3. Pangutana sa Dios
Unsa nga mga pag-ampo ang makakabig sa nangawala ?

Tan-awa ang mga Pagtulon-an

Basaha Kini sa Imong Bibliya
Ezequiel kapitulo 34.

Ani-a ang Imo’ng Sag-ulohon nga Bersikulo
Kay ang atong pagdumog dili batok sa dugo ug sa unod, kondili batok sa mga punoan,
batok sa mga pagbulot-an, batok sa mga magbubuot sa kalibutan niini nga mga kangitngit,
batok sa mga gamhanan nga espirituhanon sa kadautan diha sa mga langitnon. Mga Taga-Efeso 6.12

Pagkahuman Hisguti ang Mahitungod Niini
Karon maayo nga mogahin ug pipila ka oras sa pag-ampo,
buhaton ta ang nakat-unan nato karon lang.

Usa ka Butang Angay Buhaton sa Dili pa ang Musunod
Paggahin ug mga oras sa pag-ampo nga inusara o pag-ampo alang sa usa ug usa,
aron pagtabon sa tanang dapit sa espirituhanong pagkinahanglan diin atong gikinahanglan ang mga pag-ampo sa atong mga kaugalingon, aron mahimong mas maayong mga saksi alang kang Hesus.

Sinulat nga Buluhato’ng Pangdiploma
Pagsulat ug pag-ampo nga dili musobra sa duha ka pahina, pangaliya sumala sa 1 Timoteo 2, 1-8
alang sa tanang lebel sa mga lider o pamunuan ug alang sa mga katawhan sa imong nasud.

Pamalandungi ang Matag Pulong Niini’ng Bersikuloha
Mga Buhat 26, 28-29

Pag-gahin ug Pipila ka Minuto aron sa Kausaban sa Kalibutan

Pag-ampo alang sa  Algeria - Operation World page 87

30,000,000 North African nga katawhan, 60,000 nangamatay sa bag-o lang nga panag-unay’ng gubat

99.4% Muslim, tana’ng wala pa nawalihan, may daku’ng pagsupak sa ebanghelyo

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 Panon sa Katawhan

Usa ka adlaw mibisita ako sa merkado gikinahanglan kong muholat sa gawas sa tindahan tungod kay napuno sa mga mamamalit. Hapit ako mapiit sa nagpanon nga mga tawo, ang tanan pulos nagdali. Una mibati ko ug kasuko ngadto kanila kay sige sila ug pangtulod ug paninggit, ang uban nanag-inom ug daghang nanabako ug sigeg pamalikas. Niadtong tungora akong nahinumduman ang panahon diin nakita ni Hesus ang panon sa katawhan. Wala Siya mibati ug kasuko kanila apan gitan-aw niya  sila nga makalolooy ug tabangunon nga mga katawhan. Si Hesus naluoy kanila ug misulti sa iyang mga higala, ang mga disipolo sa pag-ampo ug mga magbubuhat aron motabang kanila. Mateo 9, 35-38

Karnero nga Walay Magbalantay
Naghinulsol ako sa akong pagka walay pasensya ug nagsugod pag-ampo. Akong gibati ang Dios nga nakig-istorya sa akong kasingkasing nga nag-ingon, “Kung gusto kang motabang niining mga tawhana, nan walay kantidad sa tawhanong pagpaningkamot ang makakuha sa ilang atensyon. Ang pinakamaayong paagi nga imong buhaton mao ang pagpaduol kanako aron makatubag ako sa imong mga pag-ampo ug madala ang mga katawhan dinhi Kanako."

Mga Pag-ampo sa Biblia Nga Makaluwas sa Nahisalaag

Hunahuna-a sa makadiyot, hilabi na kung nakahibalo ikaw sa imong Biblia. Diin ba ikaw makakita ug mga ehemplo sa mga tawo nga nag-ampo sa Dios ug nangayo kaniya aron pagluwas sa matag-usa sama sa Inahan, Amahan, Anak nga Lalaki, Anak nga Babaye, amo, silingan ug uban pa. Ang simpling tubag mao nga dili ka makakita ug ingon niana nga mga pag-ampo!

Ngano’ng Dili?
Tungod kay gipakita na sa Dios ang iyang hingpit nga pagtugyan sa iyang kaugalingon alang sa ilang kaluwasan. Mas matinugyanon siya kay kanato. Alang kaniya kining matanga may kasiguroan na, ug hangtud sa kahangturan.

Ang Dios mihimo ug saad sa pagpukan sa ulo, nga mao ang awtoridad sa dautan, Genesis 3.15

Ang Dios mibugkos sa iyang kaugalingon uban sa mga panagkauyon o mga kasabutan sa pagpanalangin sa katawhan lakip ang Genesis 9, 1-17, Genesis kapitulo 15 ug 17, Exodo 34.10

Bisan tuod ang tawo mapakyas sa iyang saad matag karon ug unya ang Dios sa iyang gugma ug kalooy misaad ug bag-o’ng kasabutan diha sa Jeremias 31.31.

Siya misaad kang Abraham nga pinaagi kaniya ug pinaagi sa pagtuo ang mga kaliwatan sa kalibutan mamahimo’ng mapanalanginan, Gen. 12, 1-3.

Ang Dios mihatag sa tibuok nasud, ang Israel, ug tahas sa pagministeryo sa iyang panalangin dinhi sa kalibutan, Exodo 19, 5-6.

