4. Katuyoan sa Pagpangandam
ngadto sa Kaluwasan
Mga Katawhan nga Imong Mahimamat Mahimong
Madala Diha kang Hesus
Basaha Kini sa Imong Bibliya
1 Pedro 3, 8 -22; Daniel 12, 2-4
Ani-a ang Imo’ng Sag-ulohon nga Bersikulo
Andam kamo kanunay sa pagtubag sa
tanan nga mangayo kaninyo
ug katarungan sa paglaum nga anaa kaninyo. 1 Pedro 3.15
Pagkahuman Hisguti ang Mahitungod Niini
Unsang klase sa pangutana ang imong
mapangutana aron ang iyang tubag kanimo
mohatod kaniya sa pagpakisayod sa imong kasinatian.
Usa ka Butang Angay Buhaton sa Dili pa ang
Musunod
Hinumdumi kung giunsa ka sa Ginoo
pagdala ngadto sa pagtuo kaniya ug gi-unsa ka niya pagtabang sa dihang gibuhat
mo kana.
Isulat kining tanan, ug dayon sulayi pagsulti ang imong mga higala sa kalma,
apan dili relehiyuso nga paagi sulod sa duha ka minutos.
Sinulat nga Buluhato’ng Pangdiploma
Pagsulat ug dili musobra sa duha ka
pahina mahitungod sa pasumbingay sa nawalang anak
kung unsay mensahe niini kanimo mahitungod sa mga nangawalang katawhan ug ang
kasingkasing sa Dios diha sa pagpasig-uli.
Pamalandungi ang Matag Pulong Niini’ng
Bersikuloha
2 Timoteo 1.7
Pag-gahin ug Pipila ka Minuto aron
sa Kausaban sa Kalibutan
Pag-ampo alang sa
Belgium - Operation World page 114
Dul-an sa
10,000,000 ka Europeanhon, HQ Europeanhano’ng
Union
Taas ug Industriyalisasyon, adunahan apan
0.32% lamang ang ebanghelyohanon
Siguroha nga matudlo mo kini nga
pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong
kaugalingo’ng mga bersikulo ug mga asoy aron paghatag ug dugang kinabuhi.
Si Pedro, ang bantugang apostoles ug hinigugmang pastor mihimo usab sa buluhaton sa ebanghelista. Apan diha sa 1 Pedro 3, 1-8 giablihan niya ang iyang kasingkasing isip pastor, apan diha sa bersikulo13 midasig siya sa iyang kongregasyon sa pagkabig ug mga kalag alang kang Hesus. Atong sundon ang iyang mga maayong tambag.
1. Kinahanglan Natong Dag-on Ang Atong Kahadlok.
Sa Espanya adunay usa ka simbahan sa mga tawo nga nagpuyo sa kadalanan, walay kahadlok nga manulis sa mga tawo, nagagamit sa ginadiling drugas ug nagabaligya sa ilang unod. Mga gatusan kanila ang katingalahang giluwas ni Hesus. Manulis sila kaniadto ug mga banko apan karon kung pasangyawon mahitungod kang Hesus dili katuohan nga mobati sila ug gamayng kahadlok, ug mosulti ug sama niini,
" Kataw-an unya ako sa mga tawo."
" Moingon unya ang mga tawo nga nabuang ko."
" Basi’g pasakitan unya ko. "
" Dili ko gusto mobatig pagsalikway."
Ang Biblia nag-ingon nga ang Dios wala naghatag kanato ug espiritu sa kahadlok, kondili espiritu sa gahum, ug sa gugma, ug sa kabuotan. 2 Tim. 1.7.
Asa Man Gagikan Ang Kahadlok?
Siya nga dili buot nga mosangyaw
kita mahitungod kang Hesus, si Satanas. Kung magpasakop kita sa Dios makasukol
kita sa yawa ug siya mokalagiw gikan kanato. Santiago/Jacobo 4.7.
2. Atong Himuong Matarong ang Atong Kasingkasing!
Kay dinhi sa atong kasingkasing atong ibutang si Kristo, isip Ginoo. Ang pagka-ilalum sa iyang pagka-Ginoo nagpasabot sa pag-alagad sa tinguha sa Ginoo ug paghimo sa bisag unsa nga iyang isulti nga alang kaniya mahinungdanon. Mao nga unsa may mga tinguha sa atong Ginoong Hesus Kristo?
Nangawala, gubot nga katawhan mahinungdanon kang Hesus. Mateo 9.36-38. Tinuod nga ang kalag maluwas pa diha sa higdaan sa kamatayon, pero mas maayo gyud ang kinabuhi ug kalag nga naluwas ug nagsunod kang Kristo. Kinsay makahibalo basig unya daghan pa silag mahatud ngadto kang Hesus?
3. Si Pedro Nagsulti Kanunay!
Kinahanglan andam kita kanunay sa pagsulti mahitungod kang Hesus sa bisag unsang panahon adlaw man o gabii. Makasiguro ikaw nga ang Dios mopahimutang sa mga kakulian usahay isip pagsukod sa imong pagkamatinud-anon.
Sa India pagkahuman sa tibuok adlaw nga pagpamuhat diha sa init ug abog usa ka grupo sa mga Kristohanon gikapoy pag-ayo. Nanglingkod sila aron manga-on sa usa ka kan-anan. Sa kalit lang usa ka silbidorong Hindu nga matinudanong miluhod sa ilang tiilan, miingon nga nakaila siya kanila, ug nangutana kung aduna bay usa kanila nga mohatud kaniya ngadto kang Hesus. Dili kadto angayan nga dapit apan kahibalo ba kamo kung unsa ilang gibuhat? Kanunay!
