2. Maayong Balita

Tan-awa ang mga Pagtulon-an

 

Basaha Kini sa Imong Bibliya
1 Mga Taga-Corinto 15, 1-34; 15.58

Ania-a ang imong Sag-ulohan nga Bersikulo
Kay dili ko igakaulaw ang Maayong Balita; kay kini mao ang gahum sa Dios alang sa kaluwasan sa tagsa-tagsa nga motoo. Mga Taga-Roma 1:16

Pagkahuman Hisguti ang Mahitungod Niini
Nakapangayo ka na ba ug pasaylo mahitungod sa imong kasal-anan ug nakadawat kang Hesus isip Manluluwas?
Kung wala pa, karon ang maayong panahon.

Usa ka Butang Angay Buhaton sa Dili pa ang Musunod
Desider kung pipila ka mga dili Kristohanon ang imong esplekahan mahitungod niining dakung balita.
Kini ba usa, o duha, o upat, o walo ?
Ayaw’g lapas sa imong pagtoo hinuon paghimo’g tumong ug pangayoa ang tabang  sa Ginoo.

Sinulat nga Buluhato’ng Pangdiploma
Pagsulat ug 2 ka pahina nga latid sa wali sa tema nga imong gipili apil ang tanang mga sangkap sa ebanghelyo nga imong nakat-onan.

Pamalandungi ang Matag Pulong Niining Maong Bersikulo
Mga Proberbyo 30, 2-4

Pag-gahin ug Pipila ka Minuto aron sa Kausaban sa Kalibutan

Pray for Mauritania - Operation World page 375

2,500,000 West African peoples

99.7% unbelievers, Lost in Islam and poverty

 

 

Siguroha nga matudlo mo kini nga pagtulon-an sa uban.
Pag-ampo kanunay ug pag-andam pag-ayo uban sa pagdugang sa imong

kaugalingo’ng mga bersikulo ug mga asoy aron paghatag  ug dugang kinabuhi.

 

 

(1) Nadungog Ba Nimo Ang Pangutana?

Sa imong espirito nadungog ba nimo ang hilom nga hilak sa kasingkasing sa mga tawo sa kalibutan?

Paminaw.

 

Ako gikapoy O Dios,

Ako gikapoy O Dios, ug naluya.

Ako ang pinaka-ignorante sa tanan,

Wala akoy tawhanong pagpanabot.

Wala akoy nakat-una’ng kaalam, ni kahibalo mahitungod sa  Usa nga Balaan.

Si Kinsa misaka sa langit ug nana-og?

Si Kinsa mipundok sa kahanginan diha sa haw-ang sa Iyang kamot?

Si Kinsa mitabon sa tubig sa Iyang kupo?

Si Kinsa mitukod sa tana’ng utlanan sa kalibutan?

 

Kinsa may iyang ngalan?

Ug ang ngalan sa iyang anak?

Suginli ako kung nahibalo ka!

 

Mga Proberbyo 30, 1-4

Minilyo’ng katawhan ang naglibog sa kahulugan sa kinabuhi. Wala gani sila nasayod kung asa sila gikan, kung nganong ania sila o kung asa sila padulong pagtapos niining kinabuhi. Sa ilang kasingkasing mituo sila nga may Dios apan kinsa man siya, asa man siya, unsa kaha ang iyang panagway? Nakaila ikaw kung kinsa siya ug nasayod ikaw sa ngalan sa iyang Anak, ang atong Ginoong Hesu Kristo.

(2) Unsa’y Ato’ng Isulti Kaniya?

Nagsulat si Pablo sa iyahang mga higala sa simbahan sa Corinto, sa Gresya aron pagtubag sa pangutana. Matod niya adunay unom ka mga importanteng butang nga angay’ng mahibaluan sa katawhan aron sila makahukom kung unsay angay buhaton. 1 Mga Taga-Corinto 15. 1-28

• Aduna’y mensahe gikan sa Dios.
• Si Hesus namatay, nabanhaw ug nabuhi.
• Aduna’y grasya ug pabor gikan sa Dios.
• Ang kamatayon dili ang kataposan.
• Si Hesu Kristo mobalik pag-usab.
• Aduna’y kataposa’ng adlaw.

(3) Sultihi Siya Nga Mahimo Niya’ng Mailhan Dios

Ang Bibliya nag-ingon nga kini ‘importante una sa tanan‘ nga ang matag lalaki ug babaye, batan-o’ng lalaki ug babaye makadungog gayod sa ebanghelyo, ang mensahe nga mipasig-uli sa tawo diha sa Dios.

Unsa Man Ang Maayong Balita?
Mao kini ang gahum sa Dios ngadto sa matag-usa nga mutuo. Mga Taga-Roma 1.16. Si Pablo nag-ingon kanato nga si Kristo, Anak sa Dios namatay alang sa ato’ng mga sala,  nga siya gilubong  ug nga siya nabanhaw sa ikatulo nga adlaw. 1 Mga Taga-Cor. 15, 1-4

1. Kinahanglan kitang mutuo nga ang Dios mao siya, nga siya anaa ug siya ang magbabalos sa tana’ng makugihon nga nagapangita kaniya, dili mabangis, halayo nga pigura. Mga Hebrohanon 11.6

2. Kinahanglan kita’ng mutuo nga siya balaan nga Dios, ug ang atong mga sala sa wala pagpangita kaniya, sa pagtuman sa ato’ng mga kaugalino’ng pamaagi, sa ato’ng mga hugaw nga huna-huna, pulong ug binuhatan mao’y nakabulag kanato gikan sa iyang gugma ug presensiya. Ang resulta sa dihang kita mamatay  ang atong mapaabot mao ang makahahadlok nga silot. Mga Taga-Roma 3.23, 6.23.