Sa Ezequiel 34, bersikulo 4, 12, 16, ang Amahan mipakita sa iyang dakung kaluoy pinaagi sa pagdeklara nga bisan kung ang tawo mapakyas sa pagpakabana, Siya ang mangunay sa pagpangita sa nangawala, mopabalik sa nahisalaag ug mobugkos sa nangasamdan ug molig-on sa nangaluya.

Labaw sa tanan, ang Dios mipadala sa iyang Anak, si Hesus, aron pagpangita ug pagluwas sa nangawala. Lukas 19.10, Lukas 4.18.

Sa dihang gipadala sa Dios ang Balaang Espiritu, ang una niyang gibuhat sa kadaghanan mao ang pagpahibalo sa mga katawhan sa tibuok kalibutan, pinaagi sa kaugalingon nilang pinulongan ang mahitungod sa mga Diosnong katingalahan. Mga Buhat 2, 1-12.

Unsa Ang Pinakamaayong Pag-ampo sa Biblia?
Karon nga atong nahibaluan kung unsa ka matinugyanon ug determinado ang Dios, makahimo kita pagampo sa ngalan ni Hesus uban sa kasibot, uban sa paglahutay, uban sa pagpangusog ug uban sa hingpit nga kasiguroan, “Moabot kanamo ang Imong gingharian, matuman ang Imong pagbuot dinhi sa yuta, maingon man sa langit. Amen."

Nan Unsaon Man Nato Pag-ampo?

Bisan tuod nahibalo kita nga ang Dios matinugyanon sa paglantaw sa kaluwasan sa katawhan gikinahanglan gihapon natong moampo, ug ampo sa masubsob ug uban sa tumang kasibot, kadasig ug paglahutay. Unsa may atong i-ampo?

Una, Mag-ampo Kita Alang sa atong Kaugalingon

Alang sa atong mga hunahuna nga maablihan sa kamatuoran sa pagkawala, Pinadayag 20.11.

Alang sa gugma sa nangawala, Lukas 19.10.

Alang sa mga purtahan nga maablihan sa Dios, 1 Mga Taga-Cor. 16.9, 2 Mga Taga-Cor 2.12, Mga Buhat 14.27, Mga Taga-Col. 4.3, Pinadayag 3.8.

Alang sa pagkasensitibo sa Diosnong giya, Mga Buhat 8.26 ngadto sa unahan.

Alang sa kaalam, kung ang mga oportunidad nga atong gidahuman dili moabot, ug kita kasagaran mangita ngadto sa sayop nga dapit. Santiago/Jacobo. 1.5

Alang sa kaisog, Mga Taga-Efe. 6.19, Mga Buhat 4.29.

Alang sa kagawasan sa Balaang Espiritu sa paghimo sa iyang buluhaton sa pagpanandog ug tawo, Mga Buhat 1.8.

Alang sa iyang mga pulong, Isaias 59,21, Jer. 1.9.

Alang sa pagsabot sa pagtubo ug pag-ani, Mateo 13, 1-23, Isaias 53, 10-11.

Kinahanglan Mag-ampo Kanunay Alang sa mga Katawhan

Ang pag-ampo maoy pagpakita sa atong gugma. Ang pinakamaayong matang sa pag-ampo mo pili sa mga tinguha sa Dios ug mopadayag pagbalik niini ngadto kaniya uban sa mga pulong. Si Pablo magagiya kanato unsaon pag-ampo alang sa katawhan diha sa 1 Tim. 2, 1-3. "Alang kanako, ipahilayo kini kanako nga ako magpakasala batok sa Ginoo sa pag-undang sa pag-ampo alang kaninyo." 1 Samuel 12.23

Mag-ampo Kita Sama sa Espirituhanong Pagpakigubat

Bisan tuod nga ang dios niining panahona, si Satanas, mibuta sa mga hunahuna sa mga dili magtutuo, ang pag-ampo maoy maka-abli nianang mga mata nga nabutahan ug moluwas sa katawhan gikan sa gahum ni Satanas aron sila mapasaylo sa Dios ug maapil sa iyang pamilya. 2 Mga Taga-Cor. 4.4, Mga Buhat 26.18. Kinahanglan kitang mag-ampo batok sa buhat ni Satanas sa pagpugong sa mga tawo, salapi ug mga materyales aron pagpadayon sa ebanghelyo. Mga Taga-Efeso 6.12. Sa pagkatinuod hugot ang iyahang pagpugong mao nga si Hesus misulti kanato nga pangayo-on ta sa Dios nga magpagawas siya ug mga magbubuhat ngadto sa mga kaparasan.  Pagpagawas maoy usa ka pulong nga naglakip ug pagtulod paabante! 2 Mga Taga-Corinto 2.11; Mateo 9.38

Natubag nga Pag-ampo.

Ang Biblia nagtug-an nga ang nanag-unang simbahan mitugyan sa ilang mga kaugalingon ngadto sa pag-ampo ug ang Dios midugang kanila matag adlaw. Tungod kay nakita sa ilang mga pangulo nga ang pag-ampo ug ang pulong maoy pinaka-importante, ang gidaghanon sa mga bag-ong disipolo paspas nga misaka. Mga Buhat 2, 42,47; 6, 4-7. Hinumdumi, kung mag-ampo kita uyon sa kabubut-on sa Dios, nan ang atong mga tubag moabot gayud. 1 Juan 5, 14-15, Marcos11.24, Mateo 18.19, Mateo 7.7, Jeremias 33.3.

 

 Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.