mga tigpaminaw sa kahanginan sa Ekwador, ang simbahan sa Pensacola, Florida nakakita ug 100,000 ka mga kabig sulod sa duha ka tuig, ug si Carlos Anacondia sa Argentina nakakita ug 8,000,000 ka mga midesisyon alang kang Kristo tanan pinaagi sa pagwali.

4. Si Hesus Nasayod sa Panahon sa Dios.

Si Hesus namuhat hangtud siya mi-edad ug treynta apan sa dihang gidakop ni Herodes si Juan nga Bautista, mao kadto ang gato sa Dios. Nasayod si Hesus nga niabot na ang iyang oras. Giingnan kita sa pagbantay, aron kita masayod kung kanus-a anaa si Hesus sa purtahan. Kung atong itutok ang atong mata diha sa mapanagnaong pulong sa Dios, diha sa simbahan ug diha sa Israel, ug usa ka mata diha sa mga panghitabo sa kalibutan, atong masabtan ang mga panahon. Marcos 13.28-36, Mateo 16, 1-3.

1. Si Noe nasayod sa panahon, ug mihimo sa arka.
2. Si Moises nasayod sa panahon, ug midala sa katawhan sa Dios ngadto sa kagawasan.
3. Si Daniel nasayod sa panahon, ug nag-ampo aron pagtapos sa paghingilin sa katawhan sa Dios.
4. Ang Dios nasayod sa panahon, ug mipadala kang Hesus.
5. Si Hesus nasayod sa pahon, ug nagwali.

5. Si Hesus Nanawag Ug Lain Nga Motabang Kaniya.

Wala niya buhata ang matag butang nga nag-inusara, 1.16-20. Mga katawhan nga nakadungog sa tawag ni Kristo ug sila mituman sa walay paglangan, mibiya sa tanan ug misunod kang Hesus, aron pagpakaylap sa pagsaksi ug pag-ambit sa buluhaton.

1. Una  si Hesus lamang.
2. Dayon, si Hesus ug dugang 12.
3. Dayon, ang 12 ug dugang 3,000.
4. Dayon, ang 3,000 nahimong 5,000 ka mga Hudiyo.
5. Dayon ang mga katawhan sa lainlaing nasud misalmot sa kalihukan.
6. Dayon ang ebanghelyo midangat ngadto sa Aprika ug Asya, ug sa unahan.

6. Si Hesus Mipakita Sa Gahum Sa Dios.

Siya mihingilin ug demonyo, 1,25.

Siya miayo ug gimalarya, 1. 31.

Siya miayo ug daghan ug mihingilin sa mga demonyo, 1.33; 39.

Siya miayo ug sanglahon, 1.42.

Sa matag-oras nga ipakita ni Hesus ang gahum sa Dios nga mao ang gugma ug kalooy sa Dios diha sa pagbuhat ang balita mikaylap, 1.28,45, tungod niini ang tibuok lungsod muduol aron sa pagpakigkita kaniya, 33, 37.

7. Si Hesus Mitugyan Diha Sa Mga Pag-ampo.

Si Hesus mibuhat lamang sa iyang nakita nga gibuhat sa iyang Amahan, Juan 5.19, ug mubuhat sa paghimo ug panahon sa pagpaminaw sa iyang Amahan. Usahay kini sayo sa kabuntagon o sa lawum nang gabii, o bisan sa tibuok gabii, sa pribado ug sa publiko. Pagkahuman,  iyang mahibaluan ang angay buhaton. Marcos 1.35

8. Si Hesus Matinugyanon Ngadto Sa Katawhan.

Aduna siyay mga oportunidad nga makapuyo ug usa ka dapit ug mahimong inila apan si Hesus gustong mopadayon sa unahan ngadto sa mga duol nga baryo, aron pagwali didto, 1.37-39. Si Hesus nahigugma sa mga tawo, bisan pa niadtong lisod higugmaon sama sa mga nademonyohan ug ang masakitong babaye ug ang sanglahon. Alang kang Hesus kini usa ka butang sa pagtugyan ngadto sa pagkab-ot ug dugang katawhan uban sa gugma sa Dios. Ang resulta mao nga mga katawhan muduol kaniya gikan sa bisag asa, ug ingon gihapon sila niana.

Si Hesus usa ka tawo nga nagapamuhat diha sa gahum sa Balaang Espiritu. Si Hesus nag-ingon nga si kinsang may pagtuo ngadto kaniya siya makahimo sama sa iyang gibuhat, ug bisan pa mga dagkong butang pinaagi sa gahum sa samang Balaang Espiritu nga gipadala ni Hesus kanato.

9. Ubang Mga Pangutana Nga Angay Hunahunaon:

1. Unsay imong mga plano sa pagkab-ot sa katawhan?
2. Unsay imong gitugyan ngadto sa pag-ampo?
3. Imo bang gigamit ang mga gasa sa Espiritu?
4. Ikaw ba mitando sa tawag ni Hesus?
5. Nakita ba nimo nga ang panahon sa Dios karon?
6. Ang pagwali imo bang prioridad?
7. Imo bang gidaug ang mga pagtintal ni Satanas kada adlaw pinaagi sa pag-ampo, sa pulong ug sa paghimo’g mga balaa’ng desisyon?
8. Nadawat mo ba ang Balaang Espiritu sa dihang mituo ka ug puno ka pa ba gihapon kaniya matag adlaw?

 

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.