4. Andam Ba Ikaw!
Si Pedro nag-ingon nga kinahanglan kitang mangandam sa dili pa kita moasdang sa gubat kon dili piligro ka sa kapildihan. Sa unsang paagi kita mangandam sa atong kaugalingon? Sama pananglit, pagpangandam ~
· Sa Espirituhanong pagduol diha sa pag-ampo.
· Sa Biblikal, pa-uyon sa tinguha sa kasingkasing sa Amahan, Anak ug Espiritu.
· Sa Emosyonal, makadungog kita ug mga makatandog nga sugilanon mao nga kinahanglan maayo kitang tigpaminaw, dili malisang apan matandog ngadto sa paghilak.
· Sa Intelektuwal dunay daghang paagi sa pagkabig sa katawhan. Kahibalo ba kita kung unsa sila?
· Sa Praktikal, andam sa paglakaw sa tagtinagurha, uban sa maayong pagplano ug han-ay sa pag‘follow-up’, paghatag ug maayong impresyon.
5. Si Pedro Misulti Sa Pulong ~ Matag Usa!
Mas sayon kanato usahay makig-uban sa pipila ka tawo kaysa uban apan kung mahitungod na sa pagpangabig ug mga kalag kinahanglan atong isalikway ang tanang pagdinautay ug pagpili ngadto sa kamatayon kay alang kang Hesus ang matag kalag bililhon. Bisan kon datu, kasarangan o kabus ang tanan parehong gihigugma sa Dios.
6. Awhaga Sila sa Pagpangutana Kanimo!
Makasugod ka ba ug panagsulti nga mohatud sa usa ka tawo sa pagpangutana kanimo, sama pananglit, unsay imong ginahimo, o asa ka man kada tapos sa simana. Kana maka-abli ug purtahan aron ikaw makahisgot mahitungod sa imong pagtuo o sa imong simbahan. Ang ideya mao ang pagpangisda ug aron makakuha kinahanglan magpaon ka ug wati nga may taga sa sulod. Tan-awa kung kinsa ang imong makuha uban sa pagpailob, paglahutay ug mga mata nga abli sa mga oportunidad sa Dios.
Mga Oportunidad Mahimong Mapaabot
Usa ka pastor misakay ug tren sa
dihang ang babaye nga naa sa iyang duol gi-atake ug hubak. Ang matag-usa
milingiw lamang gawas sa pastor nga miduol ug mipakalma sa babaye. Iyang
gi-ingnan nga nahibalo siya sa iyang gibati tungod kay hubakon usab siya
kaniadto. Dayon mibalik sa iyang bangko. Pagkataud-taud ang babaye nangutana
kaniya nganong wala na siya hubaka karon. Sulod sa duha ka minutos ang pastor
nakahimo pagsaysay sa iyang pagtuo sa Dios nga naga-ayo. Ang babaye misaad nga
moadto ug mobisita unya kaniya.
7. Masaysay Mo Ba Ang Paglaum Nga Anaa Kanimo?
Kung Makig-istorya ikaw ug usa ka tawo sa dalan ug unya ang inyong panag-istorya mipadulong ngadto sa pagtuo diha sa Dios, wala ra siguro’y duha ka minutos nga masulti mo ang gibuhat ni Hesus diha kanimo. Mahimo mo ba kana? Nganong dili mo sulayan uban sa imong mga higala, matag usa magpuli-puli ug sulti o magtan-aw sa relo.
8. Bantayi Ang Imong Linihokan.
Ang linihokan ug pagpahiyom kusog mosulti kaysa mga pulong. Si Pedro miingon nga kinahanglan ang pagpakig-istorya ubanan kanunay sa pagkamaaghop ug pagrespeto, mga talagsaong hiyas niining nagkagubot nga kalibutan.
9. Sa Katapusan, Pagpangandam Alang Sa Pag-antos
Kung kini kabubut-on sa Dios, miingon si Pedro, pangandam sa pag-antos tungod sa pagbuhat ug maayo. Ubang mga tawo dili gani maminaw kanimo. Ayaw kabalaka kung sila mokatawa o mo-insulto kanimo. Kining tanan alang kang Hesus nga nagpakamatay alang sa atong mga sala una sa tanan, ang matarong alang sa mga dili matarong, aron paghatod kanimo ngadto sa Dios.
Alang sa Pagtapos Mag-ampo
Alang Sa
Mga Katawhan Sa Kalibutan Nga
Wala Pa Gayud Nawalihi Sumala Sa Ginganlan
Gikan sa ‘Joshua Project
2000’ nga Listahan sa mga Katawhan nga Wala pa Nawalihi
sa
www.ad2000.org
kining mga tawhana
wala pay simbahan ug wala pay hugpong,
simbahan o misyon nga
mikomitar sa ilang kaugalingon aron pag-ampo, pagsagop
o pagtanum ug simbahan taliwala niining mga tawhana.
|
Algeria |
||
|
People Name |
Language |
Population |
|
Hoggar, Ahaggaren |
Tamahaq, Hoggar |
31,000 |
© The DCI Foundation
Ang
pagtugot gihatag aron pagprodukto ug mga kopya sa hinungdan nga kini matun-an
apan
dili alang ibaligya o sa pangkomersyo nga hinungdan.
Kay libre nimong nadawat, libre usab nga ihatag.