3. Atong gipili sa pagtuo nga ang Dios sa iyang dakung gugma nagpadala sa iyang Anak nga si Hesus, gi-anak sa usa ka ulay ug wala’y sala, aron pagluwas kanato pinaagi sa pag-angkon sa tana’ng Diosno’ng kasuko aron kita adunay kalinaw ug mahimo’ng musulod sa balaa’ng presensiya sa Dios karon ug sa kamatayon.. 1 Pedro 2.24-25

4. Kita mituo sa atong kaugalinong katungdanan sa paghimo sa insaktong pagtubag. Atong giangkon ug gibasulan nga kita nakasala. Kita mituo nga si Hesus nagpakamatay tungod kanato ug karon ato’ng pangayuon ang tabang sa Dios aron kita makalikay sa tanang dauta’ng buhat. Atong gidawat si Hesus isip Manluluwas ug Ginoo, ug misaad nga musunod kaniya hangtud sa hangtud bisan kung ang  mga higala ug pamilya musamok sa kinabuhi. Juan 1, 12,13. Pinadayag 3.20.

(4) Sultihi Siya Nga Si Hesus Buhi

Ang ato’ng pagtuo wala nagbasi sa ato’ng pagbati apan kini nagabarog diha sa kamatuoran nga mahimong ilhon isip mahinungdano’ng ebidensiya diha sa bisan unsang maayong husgado. Gisulat  ni Pablo  ang mga masaksiho’ng pagpamatuod sa 514 ka katawhan lakip na ang pahayag sa mga tawo nga nakaila pag-ayo kang Hesus, sama kang Pedro ug sa mga apostoles. Wala gayod sila masayop. 1 Mga Taga-Corinto 15, 5-8.

(5) Sultihi Siya Nga Adunay Grasya Alang Kaniya

Ang grasya mao ang wala mahitakus nga pabor gikan sa Dios, gihatag libre, wala palita o hagui, angay dawaton uban sa pagpasalamat. Si Pablo nag-ingon nga bisa’g iyang gisakit ang simbahan, apan ang grasya sa Dios gamhanang nagapamuhat sa iyang kinabuhi. Ang grasya sa Dios mihimo kang Pablo gikan sa pagkapangulo sa mga makasasala ngadto sa pagkagamhanang tawo sa Dios. 1 Mga Taga-Cor. 15. 9-10

(6) Sultihi Siya Nga Ang Kamatayon Dili  Ang Kataposan

Gawas kung atong pilion ang pagsunod kang Hesus, kita makasulod sa presensiya sa Ginoo diha sa kamatayon. Kita nagapaabot sa umaabot nga pagkabanhaw diin ang mga magtutuo makabaton sa bag-ong lawas nga dili matigulang, masakit o mamatay. Kita magapuyo sa bag-ong kalibutan ilalum sa bag-ong langit pero ang mga dili magtutuo magapaabot sa linaw nga kalayo ug walay kataposang kasakit nga layo sa gugma sa Dios. 1 Mga Taga-Corinto 15, 12-23, 35-49

(7) Sultihi Siya Nga Si Hesus Hapit Na Mobalik

"Sa iyang pag-abot," siya magadala’g hukom ngadto sa katawhan sa kalibotan, uban sa pagtuo sa gisaad sa mga anghel diha sa Mga Buhat 1.11, kutob sa may mga Kristohanon ubos sa tanang panuigon hangtud niining adlawa. 1 Mga Taga-Corinto 15, 23, 25.

(8) Sultihi Siya Nga Adunay Kataposang Adlaw

Karon ang kanunay’ng adlaw sa pagdawat sa kaluwasan sa Dios, ug karon ang pinakamaayong panahon tungod kay ugma basi’g ulahi na. 1 Mga Taga-Corinto 15, 24-28, 50-57. Tungod sa maong mga rason, kita nga mituo magbarog nga lig-on, dili nato tugutan nga dunay mopabalhin kanato gikan niining malungtarong kamatuoran. Atong kanunay ihatag ang atong kaugalingon diha sa buluhaton sa Ginoo, sa pagsulti sa uban, sa kasayuran nga ang kining paghago bisan lisod, apan dili gayod makawang.  1 Mga Taga-Corinto 15.58

 

Alang sa Pagtapos Mag-ampo Alang Sa

Mga Katawhan Sa Kalibutan Nga Wala Pa Gayud Nawalihi Sumala Sa Ginganlan

Gikan sa ‘Joshua Project 2000’ nga Listahan sa mga Katawhan nga Wala pa Nawalihi

sa www.ad2000.org kining mga tawhana wala pay simbahan ug wala pay hugpong,

simbahan o misyon nga mikomitar sa ilang kaugalingon aron pag-ampo, pagsagop

o pagtanum ug simbahan taliwala niining mga tawhana.

 

 

 

 

 

© The DCI Foundation

Ang pagtugot gihatag aron pagprodukto ug mga kopya sa hinungdan nga kini matun-an

apan dili alang ibaligya o sa pangkomersyo nga hinungdan.

Kay libre nimong nadawat, libre usab nga ihatag.

 

www.dci.org.uk | cebuano@dci.org.uk